എന്തുകൊണ്ടാണ് ബ്രസീൽ, ഫ്രാൻസ്, ഇംഗ്ലണ്ട്, അർജന്റീന എന്നിവർ ഖത്തറിൽ പരാജയപ്പെടും എന്ന് പറയുന്നത്?|Qatar 2022
2022 ലോകകപ്പിന് രണ്ട് മാസത്തിൽ താഴെ മാത്രമാണ് ഉള്ളത്. യോഗ്യത നേടിയ 32 ടീമുകളും ലോകകപ്പിനായുള്ള തയ്യാറെടുപ്പുകൾ തുടങ്ങിയിരിക്കുകയാണ്. നാല് വര്ഷം കൂടുമ്പോൾ എത്തുന്ന ഫുട്ബോൾ മാമാങ്കത്തിൽ ഏറ്റവും മികച്ച പ്രകടനം നടത്താനുള്ള ഒരുക്കത്തിലാണ് ഒരു ടീമും. ഖത്തരിൽ കിരീടം നേടാൻ ഏറ്റവും സാധ്യത കൽപ്പിക്കുന്ന രാജ്യങ്ങളാണ് ബ്രസീൽ, ഫ്രാൻസ്, ഇംഗ്ലണ്ട്, അർജന്റീന എന്നിവർ. എന്നാൽ ഇവർ ഖത്തറിൽ പരാജയപ്പെടും എന്ന് പറയാനുള്ള കാരണവുമുണ്ട്.
ബ്രസീൽ : ടിറ്റെയുടെ ടീമിന്റെ കരുത്ത് നോക്കുമ്പോൾ 2022 ലോകകപ്പ് നേടാനുള്ള ഫേവറിറ്റുകളാണ് ബ്രസീൽ എന്തുകൊണ്ടെന്ന് വ്യക്തമാണ്.2002 ലോകകപ്പ് നേടിയതിന് ശേഷം ഒരു തവണ മാത്രമാണ് ബ്രസീൽ സെമി ഫൈനൽ കടന്നത്.2022ൽ മൂന്ന് ഗെയിമുകൾ 4-0നും രണ്ട് ഗെയിമുകൾ 5-1നും മറ്റൊരു 3-0നും ജയിച്ചു.. ചിലി, പരാഗ്വായ്, ദക്ഷിണ കൊറിയ, ടുണീഷ്യ, ഘാന തുടങ്ങിയ രാജ്യങ്ങളെയാണ് ബ്രസീൽ പരാജയപെടുത്തിയത്.അവർ ദക്ഷിണ അമേരിക്കൻ യോഗ്യതാ മത്സരത്തിൽ 14 മത്സരങ്ങൾ വിജയിക്കുകയും 17 മത്സരങ്ങളിൽ മൂന്നെണ്ണം സമനിലയിലാവുകയും ചെയ്തു.അവർ 40 ഗോളുകൾ നേടി, അഞ്ച് ഗോളുകൾ മാത്രം വഴങ്ങി.
ബ്രസീലിന്റെ പോരായ്മകൾ എന്നതാണെന്ന് പരിശോധിക്കാം. ഘാനയ്‌ക്കെതിരെ, റയൽ മാഡ്രിഡിനായി സെന്റർ ബാക്കിൽ കളിക്കുന്ന എഡർ മിലിറ്റോവായിരുന്നു ഫുൾ ബാക്ക്.നിലവിൽ സെവിയ്യയിൽ ലോണിലുള്ള മാഞ്ചസ്റ്റർ യുണൈറ്റഡ് ലെഫ്റ്റ് ബാക്ക് അലക്സ് ടെല്ലസ് ഇടതുവശത്തായിരുന്നു. ഇരു വിങ്ങുകളിലും മികച്ച താരങ്ങളുടെ അഭാവം ബ്രസീലിന് ഖത്തറിൽ തിരിച്ചടിയാവാൻ സാധ്യതയുണ്ട്.ബ്രസീലിന്റെ ശക്തി അവരുടെ പ്രതിരോധം തന്നെയാണ്.ഡിസംബർ 18 ന് അവർക്ക് ഫൈനലിൽ എത്തണമെങ്കിൽ അതിൽ ശക്തി വർധിപ്പിച്ച മതിയാവു.
ഫ്രാൻസ്: ഫ്രാൻസ് സ്ക്വാഡിനെ കടലാസിൽ നോക്കുമ്പോൾ എന്തുകൊണ്ടാണ് അവർ നിലവിലെ ലോക ചാമ്പ്യൻമാരായതെന്ന് മനസ്സിലാക്കാൻ സാധിക്കും.കൈലിയൻ എംബാപ്പെ, കരീം ബെൻസെമ, ഔസ്മാൻ ഡെംബെലെ എന്നിവരോടൊപ്പം ആക്രമണത്തിൽ പ്രതിഭകളുടെ സമൃദ്ധി ഈ വർഷം മറ്റൊരു ഫൈനലിലെത്താൻ അവരെ സഹായിച്ചേക്കാം, അല്ലെങ്കിൽ ഒരുപക്ഷേ ട്രോഫി നിലനിർത്താനും. ഫീൽഡിന് പുറത്തുള്ള പ്രശ്നങ്ങളാണ് അവരെ കൂടുതൽ വലക്കുന്നത്.ഫ്രഞ്ച് ഫുട്ബോൾ ഫെഡറേഷനുമായി സ്പോൺസർഷിപ്പ് ഡീലുകളെച്ചൊല്ലി എംബാപ്പെയ്ക്ക് അഭിപ്രായവ്യത്യാസമുണ്ട്, പോൾ പോഗ്ബയ്ക്ക് മൈതാനത്തും പുറത്തും പ്രശ്നങ്ങളുണ്ടായിരുന്നു. എല്ലാ താരങ്ങളെയും ഒരുപോലെ നിലനിർത്താനുള്ള കഴിവ് ദിദിയർ ദെഷാംപ്സിനുണ്ടോ എന്നത് കണ്ടറിയേണ്ടിയിരിക്കുന്നു. നിലവിൽ ടൂർണമെന്റിലെ രണ്ടാം ഫേവറിറ്റുകളാണ് ഫ്രാൻസ്.
