❝ക്രിസ്റ്റ്യാനോ റൊണാൾഡോയുടെ കരിയറിലെ ഏറ്റവും മോശം തീരുമാനം❞| Cristiano Ronaldo
ഒരു ഫുട്ബോൾ കളിക്കാരന്റെ കരിയർ എന്നെന്നേക്കുമായി മാറ്റിമറിക്കുന്ന തീരുമാനങ്ങളും തീയതികളുമുണ്ട്. 2018 മെയ് 26-ന് കീവിൽ നടക്കുന്ന ചാമ്പ്യൻസ് ലീഗ് ഫൈനലിന് മുമ്പ് ക്രിസ്റ്റ്യാനോ റൊണാൾഡോ വലിയ തീരുമാനമെടുത്തിരുന്നു.റയൽ മാഡ്രിഡ് വിടുക എന്നതാണ് തന്റെ ഏറ്റവും നല്ല തീരുമാനം എന്ന് അന്ന് റൊണാൾഡോക്ക് ബോധ്യപ്പെട്ടിരുന്നു.
അത് കൊണ്ട് തന്നെയാണ് അങ്ങനെയൊരു തീരുമാനത്തിൽ പോർച്ചുഗൽ സൂപ്പർ താരം എത്തിയതും.എന്നാൽ ആ തീരുമാനം റൊണാൾഡോയുടെ ഫുട്ബോൾ കരിയറിൽ വലിയ മാറ്റങ്ങൾ കൊണ്ട് വരുകയും ചെയ്തു.ഈ സുപ്രധാന ചുവടുവെപ്പ് താഴോട്ടുള്ള കരിയറിന് തുടക്കമിടുമെന്ന് പോർച്ചുഗീസ് താരത്തിന് അറിയില്ലായിരുന്നു. 2022 ൽ മാഞ്ചസ്റ്റർ യുണൈറ്റഡിലെ പ്രതിസന്ധിയിൽ എത്തി നിൽക്കുകയാണ് 37 കാരന്റെ കരിയർ.
ഇംഗ്ലീഷ് പ്രീമിയർ ലീഗിൽ എവർട്ടനെതിരെയുള്ള മത്സരത്തിന് ശേഷം ഡ്രസ്സിംഗ് റൂമിലേക്കുള്ള വഴിയിൽ ക്രിസ്റ്റ്യാനോ ഒരു ആരാധകന്റെ മൊബൈൽ ഫോൺ അടിച്ചു തകർത്ത സംഭവം ക്ലബ്ബിന്റെയും റൊണാൾഡോയുടെയും വീഴ്ചയുടെയും പ്രതിഫലനമാണ്. നിലവിൽ ഒന്നാം സ്ഥാനത്തുള്ള സിറ്റിയേക്കാൾ 23 പോയിന്റ് പിന്നിലായി ഏഴാം സ്ഥാനത്താണ് മാഞ്ചസ്റ്റർ യുണൈറ്റഡ്.ജനുവരി 4 മുതൽ പ്രീമിയർ ലീഗിൽ വെറും നാല് ഗോളുകൾ നേടിയ അദ്ദേഹം ഗോൾ വരൾച്ച കാരണം സമ്മർദ്ദം നേരിടുന്നു, അതിൽ മൂന്ന് ഗോളുകൾ ടോട്ടൻഹാമിനെതിരെ ആയിരുന്നു, അതേസമയം ചാമ്പ്യൻസ് ലീഗ് ടൈയിൽ അത്ലറ്റിക്കോ മാഡ്രിഡിനെതിരെയുള്ള തോൽ‌വിയിൽ ഗോളുകൾ ഒന്നും നേടാനായില്ല.
മുൻ സഹതാരങ്ങൾ പോലും അദ്ദേഹത്തിനെതിരെ വിരൽ ചൂണ്ടിയിട്ടുണ്ട്. എസ്റ്റാഡിയോ സാന്റിയാഗോ ബെർണബ്യൂ വിട്ടതിനുശേഷം കാര്യങ്ങൾ പഴയത് പോലെ നടന്നിട്ടില്ല.യുവന്റസിൽ പ്രത്യേകിച്ച് ചാമ്പ്യൻസ് ലീഗിൽ ക്രിസ്റ്റ്യാനോയുടെ പ്രകടനത്തെ മറ്റ് മുൻ കളിക്കാർ നിശിതമായി വിമർശിച്ചു. ഒറ്റയടിക്ക് മികച്ച പ്രകടനം കാഴ്ചവെച്ചെങ്കിലും നിർണായക നിമിഷങ്ങളിൽ പോർച്ചുഗീസ് താരം പരാജയമായിരുന്നു. റയൽ മാഡ്രിഡിന്റെ നായകസ്ഥാനം ഏറ്റെടുത്തതിന് ശേഷമുള്ള കരിം ബെൻസേമയുടെ വളർച്ചയാണ് ശ്രദ്ധിക്കേണ്ട മറ്റൊരു കാര്യം.
റൊണാൾഡോയുടെ വളർച്ചയിൽ ഫ്രഞ്ച് താരം വഹിച്ച പങ്ക് നിഷേദിക്കാനാവാത്തതാണ്. ബെർണബ്യൂവിൽ നിന്ന് പുറത്തായതിന് ശേഷം CR7 ന് 119 ഗോളുകളും 25 അസിസ്റ്റുകളും ഉണ്ട്, അതേ കാലയളവിൽ കരീമിന് 124 ഗോളുകളും 34 അസിസ്റ്റുകളും ഉണ്ട്. ക്രിസ്റ്റ്യാനോ പോയതിന് ശേഷം ബെൻസിമ കൂടുതൽ കാര്യങ്ങൾ നൽകാൻ തുടങ്ങി.ക്രിസ്റ്റ്യാനോയുടെ പദ്ധതി പരാജയമായിരുന്നു. കൂടുതൽ ഗോളുകൾ നേടാനും കൂടുതൽ ചാമ്പ്യൻസ് ലീഗ് നേടാനും അദ്ദേഹം റയൽ മാഡ്രിഡ് വിട്ടത്. പക്ഷെ റൊണാൾഡോ റയലിനൊപ്പം എന്താണ് നേടിയത് അതിന്റെയൊപ്പം തന്നെയാണ് ഇപ്പോഴും.റോബർട്ട് ഡി നിരോ ‘എ ബ്രോങ്ക്‌സ് ടെയ്‌ലി’ൽ പറഞ്ഞതുപോലെ, പാഴാക്കുന്ന പ്രതിഭയെക്കാൾ സങ്കടകരമായ മറ്റൊന്നുമില്ല.