പരാഗ്വേക്കെതിരായ അർജന്റീനയുടെ ലോകകപ്പ് യോഗ്യതാ മത്സരത്തിൽ ലയണൽ മെസ്സി കളിക്കുമോ? |Lionel Messi

കഴിഞ്ഞ മാസം അർജന്റീനയുടെ ലോകകപ്പ് യോഗ്യത മത്സരത്തിനിടെ ലയണൽ മെസ്സിക്ക് പരിക്കേറ്റിരുന്നു.ബൊളീവിയക്കെതിരായ അവരുടെ രണ്ടാമത്തെ മത്സരത്തിൽ പങ്കെടുക്കാൻ അദ്ദേഹത്തിന് കഴിഞ്ഞില്ല. ഇന്റർ മിയാമിയിൽ തിരിച്ചെത്തിയതിന് ശേഷം സിൻസിനാറ്റിക്കെതിരായ മിയാമിയുടെ മത്സരം വരെ അവരുടെ എല്ലാ മത്സരങ്ങളിലും ലയണൽ മെസ്സി വിട്ടുനിന്നു.

മെസ്സി പ്രത്യക്ഷപ്പെട്ട രണ്ട് മത്സരങ്ങളിൽ പോലും പകരക്കാരനായിട്ടായിരുന്നു. പരിക്കിന്റെ ഇടയിലും അർജന്റീന കോച്ച് മെസ്സിയെ അവരുടെ വരാനിരിക്കുന്ന മത്സരങ്ങൾക്കായി തിരഞ്ഞെടുത്തിരുന്നു.മിയാമിയുടെ അവസാന മത്സരത്തിൽ മെസ്സി കളിച്ചതിനാൽ മെസ്സി അര്ജന്റീനക്കായി കളിക്കാനുള്ള സാധ്യത കൂടുതലാണ്.ജൂലൈ അവസാനത്തോടെ ലയണൽ മെസ്സി ഇന്റർ മിയാമിയിൽ ചേർന്നതിനു ശേഷം സെപ്റ്റംബർ ആദ്യം വരെ 3-4 ദിവസത്തെ ഇടവേളയിൽ ഓരോ മത്സരം കളിച്ചു.ലീഗ്സ് കപ്പ് നേടി തങ്ങളുടെ ആദ്യ ട്രോഫി നേടാനും ടീമിനെ സഹായിച്ചു.കഴിഞ്ഞ മാസം അർജന്റീനയുടെ മത്സരങ്ങളിൽ മെസ്സി ടീമിനൊപ്പം യാത്ര ചെയ്യുകയും ഇക്വഡോറിനെതിരായ അവരുടെ ആദ്യ മത്സരത്തിൽ കളിക്കുകയും ചെയ്തു.

എന്നിരുന്നാലും, ബൊളീവിയക്കെതിരായ അവരുടെ രണ്ടാം മത്സരത്തിൽ കളിക്കാൻ അദ്ദേഹത്തിന് കഴിഞ്ഞില്ല.പരിക്കേറ്റ മെസ്സി അമേരിക്കയിൽ തിരിച്ചെത്തി. ഇന്റർ മിയാമിയിൽ തിരിച്ചെത്തിയ ശേഷം, പകരക്കാരനായി ഇറങ്ങിയ മെസ്സി ടൊറന്റോ എഫ്‌സിക്കെതിരായ അവരുടെ 4-0 വിജയത്തിൽ 37 മിനിറ്റ് കളിച്ചു. മെസ്സിയുടെ പരിക്കിന്റെ വ്യാപ്തി സംബന്ധിച്ച് ഒരു അപ്‌ഡേറ്റും കൂടാതെ, അർജന്റീന കോച്ച് ലയണൽ സ്‌കലോനി അദ്ദേഹത്തെ ടീമിൽ ഉൾപ്പെടുത്തി. ഇന്നലെ സിൻസിനാറ്റിക്കെതിരായ അവരുടെ അവസാന മത്സരം വരെ മെസ്സിക്ക് ഏകദേശം 5 മത്സരങ്ങൾ നഷ്ടമായി. ഈ മത്സരത്തിലും മെസ്സി 35 മിനിറ്റ് കളിച്ചെങ്കിലും വിജയിക്കാൻ അവരെ സഹായിക്കാനായില്ല.

ഈ തോൽവി MLS പ്ലേ ഓഫിലേക്ക് യോഗ്യത നേടുന്നതിൽ മിയാമി പരാജയപ്പെട്ടു.ഒക്‌ടോബർ 14ന് സ്വന്തം തട്ടകത്തിൽ പരാഗ്വേയ്‌ക്കെതിരെയും ഒക്ടോബർ 18ന് പെറുവിനെതിരെയുമാണ് അവരുടെ ആദ്യ മത്സരം.ആദ്യ ഇലവനിൽ മെസ്സിയെ അവതരിപ്പിക്കുമെന്ന് സ്കലോനി പ്രതീക്ഷിക്കുന്നു. എന്നിരുന്നാലും, മെസ്സിക്ക് ഒരു മുഴുവൻ മത്സരം കളിക്കാനാകുമോ എന്ന കാര്യത്തിൽ ഇപ്പോഴും ഉറപ്പില്ല.

ഗോൾകീപ്പർമാർ: ഫ്രാങ്കോ അർമാനി, ജുവാൻ മുസ്സോ, എമിലിയാനോ മാർട്ടിനെസ്, വാൾട്ടർ ബെനിറ്റസ്

ഡിഫൻഡർമാർ: ജർമൻ പെസെല്ല, ഗോൺസാലോ മോണ്ടിയേൽ, നിക്കോളാസ് ഒട്ടാമെൻഡി, ലൂക്കാസ് എസ്‌ക്വിവൽ, നിക്കോളാസ് ടാഗ്ലിയാഫിക്കോ, മാർക്കോസ് സെൻസെയ്, നഹുവൽ മൊലിന, ക്രിസ്റ്റ്യൻ റൊമേറോ, ജുവാൻ ഫോയ്ത്ത്, ലിസാൻഡ്രോ മാർട്ടിനെസ്, ഫാകുണ്ടോ മദീന

മിഡ്ഫീൽഡർമാർ: എക്‌സിക്വൽ പലാസിയോസ്, ലിയാൻഡ്രോ പരേഡെസ്, തിയാഗോ അൽമാഡ, ഏയ്ഞ്ചൽ ഡി മരിയ, ഫാകുണ്ടോ ബ്യൂണനോട്ടെ, ബ്രൂണോ സപെല്ലി, റോഡ്രിഗോ ഡി പോൾ, ഗൈഡോ റോഡ്രിഗസ്, എൻസോ ഫെർണാണ്ടസ്, അലക്സിസ് മാക് അലിസ്റ്റർ

മുന്നേറ്റനിര : ലയണൽ മെസ്സി, അലൻ വെലാസ്കോ, നിക്കോളാസ് ഗോൺസാലസ്, ജൂലിയൻ അൽവാരസ്, അലജാൻഡ്രോ ഗാർനാച്ചോ, ലൂക്കാസ് ബെൽട്രാൻ, ഏഞ്ചൽ കൊറിയ, ലൗടാരോ മാർട്ടിനെസ്