ഹാലൻഡ് യുവേഫ അവാർഡ് നേടിയിട്ടും ബാലൺ ഡി ഓറിൽ മെസ്സിക്ക് ഇപ്പോഴും മുൻ‌തൂക്കം വരുന്നതെന്ത്കൊണ്ട് ? |Lionel Messi

യുവേഫയുടെ മികച്ച പുരുഷ താരത്തിനുള്ള പുരസ്‌കാരം സ്വതമാക്കിയത് മാഞ്ചസ്റ്റർ സിറ്റിയുടെ യുവ നോർവീജിയൻ സ്‌ട്രൈക്കർ എർലിംഗ് ഹാലൻഡ് ആണ്.2023/2024 സീസണിലെ ചാമ്പ്യൻസ് ലീഗ് ഗ്രൂപ്പ് ഘട്ട നറുക്കെടുപ്പിൽ മൊണാക്കോയിലെ ഗ്രിമാൽഡി ഫോറത്തിൽ നടന്ന ഗംഭീരമായ ചടങ്ങിലാണ് മാഞ്ചസ്റ്റർ സിറ്റി താരം അവാർഡ് നേടിയത്.

ഇംഗ്ലീഷ് പ്രീമിയർ ലീഗിൽ കഴിഞ്ഞ ആഴ്‌ച PFA മെൻസ് പ്ലെയർ ഓഫ് ദ ഇയർ നേടിയതിന് ശേഷം തുടർച്ചയായ ആഴ്‌ചകളിൽ അദ്ദേഹം നേടുന്ന രണ്ടാമത്തെ വ്യക്തിഗത അവാർഡാണിത്. മാഞ്ചസ്റ്റർ സിറ്റിയെ ചരിത്രപരമായ ഡ്രെബിൽ നേടാൻ സഹായിച്ച താരം ഗോളുകൾ അടിച്ചുകൂട്ടി നിരവധി റെക്കോർഡുകൾ തകർക്കുകയും ചെയ്തു.നോർവീജിയൻ ഇതിലും വലിയ ലക്ഷ്യത്തിലേക്ക് കണ്ണുവെച്ചിരിക്കുകയാണ്.

അടുത്ത മാസം അവസാനം വരുന്ന ബാലൺ ഡി ഓർ പുരസ്‌കാരം 23-ാം വയസ്സിൽ തന്റെ ആദ്യ വിജയം നേടാനുള്ള അവസരം നൽകും.കഴിഞ്ഞ വർഷാവസാനം അർജന്റീനക്ക് വേൾഡ് കപ്പ് നേടിക്കൊടുത്ത ലയണൽ മെസ്സിയാവും ഹാലാൻഡിന്റെ മുഖ്യ എതിരാളി.ലോകത്തിലെ ഏറ്റവും കഠിനമായ ലീഗിൽ തന്റെ കന്നി സീസണിൽ ട്രെബിൾ നേടിയ ഒരാളൂ വേൾഡ് കപ്പ് ജേതാവും തമ്മിലാവും മത്സരം. എന്നാൽ നിലവിലെ സാഹചര്യത്തിൽ ഹാലാൻഡിനെക്കാൾ മെസ്സിക്ക് ഇപ്പോഴും മുൻതൂക്കമുണ്ടെന്ന് കരുതുന്നു.

സമീപ വർഷങ്ങളിൽ (2011 മുതൽ), ബാലൺ ഡി ഓറും യുവേഫ അവാർഡുകളും നാല് വ്യത്യസ്ത അവസരങ്ങളിൽ വ്യത്യസ്ത കളിക്കാർക്ക് നൽകി.2011 ൽ മെസ്സി ബാലൺ ഡി ഓർ നേടിയപ്പോൾ അത് സംഭവിച്ചു, അദ്ദേഹത്തിന്റെ ബാഴ്‌സലോണ സഹതാരം ആന്ദ്രെ ഇനിയേസ്റ്റ യുവേഫ അവാർഡ് സ്വന്തമാക്കി. ഫ്രാങ്ക് റിബറിക്ക് യുവേഫ അവാർഡ് കിട്ടിയപ്പോൾ ക്രിസ്റ്റ്യാനോ റൊണാൾഡോ 2013-ലെ ബാലൺ ഡിയർ നേടി.2019, 2021 വർഷങ്ങളിൽ യഥാക്രമം യുവേഫയുടെ മികച്ച കളിക്കാരായ വിർജിൽ വാൻ ഡിക്ക്, ജോർഗിഞ്ഞോ എന്നിവരെ മറികടന്ന് മെസ്സി ബാലൺ ഡി ഓർ നേടി.

ബാലൺ ഡി ഓർ വോട്ടിൽ എന്ത് സംഭവിക്കും എന്നതിന്റെ മുൻകരുതലായി യുവേഫ അവാർഡ് സാധാരണയായി പ്രവർത്തിക്കണമെന്നില്ല.മെസ്സി തന്റെ കരിയറിൽ മൂന്ന് തവണ യുവേഫയുടെ മികച്ച പുരുഷ താരത്തെ മറികടന്ന് ബാലൺ ഡി ഓർ നേടിയിട്ടുണ്ട്.