ടി 20 ലോകകപ്പിനുള്ള 15 അംഗ ഇന്ത്യൻ ടീമിൽ ഇടം നേടി സഞ്ജു സാംസൺ | Sanju Samson

വെസ്റ്റ് ഇൻഡീസിലും യുഎസ്എയിലും നടക്കുന്ന ടി20 ലോകകപ്പിനുള്ള ഇന്ത്യയുടെ 15 അംഗ ടീമിനെ സീനിയർ സെലക്ഷൻ കമ്മിറ്റി തിരഞ്ഞെടുത്തു.2024 ജൂൺ 05 ന് ന്യൂയോർക്കിലെ നാസൗ കൗണ്ടി ഇൻ്റർനാഷണൽ ക്രിക്കറ്റ് സ്റ്റേഡിയത്തിൽ അയർലൻഡിനെതിരെ ഇന്ത്യ ലോകകപ്പ് കാമ്പെയ്ൻ ആരംഭിക്കും, തുടർന്ന് 2024 ജൂൺ 09 ന് പാകിസ്ഥാനെതിരെ അതേ വേദിയിൽ രണ്ടാം മത്സരം നടക്കും.

ജൂൺ 12-നും 15-നും യഥാക്രമം യുഎസ്എയുമായും കാനഡയുമായും ഇന്ത്യ കളിക്കും. 15 അംഗ ടീമിൽ മലയാളി താരം സഞ്ജു സാംസണും ഇടം പിടിച്ചു. രോഹിത് ശർമയാണ് ഇന്ത്യൻ ടീമിന്റെ ക്യാപ്റ്റൻ. ആദ്യമായാണ് സഞ്ജു ലോകകപ്പ് ടീമിൽ ഇടം നേടുന്നത്. പന്തും,സഞ്ജുവും വിക്കറ്റ് കീപ്പർമാരായി ടീമിൽ ഇടം നേടി.

PL 2024 ലെ തൻ്റെ സെൻസേഷണൽ ഫോമിന് സാംസണിന് പ്രതിഫലം ലഭിചിരിക്കുകായണ്‌.അദ്ദേഹം RR-നെ ആദ്യ 9 മത്സരങ്ങളിൽ നിന്ന് 8 വിജയങ്ങളിലേക്ക് നയിച്ചു.9 മത്സരങ്ങളിൽ നിന്ന് 385 റൺസുമായി ഓറഞ്ച് ക്യാപ്പ് പട്ടികയിൽ നിലവിൽ ആറാം സ്ഥാനത്താണ് സാംസൺ. 77 ശരാശരിയിൽ 161 സ്‌ട്രൈക്ക് റേറ്റിലാണ് സാംസൺ ബാറ്റ് ചെയ്തത്.

ടീം: രോഹിത് ശർമ (ക്യാപ്റ്റൻ), ഹാർദിക് പാണ്ഡ്യ (വൈസ് ക്യാപ്റ്റൻ), യശസ്വി ജയ്‌സ്വാൾ, വിരാട് കോലി, സൂര്യകുമാർ യാദവ്, ഋഷഭ് പന്ത് (ഡബ്ല്യുകെ), സഞ്ജു സാംസൺ (ഡബ്ല്യുകെ), ശിവം ദുബെ, രവീന്ദ്ര ജഡേജ, അക്സർ പട്ടേൽ, കുൽദീപ് യാദവ്, യുസ്‌വേന്ദ്ര ചാഹൽ , അർഷ്ദീപ് സിംഗ്, ജസ്പ്രീത് ബുംറ, മൊഹമ്മദ്. സിറാജ്.

റിസർവ് : ശുഭ്മാൻ ഗിൽ, റിങ്കു സിംഗ്, ഖലീൽ അഹമ്മദ്, അവേഷ് ഖാൻ