യുവേഫ ചാമ്പ്യൻസ് ലീഗ് ക്വാർട്ടർ ഫൈനലിന്റെ ആദ്യ പാദത്തിൽ മാഞ്ചസ്റ്റർ സിറ്റിക്കെതിരെ ബവേറിയൻസ് 3-0ന് തോറ്റതിനെ തുടർന്ന് ബയേൺ മ്യൂണിക്കിലെ സഹതാരങ്ങളായ സാഡിയോ മാനെയും ലെറോയ് സാനെയും തമ്മിൽ വാക്കേറ്റമുണ്ടായി.തർക്കത്തിനിടയിൽ മാനെ സാനെയുടെ മുഖത്ത് അടിച്ചതായി റിപ്പോർട്ടുണ്ട്.
സ്ഥിതിഗതികൾ നിയന്ത്രണവിധേയമാക്കാൻ അവരുടെ ടീമംഗങ്ങൾ ഇടപെട്ട് സാനെയെ ഡ്രസ്സിംഗ് റൂമിൽ നിന്ന് പുറത്താക്കുകയും ചെയ്തു. ഹോഫെൻഹെയിമിനെതിരായ ബുണ്ടസ്‌ലിഗ പോരാട്ടത്തിനുള്ള ടീമിൽ മാനെ ഉണ്ടാകില്ലെന്ന് ബയേൺ പ്രഖ്യാപിച്ചു. സെനഗൽ ഇന്റർനാഷണൽ താരത്തിന്റെ പ്രവൃത്തികൾക്ക് പിഴയും ചുമത്തും.ബയേൺ മ്യൂണിക്കിലെ രണ്ട് സൂപ്പർ താരങ്ങൾ തമ്മിലുള്ള തർക്കത്തിന് കാരണം എന്താണെന്നതിനെക്കുറിച്ചുള്ള റിപ്പോർട്ടുകളാണ് ഇപ്പോൾ പുറത്തുവന്നിരിക്കുന്നത്. മുൻ ലിവർപൂൾ താരത്തെ സാനെ ”ബ്ളാക്ക് ഷിറ്റ്” എന്ന് വിളിച്ചത് മാനെയുടെ പ്രതികരണത്തിന് കാരണമായി.
സംഭവത്തിൽ സാനെ ഖേദം പ്രകടിപ്പിച്ചതായി റിപ്പോർട്ടുണ്ട്. എന്നാൽ മാനെ ഇതുവരെ സഹതാരങ്ങളോട് മാപ്പ് പറഞ്ഞിട്ടില്ല.കളിക്കളത്തിൽ വെച്ച് പന്ത് പാസ് നൽകാത്തതുമായി ബന്ധപ്പെട്ടു രണ്ടു താരങ്ങളും തമ്മിൽ ഉരസലുകൾ ഉണ്ടായിരുന്നു. ഇതിനെപ്പറ്റി മാനെ ഡ്രസിങ് റൂമിൽ പരാതി പറയുന്നതിന്റെ ഇടയിലാണ് സാനെയുടെ മുഖത്തടിച്ചത്. സംഭവത്തിന് പിന്നാലെ മാനെയെ ബയേൺ മ്യൂണിക്ക് സസ്‌പെൻഡ് ചെയ്‌തിരുന്നു. താരത്തിന്റെ കരാർ ഒഴിവാക്കാനുള്ള സാധ്യതയുണ്ടെന്ന് നേരത്തെ റിപ്പോർട്ടുകൾ ഉണ്ടായിരുന്നെങ്കിലും അത് സംഭവിച്ചേക്കില്ല.
ലിവർപൂളിൽ നിന്നും ബവേറിയൻസിന് വേണ്ടി 31 മത്സരങ്ങളിൽ നിന്ന് 11 ഗോളുകളും അഞ്ച് അസിസ്റ്റുകളും മാനെ നേടിയിട്ടുണ്ട്. ഇത്തിഹാദിൽ മാഞ്ചസ്റ്റർ സിറ്റിക്കെതിരെ പകരക്കാരനായാണ് അദ്ദേഹം വന്നത്.”1899 ഹോഫെൻഹെയിമിനെതിരായ ഈ ശനിയാഴ്ചത്തെ ഹോം മത്സരത്തിനുള്ള എഫ്‌സി ബയേൺ ടീമിൽ 31 കാരനായ സാഡിയോ മാനെ ഉൾപ്പെടുത്തില്ല. മാഞ്ചസ്റ്റർ സിറ്റിയിൽ ബയേണിന്റെ ചാമ്പ്യൻസ് ലീഗ് മത്സരത്തിന് ശേഷമുള്ള മോശം പെരുമാറ്റമാണ് ഇതിന് കാരണം. മാനെയ്ക്കും പിഴ നൽകും”. വിവാദമായ ഡ്രസ്സിംഗ് റൂം തർക്കത്തെ തുടർന്ന് ബയേൺ മ്യൂണിക്ക് സാദിയോ മാനെയെ കുറിച്ച് പ്രസ്താവന ഇറക്കി.
According to Mane’s cousin, Leroy Sané called Sadio Mané “Black s**t”, which made the Senegalese react with anger. Sané regretted what he said after the clash. Mané apologized to his teammates for the incident. His future at Bayern is NOT in jeopardy. [@taggatsn] pic.twitter.com/auQjRU0ODG
— Football Talk (@FootballTalkHQ) April 13, 2023
ബുണ്ടസ്‌ലിഗ ലീഡർമാരായ ബയേൺ അടുത്തതായി 14-ാം സ്ഥാനക്കാരനായ ഹോഫെൻഹെയിമുമായി കളിക്കും. ഏപ്രിൽ 19-ന് അലയൻസ് അരീനയിൽ നടക്കുന്ന യുവേഫ ചാമ്പ്യൻസ് ലീഗ് ക്വാർട്ടർ ഫൈനലിന്റെ രണ്ടാം പാദത്തിൽ അവർ മാഞ്ചസ്റ്റർ സിറ്റിയെ നേരിടും.ആ നിർണായക ഗെയിമിൽ മാനെയുടെ പങ്കാളിത്തത്തെക്കുറിച്ച് ഇതുവരെ റിപ്പോർട്ടുകളൊന്നും വന്നിട്ടില്ല.