എന്റെ കരിയറിലെ ഏറ്റവും മികച്ച പരിശീലകനാണ് ഇവാൻ വുകൊമാനോവിച്ചെന്ന് കേരള ബ്ലാസ്റ്റേഴ്‌സ് ഗോൾകീപ്പർ സച്ചിൻ സുരേഷ് |Kerala Blasters

കൊൽക്കത്തയിൽ ഈസ്റ്റ് ബംഗാളിനെതിരെ കേരള ബ്ലാസ്റ്റേഴ്സിന്റെ വിജയത്തിൽ നിർണായക പ്രകടനം നടത്തിയ താരമാണ് യുവ ഗോൾ കീപ്പർ സച്ചിൻ സുരേഷ്.ബാറുകൾക്ക് കീഴിലുള്ള തന്റെ അസാധാരണ പ്രകടനത്തിലൂടെ, ഈസ്റ്റ് ബംഗാൾ എഫ്‌സിക്കെതിരെ സുരേഷ് പ്ലെയർ ഓഫ് ദി മാച്ച് അവാർഡ് നേടി. ത്സരത്തിന്റെ തീവ്രമായ നിമിഷത്തിൽ ക്ലീറ്റൺ സിൽവയുടെ പെനാൽറ്റി രക്ഷിച്ചു.

പെനാൽറ്റി സേവ് കൂടാതെ കളിയിലുടനീളം സുരേഷ് തന്റെ ഏറ്റവും മികച്ച പ്രകടനം പുറത്തെടുത്തു.അദ്ദേഹം മൂന്ന് നിർണായക സേവുകൾ നടത്തി. താരത്തിന്റെ ഫുട്ബോൾ ജീവിതത്തിലെ ഏറ്റവും മികച്ച പ്രകടനത്തിലൂടെയാണ് കടന്നു പോവുന്നത്.സിൽവയുടെ പെനാൽറ്റി സേവിലൂടെ, ഐഎസ്എൽ ചരിത്രത്തിൽ തുടർച്ചയായി രണ്ട് കളികളിൽ പെനാൽറ്റി സേവ് ചെയ്യുന്ന ആദ്യ ഗോൾകീപ്പറായി മലയാളി തരാം മാറി.മത്സരത്തിന്റെ 85-ാം മിനിറ്റിൽ സിൽവയുടെ പെനാൽറ്റി വലതുവശത്ത് ഡൈവിംഗ് നടത്തി സുരേഷ് രക്ഷപ്പെടുത്തി.

യുവ ഷോട്ട്-സ്റ്റോപ്പർ തന്റെ ചടുലതയും സംയമനവും സാങ്കേതികതയും കാണിച്ചു.മിനിറ്റുകൾക്ക് ശേഷം ദിമിത്രി ഡയമന്റകോസ് ബ്ലാസ്റ്റേഴ്സിന്റെ രണ്ടാം ഗോളും നേടി ടീമിന്റെ വിജയം ഉറപ്പിച്ചു.“ പെനാൽറ്റി തടുക്കാൻ ഴിയുമെന്ന് എനിക്ക് ഉറപ്പുണ്ടായിരുന്നു,ഭാഗ്യവും കുറച്ച് കഴിവും ഉണ്ടായിരുന്നു. അത്രമാത്രം,” സച്ചിൻ സുരേഷ് പറഞ്ഞു.

മുഖ്യ പരിശീലകൻ ഇവാൻ വുകോമാനോവിച്ച് എത്തിയതിന് ശേഷം ബ്ലാസ്റ്റേഴ്സ് ഉയർന്ന പാതയിലാണ്, ടീമിലെ സെർബിയൻ സ്വാധീനത്തെ 22-കാരൻ പ്രശംസിച്ചു.“എന്നെ സംബന്ധിച്ചിടത്തോളം ഇവാൻ വുകോമാനോവിച്ച് ഏറ്റവും മികച്ചത്. എന്റെ കരിയറിലെ ഏറ്റവും മികച്ച പരിശീലകനാണ് അദ്ദേഹം.ഇവാൻ ഞങ്ങളെ നന്നായി പ്രചോദിപ്പിച്ചു.” സച്ചിൻ പറഞ്ഞു.