ഇംഗ്ലണ്ട് : ലോകകപ്പിനുള്ള ഇംഗ്ലണ്ടിന്റെ തയ്യാറെടുപ്പ് മോശമായിരുന്നു.ഗാരെത് സൗത്ത്ഗേറ്റിന്റെ ടീം യുവേഫ നേഷൻസ് ലീഗിന്റെ മുൻനിരയിൽ നിന്ന് തരംതാഴ്ത്തപ്പെട്ടു, ഹംഗറി, ഇറ്റലി, ജർമ്മനി എന്നിവരുമായുള്ള ഗ്രൂപ്പിൽ ഏറ്റവും താഴെയായി. ഹാരി കെയ്‌നിനെ കൂടുതൽ ആശ്രയിക്കുന്നതും ടൂർണമെന്റിലേക്ക് പോകുന്നതിൽ ആശങ്കയ്ക്ക് കാരണമായേക്കാം.ടൂർണമെന്റിന് മുമ്പോ അതിനിടയിലോ കെയ്നിന് പരിക്കേൽക്കുകയോ ഫോം നഷ്ടപ്പെടുകയോ ചെയ്താൽ ത്രീ ലയൺസിന് അത് വലിയ തിരിച്ചടിയായിരിക്കും .ഹാരി മാഗ്വറിൽ സൗത്ത്ഗേറ്റ് കാണിച്ച വിശ്വാസവും ആശങ്ക കൂട്ടുന്നു.മാഞ്ചസ്റ്റർ യുണൈറ്റഡ് അവരുടെ അവസാന നാല് മത്സരങ്ങളിൽ മാഗ്വെയറിനെ ഒഴിവാക്കി, അദ്ദേഹത്തിന്റെ ആത്മവിശ്വാസം വളരെ തഴയാണ്.എന്നാൽ ഇംഗ്ലണ്ട് പരിശീലകൻ അദ്ദേഹത്തിൽ പൂർണമായും വിശ്വസിക്കുന്നുണ്ട്.പ്രതിരോധത്തിലെ അനിശ്ചിതത്വം ഖത്തറിൽ ഇംഗ്ലണ്ടിന് മോശം പ്രകടനത്തിന് കാരണമായേക്കാം.
അർജന്റീന: എല്ലാ ലോകകപ്പിലും കിരീടം നേടാൻ സാധ്യതയുള്ളവരിൽ ഏറ്റവും മുന്നിലായിരിക്കും അർജന്റീനയുടെ സ്ഥാനം.ഈ വർഷവും വ്യത്യസ്തമല്ല.ലയണൽ മെസ്സിയുടെ സാനിധ്യം അവരെ കിരീട സാധ്യതയുള്ളവരിൽ മുൻപിലെത്തിക്കുകയും ചെയ്യുന്നു.2021ലെ കോപ്പഅമേരിക്ക ഫൈനലിൽ ബ്രസീലിനെ തോൽപിച്ച 28 വർഷത്തെ ഇടവേളക്ക് ശേഷം കിരീടം നേടിയ ലയണൽ സ്‌കലോനിയുടെ ടീം സമീപകാലത്ത് മികച്ച പ്രകടനം കാഴ്ചവെച്ചിട്ടുണ്ട്.ഫൈനൽസിമയിൽ ആൽബിസെലെസ്‌റ്റ് ഇറ്റലിയെ 3-0ന് തോൽപ്പിക്കുകയും ചെയ്തു.അര്ജന്റീന അവസാന നാല് മത്സരങ്ങളിൽ നിന്നും 14 ഗോളുകൾ നേടിയപ്പോൾ ഒരു ഗോൾ പോലും വഴങ്ങിയില്ല.
മെക്‌സിക്കോ, പോളണ്ട്, സൗദി അറേബ്യ എന്നീ രാജ്യങ്ങൾക്കൊപ്പമുള്ള ഗ്രൂപ്പിലാണ് അവരുടെ സ്ഥാനം. പക്ഷെ അർജന്റീന നേരിടുന്ന പ്രധാന പ്രശ്‍നം അവരുടെ മേലുള്ള അമിത പ്രതീക്ഷ തന്നയായിരിക്കും. ലയണൽ മെസ്സിയെ അമിതമായി ആശ്രയിക്കുന്നതും വർക്ക് തിരിച്ചടിയാവാം. ഏറ്റവും മിക്ക്യാത്ത ടീമുമായി വലിയ പ്രതീക്ഷകളോടെ എത്തിയ അര്ജന്റീന മുൻകാലങ്ങളിൽ വെറും കയ്യോടെയാണ് തിരിച്ചു പോയത്.