ചാമ്പ്യൻസ് ലീഗിൽ അത്‌ലറ്റിക്കോ മാഡ്രിഡിനെ നിലനിർത്താൻ ഇഞ്ചുറി ടൈമിൽ ലഭിച്ച പെനാൽറ്റിയും മതിയായിരുന്നില്ല. ഫൈനൽ വിസിൽ മുഴങ്ങിയതിന് ശേഷമാണ് ഇന്നലെ അത്ലറ്റികോക്ക് ജീവൻ ലഭിച്ചത് പോലെ പെനാൽറ്റി റഫറി അനുവദിച്ചത്.കളി അവസാനിച്ചുവെന്ന് റഫറി സൂചന നൽകിയതിന് ശേഷം VAR പരിശോധനയ്ക്ക് ശേഷം ലഭിച്ച ഒരു സ്പോട്ട് കിക്ക് അത്ലറ്റികോ താരം യാനിക്ക് കരാസ്കോ നഷ്ടപ്പെടുത്തി.
ബയർ ലെവർകുസണുമായി 2-2 ന് സമനിലയിൽ പിരിഞ്ഞതിനെ തുടർന്ന് സ്പാനിഷ് ക്ലബ് ചാമ്പ്യൻസ് ലീഗിൽ നിന്നും പുറത്തായി. പെനാൽറ്റി ഗോളാക്കുകയും അത്ലറ്റികോ വിജയിക്കുകയും ചെയ്തിരുന്നെങ്കിലും അവസാന ദിനത്തിൽ എസി പോർട്ടോയെ കീഴടക്കിയാൽ അത്ലറ്റികോക്ക് നോക്ക് റൗണ്ടിലേക്ക് മാർച്ച് ചെയ്യാൻ സാധിക്കുമായിരുന്നു.ലെവർകൂസൻ ഒരു കോർണർ പ്രതിരോധിച്ചതിന് ശേഷം റഫറി വിസിൽ മുഴക്കി പക്ഷേ അത്‌ലറ്റിക്കോയുടെ കളിക്കാർ ഒരു ഹാൻഡ്‌ബോളിനായി റഫറിയോട്വാദിച്ചു.പെനാൽറ്റി ഏരിയയിൽ രണ്ട് ലെവർകൂസൻ കളിക്കാരുടെ കയ്യിൽ പന്ത് തട്ടിയതായി വീഡിയോ അവലോകനം കാണിച്ചു. അവരിലൊരാളായ പിയറോ ഹിൻകാപ്പിയ്‌ക്കെതിരെ ഹാൻഡ്‌ബോളിന് ഒരു സ്പോട്ട് കിക്ക് ലഭിച്ചു.
എന്നാൽ യാനിക്ക് കരാസ്കോയുടെ ഷോട്ട് ലെവർകൂസൻ കീപ്പർ ലൂക്കാസ് ഹ്രഡെക്കി രക്ഷപ്പെടുത്തുകയും റീബൗണ്ടിൽ അത്‌ലറ്റിക്കോയുടെ സോൾ ഇഗസിന്റെ ഹെഡ്ഡർ ക്രോസ്സ് ബാറിൽ തട്ടി തിരിച്ചു വരികയും മൂന്നാം ശ്രമത്തിൽ റെയ്‌നിൽഡോ സ്‌കോർ ചെയ്യാൻ ശ്രമിച്ചെങ്കിലും പന്ത് സ്വന്തം സഹതാരങ്ങളിലൊരാളിൽ തട്ടി പുറത്തേക്ക് പോയി. മത്സരത്തിൽ രണ്ടു തവണ പിന്നിട്ടു നിന്ന ശേഷമാണ് അത്ലറ്റികോ ലെവെർകൂസനെതിരെ സമനില കണ്ടെത്തിയത്.ആദ്യ മത്സരത്തിൽ പോർട്ടോ ക്ലബ് ബ്രൂഗിനെ തോൽപ്പിച്ചപ്പോൾ ലെവർകുസൻ കിക്കോഫിന് മുമ്പ് ചാമ്പ്യൻസ് ലീഗിൽ നിന്നും പുറത്തായിരുന്നു.
THIS IS HOW ATLETICO MADRID JUST GOT ELIMINATED FROM THE CHAMPIONS LEAGUE🤯pic.twitter.com/qdHGzLxYib
— PointsBet Sportsbook (@PointsBetUSA) October 26, 2022
മൂസ ഡയബി (9′) കാല്ലം ഹഡ്‌സൺ-ഒഡോയ് (29′) ആണ് ലെവർ കൂസൻറെ ഗോളുകൾ നേടിയത്. യാനിക്ക് കരാസ്കോ (22′) റോഡ്രിഗോ ഡി പോൾ (50′) എന്നിവരാണ് അത്ലറ്റികോ മാഡ്രിഡിന്റെ ഗോളുകൾ നേടിയത്.ഫിൻലൻഡ് ഇന്റർനാഷണൽ ഗോൾ കീപ്പർ ഹ്രഡെക്കിയുടെ സ്റ്റോപ്പ് ഉൾപ്പെടെ ഒമ്പത് സേവുകൾ അദ്ദേഹം നടത്തി.18 ടീമുകളുള്ള ബുണ്ടസ്‌ലിഗയിൽ 15-ാം സ്ഥാനത്തുള്ള ലെവർകുസന്റെ സീസണിലെ ഏറ്റവും മികച്ച പ്രകടനങ്ങളിലൊന്നായിരുന്നു ഇത്.