ലയണൽ മെസ്സി വേൾഡ് കപ്പ് നേടിയതിനെ കുറിച്ച് റൊണാൾഡീഞ്ഞോ യുടെ പ്രതികരണം |Lionel Messi

കഴിഞ്ഞ ഖത്തർ വേൾഡ് കപ്പ് കിരീടം ലയണൽ മെസ്സി നേടിയപ്പോൾ അതിൽ സന്തോഷം കണ്ടെത്തിയിരുന്ന ഒരുപാട് മുൻ താരങ്ങൾ ഉണ്ടായിരുന്നു. ലയണൽ മെസ്സി വേൾഡ് കപ്പ് കിരീടം ഉയർത്താൻ ഒരുപാട് പേർ ആഗ്രഹിച്ചിരുന്നു. അവരുടെയൊക്കെ ആഗ്രഹം പോലെ ഫ്രാൻസിനെ പരാജയപ്പെടുത്തിക്കൊണ്ട് അർജന്റീന കിരീടം നേടുകയായിരുന്നു.

മെസ്സി തന്നെയായിരുന്നു അർജന്റീനക്ക് ഏറ്റവും കൂടുതൽ കോൺട്രിബ്യൂട്ട് ചെയ്ത താരം.5 മത്സരങ്ങളിലെ മാൻ ഓഫ് ദി മാച്ച് പുരസ്കാരം മെസ്സി സ്വന്തമാക്കിയിരുന്നു. കൂടാതെ ഏറ്റവും മികച്ച താരത്തിന് നൽകുന്ന ഗോൾഡൻ ബോൾ പുരസ്കാരവും സ്വന്തമാക്കിയിരുന്നു. ലയണൽ മെസ്സി എന്ന ക്യാപ്റ്റന്റെ കീഴിലാണ് അർജന്റീന വേൾഡ് കപ്പ് കിരീടം നേടിയത് എന്നുള്ളത് ചരിത്രത്തിൽ രേഖപ്പെടുത്തപ്പെട്ട കാര്യമാണ്.

മെസ്സിയുടെ കരിയറിന്റെ തുടക്കത്തിൽ അദ്ദേഹത്തെ ഏറ്റവും കൂടുതൽ പിന്തുണച്ച, സഹായിച്ച ഇതിഹാസങ്ങളിൽ ഒരാളാണ് ബ്രസീലിയൻ ഇതിഹാസമായ റൊണാൾഡീഞ്ഞോ.എഫ്സി ബാഴ്സലോണയിൽ മെസ്സി അരങ്ങേറ്റം കുറിക്കുന്ന സമയത്ത് റൊണാൾഡീഞ്ഞോയായിരുന്നു മെസ്സിയുടെ വഴികാട്ടി.ഈ റൊണാൾഡീഞ്ഞോ ഖത്തർ വേൾഡ് കപ്പിൽ അർജന്റീനയുടെ മത്സരങ്ങൾ വീക്ഷിക്കാൻ ഉണ്ടായിരുന്നു. മെസ്സി വേൾഡ് കപ്പ് നേടിയതിലുള്ള സന്തോഷം അദ്ദേഹം ഒരിക്കൽ കൂടി പ്രകടിപ്പിച്ചിട്ടുണ്ട്.മുണ്ടോ ഡിപ്പോർട്ടിവോ എന്ന മീഡിയക്ക് നൽകിയ ഇന്റർവ്യൂവിലാണ് റൊണാൾഡീഞ്ഞോ മെസ്സിയെക്കുറിച്ച് സംസാരിച്ചത്.

‘ ലയണൽ മെസ്സിയുടെ കരിയറിൽ മിസ്സിംഗ് ആയി നിന്നിരുന്നത് വേൾഡ് കപ്പ് കിരീടമായിരുന്നു.ആ കിരീടം അദ്ദേഹത്തിന് ലഭിച്ചുകഴിഞ്ഞു.അതിൽ ഞാൻ വളരെയധികം ഹാപ്പിയാണ്.ബാഴ്സക്ക് വെളിയിൽ ലയണൽ മെസ്സിയെ കാണേണ്ടിവരും എന്നുള്ളത് യഥാർത്ഥത്തിൽ ആരുംതന്നെ സങ്കൽപ്പിച്ചിരുന്നില്ല.പക്ഷേ ഫുട്ബോളിൽ നമ്മൾ പ്രതീക്ഷിക്കാത്ത കാര്യങ്ങൾ സംഭവിച്ചേക്കാം. ഇനിയും മെസ്സിക്ക് ഒരുപാട് ദൂരങ്ങൾ മുന്നോട്ട് പോകാൻ സാധിക്കും’ റൊണാൾഡീഞ്ഞോ പറഞ്ഞു.

മെസ്സിയെ സംബന്ധിച്ചിടത്തോളം അദ്ദേഹത്തിന് ഇനി ഒന്നും തന്നെ തെളിയിക്കാനില്ല.ഇന്റർനാഷണൽ ട്രോഫികളുടെ പേരിൽ ഒരുപാട് വിമർശനങ്ങൾ കേൾക്കേണ്ടി വന്നിരുന്നു.വിമർശനങ്ങൾക്കെല്ലാം ഇപ്പോൾ ചുരുങ്ങിയ കാലയളവ് കൊണ്ട് തന്നെ മെസ്സി മറുപടി നൽകിയിരിക്കുകയാണ്.