മെസ്സിക്ക് ഇപ്പോൾ ഏറ്റവും അനുയോജ്യമായ ക്ലബ് ഏത്? ഇറ്റാലിയൻ ഇതിഹാസത്തിന്റെ നിരീക്ഷണം

ലയണൽ മെസ്സി അടുത്ത സീസണിൽ ഏത് ക്ലബ്ബിലായിരിക്കും കളിക്കുക എന്നുള്ളത് എല്ലാവർക്കും അറിയേണ്ട ഒരു കാര്യമാണ്.മെസ്സിയുടെ പിഎസ്ജിയുമായുള്ള കരാർ അവസാനിക്കാൻ പോവുകയാണ്.ഇത് പുതുക്കുന്ന കാര്യത്തിൽ ഇതുവരെ പുരോഗതി ഒന്നും ഉണ്ടായിട്ടില്ല.അതുകൊണ്ടുതന്നെ മെസ്സി ഫ്രഞ്ച് തലസ്ഥാനം വിടും എന്നുള്ള വാർത്തകൾ സജീവമാണ്.

നിലവിൽ തകർപ്പൻ ഫോമിലാണ് ഇറ്റാലിയൻ ലീഗിൽ നാപ്പോളി കളിച്ചുകൊണ്ടിരിക്കുന്നത്.സിരി എ കിരീടം അവർ ഉറപ്പിച്ചു കഴിഞ്ഞു പറയേണ്ടിവരും.രണ്ടാം സ്ഥാനക്കാരായ ഇന്റർമിലാനേക്കാൾ 18 പോയിന്റ് ലീഡ് നാപോളിക്കുണ്ട്.വിക്ടർ ഒസിംഹനും കീച്ച ക്വാരഷ്‌ക്കേലിയയുമൊക്കെ തകർപ്പൻ പ്രകടനമാണ് ഇപ്പോൾ നാപ്പോളിക്ക് വേണ്ടി പുറത്തെടുക്കുന്നത്.

ഇറ്റലിയുടെയും എസി മിലാന്റെയും ഇതിഹാസമായ റോബെർട്ടോ ഡോണാഡോണി ഈ വിഷയത്തിൽ തന്റെ അഭിപ്രായം പങ്കുവെച്ചിട്ടുണ്ട്.അതായത് നിലവിൽ ലയണൽ മെസ്സിക്ക് ഏറ്റവും അനുയോജ്യമായ ക്ലബ്ബ് നാപ്പോളിയാണ് എന്നാണ് ഇദ്ദേഹം പറഞ്ഞിട്ടുള്ളത്.അതിനുള്ള കാരണങ്ങളുമൊക്കെ അദ്ദേഹം നിരത്തുന്നുണ്ട്.ഡോണ ഡോണി മെസ്സിയെക്കുറിച്ച് പറഞ്ഞത് ഇപ്രകാരമാണ്.

‘ലയണൽ മെസ്സിക്ക് ഇന്ന് ഏറ്റവും അനുയോജ്യമായ ക്ലബ്ബ് നാപ്പോളിയാണ്.ലയണൽ മെസ്സി ഇപ്പോൾ വളരെ വേഗത്തിൽ കളിക്കുന്ന ഒരു താരമല്ല,മറിച്ച് വളരെയധികം ടെക്നിക്കോട് കൂടി കളിക്കുന്ന താരമാണ്.മെസ്സിയും നാപ്പോളിയും ഒരുമിച്ചാൽ അത് ഒരു അസാധാരണമായ സംഭവം തന്നെയായിരിക്കും.മറഡോണക്കോപ്പവും മെസ്സിക്കൊപ്പവും നാപ്പോളിക്ക് കിരീടങ്ങൾ നേടാൻ കഴിഞ്ഞാൽ അത് ക്ലബ്ബിന് സംഭവിക്കാവുന്ന ഏറ്റവും നല്ല കാര്യമായിരിക്കും ‘ഇതാണ് ഇറ്റാലിയൻ ഇതിഹാസം പറഞ്ഞിട്ടുള്ളത്.

അർജന്റൈൻ ഇതിഹാസമായ മറഡോണ നാപ്പോളിക്ക് ഒരുപാട് നേട്ടങ്ങൾ നൽകിയിട്ടുള്ള താരമാണ്.പക്ഷേ ലയണൽ മെസ്സി നാപ്പോളിലേക്ക് എത്താനുള്ള യാതൊരുവിധ സാധ്യതകളും ഇപ്പോൾ ഇവിടെ അവശേഷിക്കുന്നില്ല.മെസ്സി പാരീസ് വിടുകയാണെങ്കിൽ ഇന്റർ മിയാമി എന്ന ഓപ്ഷൻ ആണ് അദ്ദേഹത്തിന്റെ മുന്നിൽ ഏറ്റവും അധികമായിട്ടുള്ളത്.