ബ്രസീലിയൻ താരങ്ങളുടെ മികവിൽ വമ്പൻ ജയവുമായി റയൽ മാഡ്രിഡ് : എംബപ്പേക്ക് ഹാട്രിക്ക് : ഇരട്ട ഗോളുമായി ഹാരി കെയ്ൻ : മാഞ്ചസ്റ്റർ യൂണൈറ്റഡിനും ആഴ്സണലിനും ജയം : എസി മിലാന് സമനില യുവന്റസിന് ജയം
ലാലിഗയിൽ വലൻസിയയെ 5-1ന് തകർത്ത് റയൽ മാഡ്രിഡ്.ബെർണബ്യൂ സ്റ്റേഡിയത്തിൽ ബ്രസീലിയൻ ജോഡികളായ വിനീഷ്യസ് റോഡ്രിഗോയും റയലിനായി ഇരട്ട ഗോളുകൾ നേടി. മത്സരത്തിന്റെ മൂന്നാം മിനുട്ടിൽ ഫുൾ ബാക്ക് ഡാനി കാർവാജൽ നേടിയ ഗോളിൽ റയൽ മുന്നിലെത്തി.തൊട്ടുപിന്നാലെ ടോണി ക്രൂസിന്റെ ഫ്രീകിക്ക് ക്രോസ്ബാറിൽ തട്ടിത്തെറിച്ചു.വലൻസിയയുടെ ഹ്യൂഗോ ഡുറോയ്ക്ക് ഗോളാക്കാനുള്ള രണ്ട് മികച്ച അവസരങ്ങൾ ലഭിച്ചെങ്കിലും ഗോൾകീപ്പർ ആൻഡ്രി ലുനിൻ രക്ഷപെടുത്തി.
42-ാം മിനിറ്റിൽ വിനീഷ്യസ് ജൂനിയർ റയലിന്റെ രണ്ടാം ഗോൾ നേടി. 49 ആം മിനുട്ടിൽ വിനീഷ്യസ് മത്സരത്തിലെ തന്റെ രണ്ടാം ഗോൾ നേടി. 50 ആം മിനുട്ടിൽ റോഡ്രിഗോ റയലിന്റെ നാലാം ഗോൾ നേടി. 84-ാം മിനിറ്റിൽ റോഡ്രിഗോ മികച്ച വ്യക്തിഗത പ്രയത്നത്തിലൂടെ അഞ്ചാം ഗോളും നേടി. 88 ആം മിനുട്ടിൽ സ്‌ട്രൈക്കർ ഹ്യൂഗോ ഡുറോ ക്ലോസ് റേഞ്ചിൽ നിന്നുള്ള സ്ട്രൈക്കിലൂടെ വലൻസിയയുടെ ആശ്വാസ ഗോൾ നേടി.റയോ വല്ലക്കാനോയെ 2-1 ന് പരാജയപ്പെടുത്തിയ സർപ്രൈസ് ലീഡർമാരായ ജിറോണയ്ക്ക് രണ്ട് പോയിന്റ് പിന്നിൽ 32 പോയിന്റുമായി മാഡ്രിഡ് രണ്ടാം സ്ഥാനത്താണ്.27 പോയിന്റുമായി മൂന്നാമതുള്ള ബാഴ്‌സലോണ ഞായറാഴ്ച താഴ്ന്ന നിലയിലുള്ള അലാവസിനെ നേരിടും.
