ലയണൽ മെസ്സിയെക്കുറിച്ച് സംസാരിക്കാത്ത ആളുകൾ ലോക ഫുട്ബോളിൽ ഉണ്ടാകുമെന്ന് തോന്നുന്നില്ല. പലർക്കും ലയണൽ മെസ്സിയെക്കുറിച്ച് സംസാരിക്കാൻ നൂറു നാവാണ്. ഒട്ടേറെ മുൻ താരങ്ങളും ഇതിഹാസങ്ങളും സൂപ്പർതാരങ്ങളുമൊക്കെ ലയണൽ മെസ്സിയെ പ്രശംസിക്കുകയും വാഴ്ത്തുകയും ചെയ്തിട്ടുണ്ട്.
ആ കൂട്ടത്തിലേക്ക് പുതുതായി എത്തിയിരിക്കുകയാണ് മുൻ ഫ്രഞ്ച് സൂപ്പർതാരമായിരുന്ന റോബെർട്ടോ പൈറസ് മെസ്സിയെക്കുറിച്ച് സംസാരിച്ചിട്ടുണ്ട്. ലയണൽ മെസ്സിക്കെതിരെ കളിച്ചിട്ടുള്ള താരം കൂടിയാണ് ഇദ്ദേഹം. മുമ്പ് സ്പാനിഷ് ക്ലബ്ബായ വിയ്യാറയലിന് വേണ്ടി ഒരുപാട് കാലം ഇദ്ദേഹം കളിച്ചിരുന്നു. അന്ന് മെസ്സിക്കെതിരെ ലാലിഗയിൽ കളിക്കാൻ ഇദ്ദേഹത്തിന് സാധിച്ചിട്ടുണ്ട്.
മെസ്സിക്കെതിരെ കളിക്കുമ്പോൾ എല്ലാവരും ചോദിക്കുന്ന ഒരൊറ്റ ചോദ്യമാണ് അദ്ദേഹത്തെ എങ്ങനെ തടയാൻ കഴിയുമെന്നുള്ള ചോദ്യം, ഫുട്ബോൾ ചരിത്രത്തിലെ എക്കാലത്തെയും മികച്ച താരങ്ങളിൽ ഒരാളെ പറ്റിയാണ് നാം സംസാരിക്കുന്നത് എന്നാണ് പൈറസ് പറഞ്ഞിട്ടുള്ളത്.
‘ ലയണൽ മെസ്സിയെ നേരിടാനുള്ള ഭാഗ്യം എനിക്ക് ലഭിച്ചിട്ടുണ്ട്. ഞാൻ നേരിട്ട ഇതിഹാസങ്ങളേക്കാളൊക്കെ മുകളിൽ നിൽക്കുന്ന താരമാണ് ലയണൽ മെസ്സി. അദ്ദേഹത്തിന് എതിരെ കളിക്കുമ്പോൾ എല്ലാവരും ഒരൊറ്റ ചോദ്യം മാത്രമാണ് ചോദിക്കാറുള്ളത്. മെസ്സിയെ എങ്ങനെ തടയാൻ കഴിയുമെന്നുള്ള ചോദ്യം. മെസ്സിയെക്കുറിച്ച് കൂടുതൽ സംസാരിക്കേണ്ട കാര്യമുണ്ടെന്ന് എനിക്ക് തോന്നുന്നില്ല.ഫുട്ബോൾ ചരിത്രത്തിലെ എക്കാലത്തെയും മികച്ച താരങ്ങളിൽ ഒരാളാണ് അദ്ദേഹം ‘ റോബർട്ടോ പൈറസ് പറഞ്ഞു.
🗣 Roberto Pires: "When you know that you are playing against Lionel Messi, the question that we all ask is "And how are we going to stop him?"" This via La Nacion. pic.twitter.com/P5LqRlkGDA
— Roy Nemer (@RoyNemer) October 16, 2022
തങ്ങൾ നേരിട്ടതിൽ വെച്ച് ഏറ്റവും ബുദ്ധിമുട്ടുള്ള എതിരാളി ലയണൽ മെസ്സിയാണ് എന്നുള്ളത് ഒട്ടേറെ ഡിഫൻഡർമാർ തുറന്നു പറഞ്ഞിട്ടുള്ള കാര്യമാണ്. ലയണൽ മെസ്സിയെ നേരിടേണ്ടി വരാത്തതിനാൽ ദൈവത്തോട് നന്ദി പറഞ്ഞ ഡിഫൻഡറാണ് ഇതിഹാസ താരമായ പൗലോ മാൾഡീനി.അങ്ങനെ ലയണൽ മെസ്സി എല്ലായിടത്തും ഒരു സംസാര വിഷയമാണ്.