അടുത്ത 10 ദിവസത്തിനുള്ളിൽ കൈലിയൻ എംബാപ്പെയ്‌ക്കുള്ള ആദ്യ ഓഫർ അവതരിപ്പിക്കാൻ റയൽ മാഡ്രിഡ്|Kylian Mbappe

റയൽ മാഡ്രിഡും കൈലിയൻ എംബാപ്പെയും ട്രാൻസ്ഫർ മാർക്കറ്റിൽ നിറഞ്ഞു നിൽക്കുകയാണ്.പാരീസ് സെന്റ് ജെർമെയ്‌നിൽ നിന്നുള്ള ഫ്രഞ്ചുകാരന്റെ ട്രാൻസ്ഫർ നടന്നുകൊണ്ടിരിക്കുന്ന വേനൽക്കാല ട്രാൻസ്ഫർ വിൻഡോയിലെ ഏറ്റവും വലിയ സംസാര വിഷയമായി തുടരുകയാണ്.

തന്റെ കരാർ പുതുക്കാൻ പോകുന്നില്ലെന്ന് എംബാപ്പെ വ്യക്തമാക്കിയതോടെയാണ് റയൽ മാഡ്രിഡ് താരത്തെ ഈ സീസണിൽ തന്നെ സ്വന്തമാക്കാൻ കൂടുതൽ താല്പര്യം എടുത്തത്.എംബാപ്പെയ്ക്ക് നിർബന്ധിത എക്സിറ്റ് ക്ലോസോടെ കരാർ നീട്ടാൻ പിഎസ്ജി ശ്രമിച്ചെങ്കിലും ലോകകപ്പ് ജേതാവ് അത് നിരസിച്ചു.റയൽ മാഡ്രിഡ് എംബാപ്പെയ്‌ക്കായി അവരുടെ ആദ്യ ഓഫർ അവതരിപ്പിക്കാൻ ഒരുങ്ങുന്നതായി റിപ്പോർട്ട്.

അടുത്ത പത്ത് ദിവസത്തിനുള്ളിൽ മാഡ്രിഡ് 24 കാറാണ് വേണ്ടിയുള്ള ആദ്യ ഓഫർ അവതരിപ്പിക്കാൻ ഒരുങ്ങുകയാണ്.പിഎസ്ജി പ്രസിഡന്റ് നാസർ അൽ ഖെലൈഫിയുടെ അഭിപ്രായത്തിൽ ഒരു ഫ്രീ ട്രാൻസ്ഫറിൽ തങ്ങളുടെ കളിക്കാരനെ നഷ്ടപ്പെടാതിരിക്കാൻ ക്ലബ് ആഗ്രഹിക്കുന്നത് കൊണ്ടാണ് എംബാപ്പയെ വിൽപ്പനക്ക് വെച്ചത്.

എംബപ്പേക്കായി 200 ദശലക്ഷം യൂറോ വരെ പിഎസ്ജി റയൽ മാഡ്രിഡിനോട് ആവശ്യപ്പെടാൻ സാധ്യതയുണ്ട്.ഓഗസ്റ്റ് 15 നാവും റയൽ മാഡ്രിഡ് എംബപ്പേക്കായുള്ള ആദ്യ ബിഡ് സമർപ്പിക്കുക.ആഗസ്ത് 13 ന് അത്‌ലറ്റിക് ക്ലബ്ബിനെതിരെ റയൽ മാഡ്രിഡ് അവരുടെ ലാ ലിഗ കാമ്പെയ്‌ൻ ആരംഭിക്കാൻ ഒരുങ്ങുകയാണ്.