ക്രിസ്റ്റ്യാനോ റൊണാൾഡോക്ക് പകരക്കാരനായി ഡച്ച് സ്‌ട്രൈക്കറെ ടീമിലെത്തിച്ച് മാഞ്ചസ്റ്റർ യുണൈറ്റഡ് |Manchester United

നവംബറിൽ പരസ്പര സമ്മതത്തോടെ ക്രിസ്റ്റ്യാനോ റൊണാൾഡോയുടെ കരാർ അവസാനിപ്പിച്ചതിന് ശേഷം മാഞ്ചസ്റ്റർ യുണൈറ്റഡിന് ഒരു പുതിയ സ്‌ട്രൈക്കറെ സൈൻ ചെയ്യുന്നത്തിനായുള്ള ശ്രമത്തിലാണ്.ഇംഗ്ലീഷ് ഭീമന്മാർ ഒരു സ്ഥിരമായ ഡീലിൽ വലിയ തുക വിനിയോഗിക്കുന്നതിനുപകരം ഒരു ഹ്രസ്വകാല പരിഹാരം തേടി വായ്പയിൽ സ്‌ട്രൈക്കറെ ടീമിലെത്തിക്കാനാണ് ശ്രമിച്ചു കൊണ്ടിരിക്കുന്നത്.

പുറത്ത് വരുന്ന റിപ്പോർട്ടുകൾ പ്രകാരം ബേൺലിയുടെ ഡച്ച് സ്‌ട്രൈക്കർ വൗട്ട് വെഗോസ്റ്റിനെ യുണൈറ്റഡ് ടീമിലെത്തിച്ചിരിക്കുകയാണ്. തുർക്കി ക്ലബ് ബെസിക്‌റ്റാസ് താരത്തിന്റെ ലോൺ ഡീൽ അവസാനിപ്പിക്കാൻ സമ്മതിച്ചതിനാൽ വൗട്ട് വെഗോർസ്റ്റിനെ സൈൻ ചെയ്യാൻ യുണൈറ്റഡിന് സാധിക്കും.ബേൺലി സെന്റർ ഫോർവേഡ് വെഗോർസ്റ്റ് കഴിഞ്ഞയാഴ്ചകളിലാണ് റെഡ് ഡെവിൾസിന്റെ ഒരു സർപ്രൈസ് ടാർഗെറ്റായി ഉയർന്നു വന്നത്.ചാമ്പ്യൻഷിപ്പ് ക്ലബ്ബുമായി ലോൺ ഇടപാടിനെക്കുറിച്ച് ചർച്ചകൾ നടക്കുകയും ചെയ്തു.

സ്‌ട്രൈക്കറുടെ ലോൺ ഡീൽ അവസാനിപ്പിക്കാൻ ബെസിക്‌റ്റാസിനെ ബോധ്യപ്പെടുത്തുന്നത് ഒരു വലിയ തടസ്സമായി മാറിയിരിക്കുന്നു. ടർക്കിഷ് ക്ലബ് സമ്മറിൽ ഒരു സീസൺ-നീണ്ട ലോൺ ഡീലിൽ വെഗോർസ്റ്റുമായി ഒപ്പുവച്ചു, കൂടാതെ 10 മില്യൺ യൂറോയ്ക്ക് അവനെ വാങ്ങാനുള്ള ഓപ്ഷനും ഉൾപ്പെടുത്തി.ബേൺലിയും ബെസിക്‌റ്റാസും ഒരു സെറ്റിൽമെന്റ് ഡീലുമായി ബന്ധപ്പെട്ട് ചർച്ചകളിൽ ഏർപ്പെട്ടിരിക്കുകയാണ്, സൂപ്പർ ലിഗ് ക്ലബ്ബ് നഷ്ടപരിഹാര തുകയ്‌ക്കായി നീട്ടിക്കൊണ്ടുപോയി. വെഘോർസ്റ്റിനെ വിടാൻ ക്ലബ് സമ്മതിച്ചിരിക്കുകയാണ്.30-കാരന്റെ വായ്പ കരാർ അവസാനിപ്പിക്കാൻ ബെസിക്താസ് സമ്മതിചെങ്കിലും കരാർ ലഭിക്കുന്നതിന് മാഞ്ചസ്റ്റർ യുണൈറ്റഡ് 3 മില്യൺ യൂറോ നഷ്ടപരിഹാര തുക നൽകും.