ലീഗ് വണ്ണിൽ പാരിസ് സെൻ്റ് ജർമ്മന് വിജയം. സൂപ്പർ താരം കിലിയൻ എംബാപ്പെ നേടിയ തകർപ്പൻ ഹാട്രിക്ക് ആണ് പിഎസ്ജിക്ക് വിജയം ഒരുക്കിയത്. വിജയത്തോടെ നീസിനെ മറികടന്ന് ഫ്രഞ്ച് ലീഗിൽ പീഎസ്ജി ഒന്നാമതായി. 12 മത്സരങ്ങളിൽ 27 പോയിൻ്റ് പീഎസ്ജിക്കുണ്ട്. 12 മൽസരങ്ങളിൽ നീസിന് ഉള്ളത് 26 പോയിൻ്റാണ്. മത്സരത്തിൻ്റെ രണ്ടാം മിനിറ്റിൽ ഒസ്മാൻ ഡംമ്പലെ നൽകിയ കർവിങ് ക്രോസിൽ നിന്നും എംബാപ്പെ മനോഹര ഗോൾ നേടി. ണ്ടാം പകുതിയിൽ തുടക്കത്തിൽ തന്നെ കാർലോസ് സോളർ നൽകിയ അസിസ്റ്റ് ഇടത് കാൽ കൊണ്ട് ക്ലോസ് റേഞ്ചിൽ നിന്ന് എംമ്പാപ്പെ ഗോളാക്കി മാറ്റി (2-0). 81-)0 മിനിറ്റിൽ ബ്രാഡ്‌ലി ഇടത് വിങ്ങിൽ നൽകിയ ക്രോസിൽ നിന്നും എംബപ്പേ ഹാട്രിക്ക് നേടി.
സൂപ്പർ സ്‌ട്രൈക്കർ ഹാരി കെയ്ൻ ഇരട്ട ഗോളുകൾ നേടിയ മത്സരത്തിൽ ഹൈഡൻഹൈമിനെതിരെ രണ്ടിനെതിരെ നാല് ഗോളുകളുടെ വിജയം നേടി ബയേൺ മ്യൂണിക്ക്. വിജയത്തോടെ ബയേൺ ബുണ്ടസ്‌ലിഗയിൽ ഒന്നാം സ്ഥാനത്തേക്ക് ഉയർന്നു.ബയേണിന് വേണ്ടി ബുണ്ടസ് ലീഗയിലും ചാമ്പ്യൻസ് ലീഗിലുമായി 15 മത്സരങ്ങളിൽ നിന്ന് 21 ഗോളുകൾ നേടിയ കെയ്ൻ, 14-ാം മിനിറ്റിൽ ബോക്‌സിൽ ഒരു മികച്ച ടേണിലൂടെയും ഷോട്ടിലൂടെയും അക്കൗണ്ട് തുറന്നു.ഇടവേളയ്ക്ക് ഒരു മിനിറ്റ് മുമ്പ് ശക്തമായ ഹെഡ്ഡറിലൂടെ ഇംഗ്ലണ്ട് ക്യാപ്റ്റൻ ഗോൾ നേടി.ബുണ്ടസ്ലിഗ ചരിത്രത്തിൽ ഒരു സീസണിലെ ആദ്യ 11 മത്സര ദിവസങ്ങളിൽ 17 ഗോളുകൾ നേടുന്ന ആദ്യ കളിക്കാരനായി മാറി.എന്നാൽ രണ്ടാം പകുതിയിൽ തിരിച്ചുവന്ന ഹൈഡൻഹൈമ നാല് മിനിറ്റിനുള്ളിൽ രണ്ട് ഗോളുകൾ നേടി സമനില നേടുകയും ചെയ്തു (ടിം ക്ലെയിൻഡിയൻസ്റ്റ് (67′)ജാൻ-നിക്ലാസ് ബെസ്റ്റെ (70′)). 72 ആം മിനുട്ടിൽ റാഫേൽ ഗുറേറോ ആതിഥേയരുടെ ലീഡ് വേഗത്തിൽ പുനഃസ്ഥാപിക്കുകയും 85-ൽ എറിക് മാക്സിം ചൗപോ-മോട്ടിംഗ് നാലാം ഗോൾ നേടി വിജയം ഉറപ്പാക്കി.നാലാം സ്ഥാനക്കാരായ ബൊറൂസിയ ഡോർട്ട്മുണ്ടിനെതിരെ 2-1ന് വിഎഫ്ബി സ്റ്റട്ട്ഗാർട്ട് പരാജയപ്പെടുത്തി.
