ലയണൽ മെസ്സിക്ക് മേജർ ലീഗ് സോക്കറിനെകുറിച്ച് മുന്നറിയിപ്പ് നൽകി വെയ്ൻ റൂണി |Lionel Messi

പാരീസ് സെന്റ് ജെർമെയ്‌നിലെ രണ്ട് വർഷത്തെ കരാർ അവസാനിച്ചതിന് പിന്നാലെ ലയണൽ മെസ്സിയുടെ സൈനിംഗ് ഇന്റർ മിയാമി അടുത്തിടെ സ്ഥിരീകരിച്ചു. ബാഴ്‌സലോണ ഐക്കൺ സെർജിയോ ബുസ്‌ക്വെറ്റ്‌സും മെസ്സിക്കൊപ്പം ചേർന്നു.അദ്ദേഹം ഞായറാഴ്ച ക്ലബ്ബുമായുള്ള രണ്ട് വർഷത്തെ കരാറിൽ ഔദ്യോഗികമായി ഒപ്പുവെച്ചു.

ദി ടൈംസിന് നൽകിയ അഭിമുഖത്തിൽ ഇംഗ്ലണ്ട് ഇതിഹാസം വെയ്ൻ റൂണി MLS-ന്റെ ശക്തിയെക്കുറിച്ച് ചർച്ച ചെയ്യുകയും മെസ്സിക്ക് ഇത് വിജയിക്കാൻ പ്രയാസമുള്ള ലീഗാണെന്ന് മുന്നറിയിപ്പ് നൽകുകയും ചെയ്തു.“എം‌എൽ‌എസ് ഇതിനകം തന്നെ വളരെ മികച്ച ലീഗാണ്.യൂറോപ്പിലെ ആളുകൾക്ക് അറിയാത്ത, പ്രീമിയർ ലീഗിൽ കളിക്കാൻ കഴിയുന്ന ധാരാളം കളിക്കാർ ഇവിടെയുണ്ട്” റൂണി പറഞ്ഞു.

” ക്ലബ് മെസ്സിക്ക് വേണ്ടി എല്ലാം സജ്ജീകരിച്ചിരിക്കുകയാണ്.സെർജിയോ ബുസ്‌ക്വെറ്റ്‌സും ജോർഡി ആൽബയും ഇന്റർ മിയാമിക്കായി സൈൻ ചെയ്‌തിട്ടുണ്ട്, ഒരുപക്ഷേ ഇനിയേസ്റ്റ അവരോടൊപ്പം ചേരും, ചിലപ്പോൾ ലൂയിസ് സുവാരസും. മെസ്സിക്ക് ഇഷ്ടവും വിശ്വാസവുമുള്ള ഒരു പരിശീലകനുണ്ട് [ മാനേജർ ടാറ്റ മാർട്ടിനോ]” റൂണി പറഞ്ഞു.

ജൂലൈ 21 ന് ക്രൂസ് അസുലിനെതിരായ ഇന്റർ മിയാമി ലീഗ് കപ്പ് മത്സരത്തിൽ മെസ്സി തന്റെ കന്നി MLS മത്സരത്തിൽ പങ്കെടുക്കുമെന്ന് പ്രതീക്ഷിക്കുന്നു.നിലവിൽ ഈസ്റ്റേൺ കോൺഫറൻസ് ടേബിളിൽ ഏറ്റവും താഴെയുള്ള ഇന്റർ മിയാമിക്ക് മെസ്സിയുടെ വരവ് തങ്ങളുടെ ഭാഗ്യത്തിൽ മാറ്റം കൊണ്ടുവരുമെന്ന് ക്ലബ്ബ് പ്രതീക്ഷിക്കുന്നു.“ഇന്റർ മിയാമിയിലും യുണൈറ്റഡ് സ്റ്റേറ്റ്സിലും എന്റെ കരിയറിലെ ഈ അടുത്ത ഘട്ടം ആരംഭിക്കുന്നതിൽ ഞാൻ വളരെ ആവേശത്തിലാണ്.

”ഇതൊരു മികച്ച അവസരമാണ്, ഞങ്ങൾ ഒരുമിച്ച് ഈ മനോഹരമായ പ്രോജക്റ്റ് നിർമ്മിക്കുന്നത് തുടരും. ഞങ്ങൾ സജ്ജമാക്കിയ ലക്ഷ്യങ്ങൾ കൈവരിക്കുന്നതിന് ഒരുമിച്ച് പ്രവർത്തിക്കുക എന്നതാണ് ആശയം” ട്രാൻസ്ഫർ പൂർത്തിയായതിനു ശേഷം മെസ്സി പറഞ്ഞു.ഇന്റർ മിയാമിയിലേക്കുള്ള ലയണൽ മെസ്സിയുടെ നീക്കം MLS-നും അമേരിക്കൻ സോക്കറിനും വലിയ കുതിപ്പ് സൃഷ്ടിക്കാനുള്ള എല്ലാ സാധ്യതയുമുണ്ട്.