“ലോകത്തിലെ ഏറ്റവും മികച്ച ക്ലബ്ബുകളിലൊന്നായ റയൽ മാഡ്രിഡിനോട് ഞങ്ങൾക്ക് തോൽക്കാം, പക്ഷേ ഇങ്ങനെ തോൽക്കാൻ പാടില്ല “
ചാമ്പ്യൻസ് ലീഗ് പ്രീ ക്വാർട്ടറിൽ റയൽ മാഡ്രിഡിനെതിരെയുള്ള തോൽവിക്ക് ശേഷം റഫറിക്കെതിരെ രൂക്ഷ വിമർശനവുമായി പാരീസ് പരിശീലകൻ മൗറീഷ്യോ പോച്ചെറ്റിനോ. ഇന്നലെ നടന്ന മത്സരത്തിൽ ഒരു ഗോളിന് മുന്നിട്ട് നിന്ന ശേഷം ഫ്രഞ്ച് സൂപ്പർ താരം ബെൻസീമ നേടിയ ഹാട്രിക്കിന്റെ പിൻബലത്തിലാണ് റയൽ ജയിച്ചു കയറിയത്. അതിനിടയിൽ എംബാപ്പയുടെ ഓപ്പണിംഗ് ഗോൾ അനുവദിക്കാനുള്ള റഫറിയുടെ തീരുമാനത്തിനെതിരെ പിഎസ്ജി കോച്ച് മൗറീഷ്യോ പോച്ചെറ്റിനോ വിമർശിക്കുകയും ചെയ്തു. റയൽ നേടിയ ആദ്യ ഗോളിൽ ഡോണാരുമ്മയ്‌ക്കെതിരെ ബെൻസെമ ഫൗൾ ചെയ്തതിനു പിഎസ്ജിക്ക് ഫ്രീകിക്ക് ലഭിക്കാത്തത് പോച്ചെറ്റിനോയെ ചൊടിപ്പിച്ചു.
“എന്താണ് സംഭവിച്ചതെന്ന് വിശദീകരിക്കുന്നത് എളുപ്പമാണ്. ആദ്യ ഗോളിൽ ഡോണാരുമ്മയിൽ ഒരു ഫൗൾ ഉണ്ടായിരുന്നു, അത് എല്ലാം മാറ്റിമറിച്ചു,” പോച്ചെറ്റിനോ പറഞ്ഞു.”ഈ വലിയ റഫറിയിംഗ് പിശകിനെക്കുറിച്ച് സംസാരിക്കാതിരിക്കാൻ പ്രയാസമാണ്, അത് എനിക്ക് മനസ്സിലാകുന്നില്ല ഞാൻ അത് ക്ഷമിക്കില്ല. “എന്തുകൊണ്ടാണ് റഫറി VAR-ലേക്ക് വിളിക്കാത്തതെന്ന് എനിക്ക് മനസ്സിലാകുന്നില്ല. അന്നുമുതൽ സ്റ്റേഡിയത്തിൽ എല്ലാം മാറി. ഞങ്ങളുടെ കളിക്കാർ അസ്വസ്ഥരായിരുന്നു” പാരീസ് പരിശീലകൻ പറഞ്ഞു.
“ഞാൻ പ്രകടനത്തെക്കുറിച്ച് സംസാരിക്കാൻ ആഗ്രഹിക്കുന്നില്ല. ഇത് 2022 ൽ കാണുന്നത് അവിശ്വസനീയമാണ്. ഞാൻ വിശ്വസിക്കുന്നില്ല. സ്റ്റേഡിയത്തിൽ എല്ലാം മാറിയെന്ന് ഞാൻ കരുതുന്നു. കളിക്കാർ ഈ അവസ്ഥയിൽ അസ്വസ്ഥരായിരുന്നു” അദ്ദേഹം പറഞ്ഞു.” ആ ഗോൾ വഴങ്ങിയതിനു ശേഷം ഞങ്ങൾ ചില തെറ്റുകൾ വരുത്തി, ഞങ്ങൾ അത് സമ്മതിക്കണം, പക്ഷേ വികാരങ്ങൾ ഉണ്ടാകുമ്പോൾ ഒരു ടീമിനെ നിയന്ത്രിക്കുന്നത് ബുദ്ധിമുട്ടാണ്. ഇത് ഞങ്ങൾക്ക് സംഭവിക്കാവുന്ന ഏറ്റവും മോശമായ കാര്യമാണ്. ഈ ഫലം അംഗീകരിക്കാൻ വളരെ ബുദ്ധിമുട്ടാണ്.കളിക്കാർ അസ്വസ്ഥരാകും.. ഇതൊക്കെ സംഭവിക്കും. ഈ മാനസികാവസ്ഥ മാറ്റാൻ പ്രയാസമായിരിക്കും.ലോകത്തിലെ ഏറ്റവും മികച്ച ക്ലബ്ബുകളിലൊന്നായ റയൽ മാഡ്രിഡിനോട് ഞങ്ങൾക്ക് തോൽക്കാം, പക്ഷേ ഇങ്ങനെയൊരു തോൽവിയല്ല ” പരിശീലകൻ പറഞ്ഞു.
റയൽ മാഡ്രിഡിനെതിരെയുള്ള തോൽവിയോടെ അര്ജന്റീന പരിശീലകനറെ കസേരക്ക് വലിയ ഇളക്കം തട്ടിയിരിക്കുകയാണ്. ഫ്രഞ്ച് ലീഗ് 1 ൽ കിരീടം ഉറപ്പാണെങ്കിലും പാരീസ് ക്ലബ് ലക്ഷ്യമിടുന്നത് ചാമ്പ്യൻസ് ലീഗ് തന്നെയാണ്. കഴിഞ്ഞ കുറച്ചു വർഷങ്ങളിലായി ലോകത്തിലെ ഏറ്റവും മികച്ച താരങ്ങളെ അണിനിരത്തിയിട്ടും ഒരിക്കൽ മാത്രം ഫൈനലിൽ എത്തിയതാണ് നേട്ടം.ഈ സീസൺ അവസാനിക്കുന്നതിന് മുൻപ് തന്നെ പോച്ചെറ്റിനോയുടെ കാര്യത്തിൽ തീരുമാനം ഉണ്ടാവും.