സെരി എയിൽ എസിമിലാനെ ലെച്ച സമനിലയിൽ തളച്ചു, ഇരു ടീമുകളും മത്സരത്തിൽ രണ്ടു ഗോളുകളാണ് നേടിയത്.സ്റ്റെഫാനോ പിയോളിയുടെ ടീം തങ്ങളുടെ വിജയരഹിതമായ റൺ നാല് ലീഗ് മത്സരങ്ങളിലേക്ക് നീട്ടി.ആദ്യ പകുതിയിൽ ജിറൂഡും ടിജാനി റെയ്‌ൻഡേഴ്‌സും മിലാന് വേണ്ടി സ്‌കോർ ചെയ്തു. ഇടവേളയ്ക്ക് ശേഷം ആതിഥേയർ നിക്കോള സൺസോൺ, ലാമെക്ക് ബാൻഡ എന്നിവരിലൂടെ സമനില നേടി.23 പോയിന്റുമായി സ്റ്റാൻഡിംഗിൽ മൂന്നാം സ്ഥാനത്തുള്ള മിലാൻ ലീഡർമാരായ യുവന്റസിനെക്കാൾ ആറു പോയിന്റിന് പിന്നിലാണ്. മറ്റൊരു മത്സരത്തിൽ യുവന്റസ് ഒന്നിനെതിരെ രണ്ടു ഗോളുകൾക്ക് കാഗ്ലിയാരിയെ പരാജയപ്പെടുത്തി.രണ്ടാം പകുതിയിൽ ഡിഫൻഡർമാരായ ബ്രെമറും ഡാനിയേൽ റുഗാനിയും യുവന്റസിന്റെ ഗോളുകൾ നേടി.സെപ്തംബർ അവസാനം മുതൽ സീരി എയിൽ തോൽവി അറിയാത്ത യുവന്റസ് 29 പോയിന്റുമായി ഒന്നാം സ്ഥാനത്താണ്.
ഓൾഡ് ട്രാഫോർഡിൽ പ്രീമിയർ ലീഗിൽ ലൂട്ടൺ ടൗണിനെതിരെ ഒരു ഗോൾ ജയവുമായി മാഞ്ചെസ്റ്റർ യുണൈറ്റഡ്.രണ്ടാം പകുതിയിൽ ഡിഫൻഡർ വിക്ടർ ലിൻഡെലോഫ് ആണ് യുണൈറ്റഡിന്റെ ഗോൾ നേടിയത്.1962 ന് ശേഷമുള്ള ഏറ്റവും മോശം തുടക്കത്തിന് ശേഷം തുടർച്ചയായി രണ്ട് ലീഗ് ഗെയിമുകൾ വിജയിച്ച എറിക് ടെൻ ഹാഗിന്റെ ടീം, 12 ഗെയിമുകൾക്ക് ശേഷം 21 പോയിന്റുമായി താത്കാലികമായി രണ്ട് സ്ഥാനങ്ങൾ കയറി ആറാം സ്ഥാനത്തെത്തി.ആദ്യ സീസണിൽ ഒരു ലീഗ് ജയം മാത്രമുള്ള ലൂട്ടൺ 17-ാം സ്ഥാനത്താണ്. മറ്റൊരു മത്സരത്തിൽ ആഴ്സണൽ ബേൺലിയെ 3-1 ന് പരാജയപ്പെടുത്തി.ഹോം ജയത്തോടെ പ്രീമിയർ ലീഗ് പട്ടികയിൽ ആഴ്സണൽ രണ്ടാം സ്ഥാനത്തേക്ക് ഉയർന്നു.ലിയാൻഡ്രോ ട്രോസാർഡ്, വില്യം സാലിബ, ഒലെക്‌സാണ്ടർ സിൻചെങ്കോ എന്നിവരുടെ ഗോളുകൾ ആഴ്‌സണലിന് വിജയം സമ്മാനിച്ചു.12 കളികളിലെ പത്താം തോൽവിക്ക് ശേഷം നാല് പോയിന്റുമായി 19-ാം സ്ഥാനത്താണ് ബേൺലി.