ട്രെബിൾ നേടിയിട്ടും എന്തുകൊണ്ടാണ് ബാലൺ ഡി ഓർ 2023 ൽ ഏർലിങ് ഹാലണ്ടിന് ലയണൽ മെസ്സിയെ മറികടക്കാൻ സാധിക്കാത്തത് ?

ജൂൺ 10 ന് നടന്ന യുവേഫ ചാമ്പ്യൻസ് ലീഗ് ഫൈനലിന് ശേഷം യൂറോപ്യൻ ഫുട്ബോൾ സീസണിന് സമാപനമായിരിക്കുകയാണ്. എന്നാൽ യൂറോപ്യൻ സീസണിന്റെ സമാപനത്തിന് ശേഷം 2023 ബാലൺ ഡി ഓർ ചർച്ച സജീവമായിരിക്കുകയാണ്.ഇന്റർ മിലാനെതിരായ മാഞ്ചസ്റ്റർ സിറ്റിയുടെ വിജയത്തോടെ സീസണിന് അവസാനമായത്.

കഴിഞ്ഞ വർഷം ഡിസംബറിൽ അർജന്റീനയെ ലോകകപ്പ് വിജയത്തിലേക്ക് നയിച്ചതിന് ശേഷം ലയണൽ മെസ്സി റെക്കോർഡ് വിപുലീകരിക്കുന്ന എട്ടാം പുരസ്‌കാരം നേടുമെന്ന് പലരും കരുതുന്നു. എന്നാൽ ചരിത്രപരമായ ട്രിബിൾ പൂർത്തിയാക്കിയ മാഞ്ചസ്റ്റർ സിറ്റിയുടെ സ്‌ട്രൈക്കർ എർലിംഗ് ഹാലൻഡിൽ നിന്ന് മെസിക്ക് ശക്തമായ മത്സരം നേരിടേണ്ടി വന്നേക്കാം. എന്നാൽ പല കാര്യങ്ങളും പരിശോധിക്കുമ്പോഴും മെസ്സിക്ക് ഇപ്പോഴും 22-കാരനെക്കാൾ മുൻ തൂക്കമുണ്ട് .

ലോക ഫുട്ബോളിലെ ഏറ്റവും പ്രധാനപ്പെട്ട ട്രോഫിയാണ് ലോകകപ്പ് ട്രോഫി എന്നത് നിസ്സംശയം പറയാം. നിരവധി വർഷത്തെ നിരാശക്ക് ശേഷം മെസ്സി തന്റെ അഞ്ചാം ശ്രമത്തിൽ അത് നേടി, അതേസമയം ഹാലൻഡിന്റെ നോർവേ ഖത്തർ ഷോപീസിലേക്ക് യോഗ്യത നേടുക പോലും ചെയ്തില്ല.35-കാരൻ ലോകകപ്പ് നേടുക മാത്രമല്ല, ലാ ആൽബിസെലെസ്റ്റെയുടെ വിജയത്തിൽ സജീവമായി സംഭാവന ചെയ്യുകയും ചെയ്തു. മെസിയെ ടൂർണമെന്റിലെ മികച്ച കളിക്കാരനായി തിരഞ്ഞെടുക്കപ്പെട്ടു.പിഎസ്ജി ചാമ്പ്യൻസ് ലീഗിൽ നിന്ന് വളരെ പ്രാരംഭ ഘട്ടത്തിൽ തന്നെ പുറത്തായേക്കാം പക്ഷെ വ്യക്തിഗത തലത്തിൽ മെസ്സിക്ക് മികച്ച സീസൺ ആയിരുന്നു.

38 ഗോളുകൾ നേടുന്നതിനും എല്ലാ മത്സരങ്ങളിലും 25 അസിസ്റ്റുകൾ നൽകുകയും ചെയ്തു. ഹാലാൻഡിന്റെ ഗോൾ സ്കോറിങ്ങുമായി താരതമ്യപ്പെടുത്തുമ്പോൾ മെസിയ്ട്ട് കണക്കുകൾ ചെറുതാണെങ്കിലും ഈ പ്രായത്തിൽ മെസ്സിക്ക് തന്റേതായ ഒരു മികച്ച സീസൺ ഉണ്ടായിരുന്നു എന്നത് നിഷേധിക്കാനാവില്ല.മാഞ്ചസ്റ്റർ സിറ്റിയുടെ ചാമ്പ്യൻസ് ലീഗ് കാമ്പെയ്‌നിന്റെ അവസാന ഘട്ടങ്ങളിൽ സ്‌ട്രൈക്കർ തിളങ്ങിയിരുന്നെങ്കിൽ പെൻഡുലം ഹാലൻഡിന്റെ ഭാഗത്തേക്ക് മാറുമായിരുന്നു.മുൻ ബൊറൂസിയ ഡോർട്ട്മുണ്ട് സ്‌ട്രൈക്കർ ക്വാർട്ടർ ഫൈനൽ ഘട്ടത്തിലും എഫ്എ കപ്പ് ഫൈനലിലും മികവ് പുലർത്താൻ സാധിച്ചില്ല.ചാമ്പ്യൻസ് ലീഗ് പ്ലെയർ ഓഫ് ദി സീസൺ അവാർഡും നോർവീജിയൻ താരത്തെ തോൽപ്പിച്ച് സഹതാരം റോഡ്രി നേടി.

ഈ സീസണിലെ ഹാലൻഡിന്റെ 52 ഗോളുകൾ അദ്ദേഹത്തിന്റെ പൊസിഷനിംഗിന്റെയും ക്ലിനിക്കൽ ഫിനിഷിങ്ങിന്റെയും ഫലമാണ്.പക്ഷേ താരത്തിന്റെ വിജയത്തിൽ അദ്ദേഹത്തിന്റെ ടീമംഗങ്ങൾ ഒരു പ്രധാന പങ്ക് വഹിച്ചു – പ്രത്യേകിച്ച് കെവിൻ ഡി ബ്രൂയിൻ.മെസ്സിയാകട്ടെ അക്ഷരാർത്ഥത്തിൽ അർജന്റീനയുടെ എല്ലമായിരുന്നു.

ലോകകപ്പിലെ എല്ലാ എല്ലാ നോക്കൗട്ട് ഗെയിമുകളിലും സ്കോർ ചെയ്ത മെസ്സി സൗദി അറേബ്യയോടുള്ള അവരുടെ ആദ്യ ദിനത്തിലെ ഞെട്ടിക്കുന്ന തോൽവിക്ക് ശേഷം മെക്സിക്കോയെ മറികടക്കുന്നതിൽ നിർണായക പങ്കുവഹിച്ചു.ഈ സീസണിൽ ഹാലാൻഡിന്റെ പ്രകടനങ്ങൾക്ക് തീർച്ചയായും ഒരു ബാലൺ ഡി ഓർ അവാർഡ് ലഭിക്കണം എന്നാൽ സീസണിന്റെ മധ്യത്തിൽ നടന്ന വേൾഡ് കപ്പിലെ മെസിയുടെ പ്രകടനങ്ങൾ സാധ്യതകളെ സങ്കീർണ്ണമാക്കും.