ട്രാൻസ്ഫർ റൗണ്ടപ്പ്: അപൂർവ കൈമാറ്റവുമായി മാഞ്ചസ്റ്റർ യുണൈറ്റഡ്, റൊണാൾഡോയുടെ ക്ലബ്ബിലേക്ക് ഒരു സൂപ്പർ താരം

1 സാവി സിമോൻസ് : ഫ്രഞ്ച് ക്ലബ്ബായ പാരിസ് സെന്റ് ജർമയിന്റെ ഡച്ച് യുവ ഫുട്ബോൾ താരമായ സാവി സിമോൻസ് 2023-2024 സീസണിൽ ഇനി ജർമൻ ക്ലബ്ബായ aആർ ബി ലെപ്സിഗിന് വേണ്ടി കളിക്കും. സീസൺ അവസാനം വരെയുള്ള ലോണടിസ്ഥാനത്തിലാണ് യുവ താരത്തെ പി എസ് ജി വിട്ടുനൽകിയത്. അടുത്ത സമ്മറിൽ താരം തിരികെ പിഎസ്ജിയിലെത്തും.

2 . ജോണി ഇവാൻസ് :ട്രാൻസ്ഫർ മാർക്കറ്റിലെ അപ്രതീക്ഷിതമായ ഒരു ട്രാൻസ്ഫർ കൈമാറ്റമാണ് നോർത്തിൺ ഐറിഷ് താരമായ ജോണി ഇവാൻസിന്റേത്. ഇംഗ്ലീഷ് പ്രീമിയർ ലീഗ് ക്ലബ്ബായ മാഞ്ചസ്റ്റർ യുണൈറ്റഡിന് വേണ്ടി പ്രീസീസൺ സൗഹൃദ മത്സരങ്ങളിൽ മാത്രം കളിക്കാൻ അവസരം കിട്ടുന്ന രീതിയിൽ താരം ചെറിയ കാലത്തേക്കുള്ള ഡീലിലാണ് ഒപ്പ് വരച്ചത്.

3 . സെകൊ ഫോഫാന :ഫ്രഞ്ച് ക്ലബ്ബായ ലെൻസിന്റെ താരമായ ഐവറി കോസ്റ്റ് താരം സെകൊ ഫോഫാനയുടെ സൈനിങ് ഒഫീഷ്യൽ ആയി സൗദി അറേബ്യൻ ക്ലബ്ബായ അൽ നസ്ർ പൂർത്തീകരിച്ചു. ഇനി മുതൽ താരം അൽ നസ്ർ ജേഴ്സിയിൽ കളിക്കും.

4 .കിം മിൻ ജേ :സൗത്ത് കൊറിയൻ ഫുട്ബോൾ താരമായ കിം മിൻ ജേ ജർമൻ വമ്പൻമാരായ ബയേൺ മ്യൂണികുമായി അഞ്ച് വർഷം നീളുന്ന കരാറിൽ ഒപ്പ് വെച്ചു. ബയേൺ ഏതൊരു താരത്തിന്റെയും ഇഷ്ടടീമാണ്, ബയേണിനു വേണ്ടി കളിക്കാൻ കാത്തിരിക്കുന്നു എന്ന് താരം സൈൻ ചെയ്തതിന് ശേഷം പ്രതികരിച്ചു.

5 .മാർക്കസ് റാഷ്‌ഫോർഡ് & ആന്ദ്രേ ഒനന :മാഞ്ചസ്റ്റർ യുണൈറ്റഡ് സൂപ്പർ താരമായ മാർക്കസ് റാഷ്ഫോർഡ് ക്ലബ്ബുമായി 2028 വരെയുള്ള പുതിയ കരാറിൽ സൈൻ ചെയ്തു. ഇന്റർ മിലാൻ താരമായിരുന്ന ഗോൾകീപ്പർ ആൻഡ്രെ ഒനാന മാഞ്ചസ്റ്റർ യുണൈറ്റഡിനായി സൈൻ ചെയ്യുവാൻ വേണ്ടി മാഞ്ചസ്റ്ററിൽ എത്തിയിട്ടുണ്ട്. താരം ഉടനെ തന്നെ കരാറിൽ സൈൻ ചെയ്യും.