മെസ്സി ആരാണെന്ന് ഈ മുഴുവൻ ലോകത്തിനുമറിയാം : പെഡ്രി

കഴിഞ്ഞ സീസണിൽ പ്രകടനത്തിന്റെ പേരിൽ വളരെയധികം വിമർശനങ്ങൾ ഏറ്റുവാങ്ങേണ്ടി വന്ന താരമാണ് മെസ്സി. തനിക്ക് ശാരീരികമായും അല്ലാതെയും കഴിഞ്ഞ സീസണിൽ ബുദ്ധിമുട്ടുകൾ ഉണ്ടായിരുന്നു എന്നുള്ളത് തുറന്നുപറയുകയും ചെയ്തിരുന്നു.പക്ഷെ വിമർശനങ്ങൾക്കൊന്നും മെസ്സി അധികം ആയുസ്സ് നൽകിയില്ല.

ഈ സീസണിൽ മാരക ഫോമിലാണ് മെസ്സി കളിച്ചുകൊണ്ടിരിക്കുന്നത്.കഴിഞ്ഞ രണ്ട് മത്സരങ്ങളിൽ നിന്ന് മാത്രമായി ഏഴു ഗോളുകളിലാണ് മെസ്സി കോൺട്രിബ്യൂട്ട് ചെയ്തത്.ക്ലബ്ബിനും രാജ്യത്തിനും വേണ്ടി മെസ്സി ഈ സീസണിൽ 15 ഗോളുകളും 12 അസിസ്റ്റുകളും നേടിയിട്ടുണ്ട്.അതായത് ആകെ 27 ഗോളുകളിൽ മെസ്സി കോൺട്രിബ്യൂട്ട് ചെയ്തു കഴിഞ്ഞു.

മെസ്സിയുടെ ഈ പ്രകടനത്തെ കുറിച്ച് മുൻ സഹതാരവും ബാഴ്സ സൂപ്പർതാരവുമായ പെഡ്രിയോട് ഇന്നലെ ചോദിക്കപ്പെട്ടിരുന്നു.മെസ്സിയുടെ പ്രകടനം Pure Madness ആണ് എന്നാണ് പെഡ്രി പറഞ്ഞത്.മെസ്സി ആരാണ് എന്നുള്ളത് ഈ മുഴുവൻ ലോകത്തിനുമറിയാമെന്നും പെഡ്രി പറഞ്ഞു.

‘ മെസ്സിയുടെ ഇപ്പോഴത്തെ ഫോം pure Madness ആണ്.ഒരു താരം എന്ന നിലയിലും ഒരു വ്യക്തി എന്ന നിലയിലും മെസ്സി എത്രത്തോളം ഗംഭീരനാണ് എന്നുള്ളത് ഞാൻ ഒട്ടേറെ തവണ പറഞ്ഞ കാര്യമാണ്. ഈ മുഴുവൻ ലോകത്തിനും മെസ്സിയെ കുറിച്ച് അറിയാം. എനിക്ക് അദ്ദേഹത്തിന്റെ കാര്യത്തിൽ വളരെയധികം സന്തോഷമുണ്ട് ” പെഡ്രി പറഞ്ഞു.

ചാമ്പ്യൻസ് ലീഗ് മത്സരത്തിൽ ബയേണിനോട് പരാജയപ്പെട്ടതിന് പിന്നാലെയായിരുന്നു പെഡ്രി മാധ്യമങ്ങളോട് സംസാരിച്ചിരുന്നത്.ലയണൽ മെസ്സിയുടെ അഭാവത്തിൽ തുടർച്ചയായ രണ്ടാം സീസണിലാണ് പെഡ്രിയും സംഘവും യൂറോപ ലീഗ് കളിക്കാൻ ഒരുങ്ങുന്നത്.