ലൂയിസ് സുവാരസ് ബ്രസീലിൽ തന്റെ മികച്ച സ്‌കോറിംഗ് ഫോം തുടർന്ന് കൊണ്ടിരിക്കുകയാണ്.റിയോ ഗ്രാൻഡെ ഡോ സുൾ ചാമ്പ്യൻഷിപ്പിൽ കാക്‌സിയാസ് ഡോ സുലിനെതിരെ 2-1 അഗ്രഗേറ്റ് വിജയത്തോടെ ഗ്രെമിയോകൊപ്പം ആദ്യ കിരീടം സ്വന്തമാക്കിയിരിക്കുകയാണ് മുൻ ബാഴ്സലോണ താരം.
പോർട്ടോ അലെഗ്രെയിലെ അരീന ഡോ ഗ്രെമിയോയിൽ ശനിയാഴ്ച നടന്ന ഫൈനലിന്റെ രണ്ടാം പാദത്തിൽ മുൻ ലിവർപൂളിന്റെയും ബാഴ്‌സലോണയുടെയും സ്‌ട്രൈക്കർ രണ്ടാം പകുതിയിലെ പെനാൽറ്റി ഗോളാക്കി മാറ്റി ഗ്രെമിയോയെ 1-0 ത്തിന്റെ വിജയം നേടിക്കൊടുത്തു. കഴിഞ്ഞ ശനിയാഴ്ച നടന്ന ആദ്യ പാദത്തിൽ ഇരുടീമുകളും 1-1ന് സമനിലയിൽ പിരിഞ്ഞു.
“ഒരു ടീമെന്ന നിലയിൽ ഞങ്ങൾ എങ്ങനെ ഒരുമിച്ച് പ്രവർത്തിക്കുന്നു എന്നതാണ് ഏറ്റവും പ്രധാനപ്പെട്ട കാര്യം,ഈ വർഷം ഞങ്ങൾ ഏറ്റവും മികച്ച രീതിയിൽ ആരംഭിച്ച് ക്ലബ്ബിലെ എല്ലാവരും ആഗ്രഹിച്ച കിരീടം നേടി”മത്സരത്തിന് ശേഷം സുവാരസ് പറഞ്ഞു.ജനുവരിയിൽ ഫ്രീ ട്രാൻസ്ഫറിൽ ക്ലബിൽ ചേർന്നതിന് ശേഷം ഗ്രെമിയോയ്ക്ക് വേണ്ടി 14 മത്സരങ്ങളിൽ നിന്ന് സുവാരസ് ഇപ്പോൾ എട്ട് തവണ സ്കോർ ചെയ്യുകയും മൂന്ന് അസിസ്റ്റുകൾ നൽകുകയും ചെയ്തിട്ടുണ്ട്.
Gremio 🇧🇷 es campeón del Campeonato Gaúcho. Se consagró tras vencer 1-0 a Caxias (global 2-1) con gol de penal de Luis Suárez 🇺🇾. Segundo título para el Pistolero desde su llegada al club, con 7 gritos en 12 partidos.pic.twitter.com/sNPtXaEIrH
— VarskySports (@VarskySports) April 8, 2023
ഗ്രെമിയോയുടെ ശ്രദ്ധ ഇനി ബ്രസീലിയൻ സീരി എ ചാമ്പ്യൻഷിപ്പിലേക്ക് തിരിയുമെന്ന് 36-കാരൻ പറഞ്ഞു. ഏപ്രിൽ 16 ന് സാന്റോസിനെതിരായ ഹോം മത്സരത്തോടെയാണ് മത്സരങ്ങൾ ആരംഭിക്കുന്നത്.”ഞങ്ങൾ ഈ സുപ്രധാന കിരീടം നേടി, പക്ഷേ ഇപ്പോൾ നമുക്ക് ആദ്യം മുതൽ ആരംഭിക്കണം, എന്റെ കരിയറിൽ ഒരുപാട് കാര്യങ്ങൾ നേടിയതിൽ ഞാൻ വളരെ ഭാഗ്യവാനാണ്, പക്ഷേ എനിക്ക് ഇനിയും കൂടുതൽ വേണം” സുവാരസ് പറഞ്ഞു.