ബ്രേക്കിംഗ് ന്യൂസ്: സഹലിനോട് ഗുഡ്ബൈ പറഞ്ഞ് കേരള ബ്ലാസ്റ്റേഴ്സ്

ഇന്ത്യൻ സൂപ്പർ ലീഗിന്റെ അടുത്ത സീസണിലേക്ക് വേണ്ടി കേരള ബ്ലാസ്റ്റേഴ്‌സ് കളിക്കാൻ ഇറങ്ങുമ്പോൾ കഴിഞ്ഞ സീസണിൽ കളിച്ച ബ്ലാസ്റ്റേഴ്‌സ് താരങ്ങളിൽ നിരവധി പേര് ഇത്തവണ ബ്ലാസ്റ്റേഴ്‌സ് കുപ്പായത്തിൽ ഉണ്ടാവില്ല. കബ്ര, നിഷു കുമാർ, ഗിൽ തുടങ്ങിയ താരങ്ങൾ എല്ലാം ഇതിനകം ടീം വിട്ടുകഴിഞ്ഞു.

എന്നാൽ കേരള ബ്ലാസ്റ്റേഴ്‌സ് ആരാധകരുടെ പ്രിയതാരമായ സഹൽ അബ്ദുസമദ് കൂടി ഇനി വരുന്ന സീസണിൽ കേരള ബ്ലാസ്റ്റേഴ്‌സ് കുപ്പായത്തിൽ ഉണ്ടാവില്ല എന്ന് ഒഫീഷ്യൽ ആയി അറിയിച്ചിരിക്കുകയാണ് കേരള ബ്ലാസ്റ്റേഴ്‌സ് എഫ്സി. സഹൽ ടീം വിടുന്ന കാര്യം ബ്ലാസ്റ്റേഴ്‌സ് തങ്ങളുടെ സോഷ്യൽ മീഡിയ പ്ലാറ്റ്ഫോമുകളിലൂടെയാണ് അറിയിച്ചത്.

നീണ്ട ആറ് വർഷത്തോളം കേരള ബ്ലാസ്റ്റേഴ്‌സ് കുപ്പായത്തിൽ കളിച്ച ഈ കണ്ണൂരുകാരൻ ബ്ലാസ്റ്റേഴ്‌സ് വിടുന്നത് ബ്ലാസ്റ്റേഴ്‌സ് ആരാധകരെ ഏറെ വിഷമിപ്പിക്കുന്നതാണ്. ഇന്ത്യൻ സൂപ്പർ ലീഗിലെ വമ്പൻമാരായ മോഹൻ ബഗാൻ സൂപ്പർ ജയന്റസാണ് സഹലിനെ സ്വന്തമാക്കിയത്.

സഹലിന് പകരമായി മോഹൻ ബഗാനിലെ ഒരു താരവും ട്രാൻസ്ഫർ ഫീയും മോഹൻ ബഗാൻ സൂപ്പർ ജയന്റ്സ് കേരള ബ്ലാസ്റ്റേഴ്‌സ് എഫ്സിക്ക് നൽകും. റിപ്പോർട്ടുകൾ പ്രകാരം മോഹൻ ബഗാൻ നായകനായ പ്രീതം കോട്ടാലിനെയായിരിക്കും കേരള ബ്ലാസ്റ്റേഴ്‌സ് സഹലിന് പകരമായുള്ള സ്വാപ് ഡീലിൽ സ്വന്തമാക്കുക.