ട്രാൻസ്ഫർ റൗണ്ടപ്പ്:ചെൽസിയുടെ വിറ്റഴിക്കൽ തുടരുന്നു, ഒരുതാരത്തെ കൂടി സ്വന്തമാക്കി റയലിന്റെ ഭാവിഭദ്രം..

1 .ക്രിസ്ത്യൻ പുലിസിച് :ഇംഗ്ലീഷ് പ്രീമിയർ ലീഗ് ക്ലബ്ബായ ചെൽസിയുടെ അമേരിക്കൻ താരം ക്രിസ്ത്യൻ പുലിസിചിന്റെ ട്രാൻസ്ഫർ പൂർത്തിയാക്കുവാൻ വേണ്ടി ചെൽസിയും ഇന്റർ മിലാനും തമ്മിൽ അവസാന കൂടിക്കാഴ്ച നടത്തും. ക്ലബ്ബ് വിട്ടുകൊണ്ട് പുതിയ ക്ലബ്ബിൽ പോകാൻ പുലിസിച് ചെൽസിയോട് ആവശ്യപ്പെട്ടിട്ടുമുണ്ട്. അടുത്ത 1-2 ദിവസത്തിനുള്ളിൽ ഇക്കാര്യത്തിൽ ഗ്രീൻ ലൈറ്റ് കാണുമെന്നാണ് ഇന്റർ മിലാൻ പ്രതീക്ഷിക്കുന്നത്.

2 .ഇവാൻ പെരിസിച്ച് :ഇംഗ്ലീഷ് പ്രീമിയർ ലീഗ് ക്ലബ്ബായ ടോട്ടനം ഹോട്സ്പറിന്റെ ക്രോയേഷ്യൻ സൂപ്പർ താരമായ ഇവാൻ പെരിസിചിന്റെ ട്രാൻസ്ഫർ സംബന്ധിച്ചു ഇതുവരെ ഒഫീഷ്യൽ ആയിട്ടുള്ള നീക്കങ്ങളോ അല്ലെങ്കിൽ ഉറപ്പിച്ചു പറയാനാവുന്ന നീക്കങ്ങൾ ഒന്നും ഉണ്ടായിട്ടില്ല. സൂപ്പർ താരം ഈ ട്രാൻസ്ഫർ വിൻഡോയിൽ ടോട്ടനം വിടുന്നത് സംബന്ധിച്ച് നിലവിൽ കാര്യമായ നീക്കങ്ങൾ ഉണ്ടായിട്ടില്ല.

3 . ആന്ദ്രേ ഒനാന :ഇറ്റാലിയൻ ക്ലബ്ബായ ഇന്റർ മിലാന്റെ കാമറൂൺ ഗോൾകീപ്പർ ആന്ദ്രേ ഒനാനക്ക് വേണ്ടിയുള്ള മാഞ്ചസ്റ്റർ യുണൈറ്റഡിന്റെ ഓഫർ 50 മില്യൺ യൂറോയായി ഉയർന്നു. ഓഫർ തുക കൂട്ടി നൽകിയെങ്കിലും 60മില്യൺ യൂറോയാണ് ഇപ്പോഴും ഇന്റർ മിലാൻ ആവശ്യപ്പെടുന്നത്, 55 മില്യൺ യൂറോയിൽ ഈ ചർച്ചകൾ മുന്നോട്ട് പോയേക്കാമെന്നാണ് പ്രതീക്ഷിക്കുന്നത്.

4 . ആർഡ ഗ്യൂലർ :തുർക്കിഷ് ക്ലബ്ബായ ഫെനെർബാഹ്സിൽ നിന്നും 2005-ൽ ജനിച്ച തുർക്കിഷ് യുവതാരമായ ആർഡ ഗ്യൂലറിനെ സ്വന്തമാക്കിയ വിവരം റയൽ മാഡ്രിഡ്‌ ഒഫീഷ്യൽ ആയി അറിയിച്ചു. 20മില്യൺ ട്രാൻസ്ഫർ ഫീയോടെ കൂടി 2029 വരെയാണ് സൂപ്പർ യുവ താരത്തിനെ റയൽ മാഡ്രിഡ്‌ സ്വന്തമാക്കിയത്, താരം ഉടനെ തന്നെ വരുന്ന സീസണിന് വേണ്ടി റയൽ മാഡ്രിഡിനോടൊപ്പം ചേരും.

5 .ഷെഹ് ചാൾസ് :മാഞ്ചസ്റ്റർ സിറ്റിയുടെ 20-കാരനായ യുവതാരം ചാൾസിനെ സ്വന്തമാക്കാൻ ഒരുങ്ങുകയാണ് മറ്റൊരു ഇംഗ്ലീഷ് പ്രീമിയർ ലീഗ് ക്ലബ്ബായ സതംപ്ടൻ. 9മില്യൺ ട്രാൻസ്ഫർ ഫീയാണ് മാഞ്ചസ്റ്റർ സിറ്റി വാങ്ങുക, ഈ വീക്ക്‌എൻഡിൽ തന്നെ താരം മെഡിക്കൽ പൂർത്തിയാക്കുവാൻ വേണ്ടി സംതാപ്തനിലേക്ക് പോകും.