കാര്യങ്ങൾ പ്ലാൻ അനുസരിച്ച് നടക്കുകയാണെങ്കിൽ, റെഡ് ഡെവിൾസിന്റെ വരാനിരിക്കുന്ന പ്രീമിയർ ലീഗ് മത്സരത്തിനായുള്ള ടീം സെലക്ഷനിൽ വെഗോർസ്റ്റ് ലഭ്യമായേക്കാം. ജനുവരി 14 ശനിയാഴ്ച ഓൾഡ് ട്രാഫോർഡിൽ ചിരവൈരികളായ മാഞ്ചസ്റ്റർ സിറ്റിയെയാണ് അവർ നേരിടേണ്ടത്.2022-ൽ ഖത്തറിൽ നടക്കുന്ന ഫിഫ ലോകകപ്പിനുള്ള ലൂയിസ് വാൻ ഗാലിന്റെ നെതർലൻഡ്‌സ് ടീമിന്റെ ഭാഗമായിരുന്നു വെഗോർസ്റ്റ്. ടൂർണമെന്റിലെ ഹോളണ്ടിന്റെ അഞ്ച് മത്സരങ്ങളിൽ നാലിലും അദ്ദേഹം പ്രത്യക്ഷപ്പെട്ടു. ക്വാർട്ടർ ഫൈനലിൽ അർജന്റീനയോട് ടീമിന്റെ തോൽവിയിൽ അദ്ദേഹം ശ്രദ്ധ പിടിച്ചുപറ്റി. പെനാൽറ്റിയിൽ തോറ്റെങ്കിലും രണ്ടു ഗോളുകൾ താരം നേടിയിരുന്നു.

2022-23-ൽ ബെസിക്‌റ്റാസിനായി 17 മത്സരങ്ങൾ കളിച്ചു, എട്ട് ഗോളുകളും നാല് അസിസ്റ്റുകളും നൽകി.കഴിഞ്ഞ സീസണിൽ ചാമ്പ്യൻഷിപ്പിലേക്ക് തരംതാഴ്ത്തപ്പെടുന്നതിന് മുമ്പ് ബേൺലിക്ക് വേണ്ടി കളിച്ചിട്ടുള്ള പ്രീമിയർ ലീഗ് അനുഭവം വെഗോർസ്റ്റിനുണ്ട്.29 കാരനായ സ്‌ട്രൈക്കർ 407 മത്സരങ്ങളിൽ നിന്ന് 171 ഗോളുകളും 55 അസിസ്റ്റുകളും നേടിയിട്ടുണ്ട്. തന്റെ കരിയറിന്റെ ഭൂരിഭാഗവും ജർമ്മനിയിലും നെതർലാൻഡിലുമായി വോൾഫ്സ്ബർഗ്, എസെഡ് അൽക്മാർ തുടങ്ങിയ ടീമുകൾക്കായി കളിച്ചു.ഹോൾഡ്-അപ്പ് പ്ലേ, പാസിംഗ്, ലിങ്ക്-അപ്പ്, ഓഫ്-ദ-ബോൾ വർക്ക് റേറ്റ്, സെറ്റ്-പീസുകളിൽ ഉള്ള കഴിവ് , മികച്ച ബോക്‌സ് ചലനം, ഏറ്റവും പ്രധാനമായി ഫിനിഷിംഗ് എന്നിവയാണ് അദ്ദേഹത്തിന്റെ ഗെയിമിന്റെ ശക്തി.

കഴിഞ്ഞ സീസണിൽ ഭൂരിഭാഗം സമയവും ബേൺലി തരംതാഴ്ത്തൽ പോരാട്ടത്തിലായിരുന്നു അത്കൊണ്ട് തന്നെ മുന്നേറ്റനിരക്കാർക്ക് വേണ്ട ഗോൾ അവസരങ്ങൾ ഉണ്ടായിട്ടില്ല.ബേൺലിയിൽ കണ്ടത് അദ്ദേഹത്തിന്റെ കഴിവുകളുടെ യഥാർത്ഥ പ്രതിഫലനമായിരുന്നില്ല.അദ്ദേഹം യുണൈറ്റഡിൽ എത്തുകയാണെങ്കിലും എറിക് ടെൻ ഹാഗിന്റെ കീഴിൽ തന്റെ കഴിവുകൾ പൂർണമായും പുറത്തെടുക്കാനായി സാധിക്കും.സെബാസ്റ്റ്യൻ ഹാലറിനെ ടെൻ ഹാഗ് എങ്ങനെ ഉപയോഗിച്ചുവോ അതുപോലെ വെഗോർസ്റ്റിനെയും ഉപയോഗിക്കാൻ സാധിക്കും.