ബ്രസീലിനെ തകർക്കാൻ കിടിലൻ ടീമുമായി അർജന്റീന |Argentina

ഉറുഗ്വേയ്ക്കും ബ്രസീലിനുമെതിരായ ലോകകപ്പ് യോഗ്യതാ മത്സരങ്ങൾക്കുള്ള അര്ജന്റീന ടീമിനെ പ്രഖ്യാപിച്ചു. മല്ലോർക്കയുടെ സ്പാനിഷ് ഡിഫൻഡർ പാബ്ലോ മാഫിയോയെ പരിശീലകൻ ലയണൽ സ്കെലോണി ടീമിലെടുത്തിട്ടുണ്ട്. അർജന്റീനിയൻ അമ്മയിൽ ജനിച്ച 26 കാരനായ മാഫിയോയും ഒളിമ്പിയാക്കോസ് ലെഫ്റ്റ് ബാക്ക് ഫ്രാൻസിസ്കോ ഒർട്ടേഗയും ആദ്യമായി അര്ജന്റീന ടീമിൽ ഇടം പിടിക്കും.

24 കാരനായ ഒർട്ടെഗ ലെഫ്റ്റ് ബാക്ക് പൊസിഷനിലാണ് കളിക്കുന്നത്.ഈ വർഷമാദ്യം വെലെസിൽ നിന്നാണ് അർജന്റീനൻ താരം ഒളിംപിയാക്കോസിൽ ചേർന്നത്.അണ്ടർ 20 ലോകകപ്പ് ടീമിന്റെയും അവസാന ഒളിമ്പിക് ടീമിന്റെയും ഭാഗമായിരുന്നു താരം .മാഞ്ചസ്റ്റർ യുണൈറ്റഡിന്റെ അലജാൻഡ്രോ ഗാർനാച്ചോയെ ടീമിൽ ഉൾപ്പെടുത്തിയില്ല.ക്യാപ്റ്റനും എട്ട് തവണ ബാലൺ ഡി ഓർ ജേതാവുമായ ലയണൽ മെസ്സി നയിക്കുന്ന ടീമിൽ കഴിഞ്ഞ മാസത്തെ യോഗ്യതാ മത്സരങ്ങൾ പരിക്ക് മൂലം നഷ്ടപ്പെട്ടതിന് ശേഷം ബെൻഫിക്ക ഫോർവേഡ് എയ്ഞ്ചൽ ഡി മരിയയും ടീമിലെത്തി.ലോകകപ്പ് യോഗ്യതാ റൗണ്ട് മത്സരങ്ങൾക്കായി 28 അംഗ ടീമിനെയാണ്ലയണൽ സ്കെലോണി തെരഞ്ഞെടുത്തത്.

പോളോ ഡിബാലയും ജിയോവാനി ലോ സെൽസോയും ഏഞ്ചൽ ഡി മരിയയും ടീമിലേക്ക് മടങ്ങിയെത്തിയിരിക്കുകയാണ്. ലോക ചാമ്പ്യന്മാർ തങ്ങളുടെ രണ്ട് ലോകകപ്പ് യോഗ്യതാ മത്സരങ്ങളിൽ ആദ്യത്തേത് നവംബർ 16 ന് ഉറുഗ്വായ്ക്കെതിരെയും രണ്ടാം മത്സരം നവംബർ 21 ന് ബ്രസീലിനെതിരെയും കളിക്കും.നാല് മത്സരങ്ങളിൽ നിന്ന് 12 പോയിന്റുമായി അർജന്റീന ദക്ഷിണ അമേരിക്കൻ യോഗ്യതാ റൗണ്ടിൽ ഒന്നാമതാണ്.ഏഴു പോയിന്റുള്ള ഉറുഗ്വേ രണ്ടാമതാണ്.

ഗോൾകീപ്പർമാർ:എമിലിയാനോ മാർട്ടിനെസ് (ആസ്റ്റൺ വില്ല)ഫ്രാങ്കോ അർമാനി (റിവർ പ്ലേറ്റ്)ജുവാൻ മുസ്സോ (അറ്റലാന്റ)വാൾട്ടർ ബെനിറ്റസ് (PSV)

ഡിഫൻഡർമാർ:ഗോൺസാലോ മോണ്ടിയേൽ (നോട്ടിംഗ്ഹാം ഫോറസ്റ്റ്) പാബ്ലോ മാഫിയോ (ആർസിഡി മല്ലോർക്ക)നഹുവൽ മോളിന (അത്‌ലറ്റിക്കോ മാഡ്രിഡ്)ജർമൻ പെസെല്ല (റിയൽ ബെറ്റിസ്)ക്രിസ്റ്റ്യൻ റൊമേറോ (ടോട്ടനം ഹോട്‌സ്‌പർ)ലൂക്കാസ് മാർട്ടിനെസ് ക്വാർട്ട (ഫിയോറന്റീന)നിക്കോളാസ് ഒട്ടമെൻഡി (ബെൻഫിക്ക)മാർക്കോസ് അക്യൂന (സെവില്ല)ഫ്രാൻസിസ്‌കോ ഒർട്ടേഗ (ഒളിംപിയാക്കോസ്)നിക്കോളാസ് ടാഗ്ലിയാഫിക്കോ (ലിയോൺ)

മിഡ്ഫീൽഡർമാർ:ലിയാൻഡ്രോ പരേഡെസ് (എഎസ് റോമ) ഗൈഡോ റോഡ്രിഗസ് (റിയൽ ബെറ്റിസ്)എൻസോ ഫെർണാണ്ടസ് (ചെൽസി) റോഡ്രിഗോ ഡി പോൾ (അത്‌ലറ്റിക്കോ മാഡ്രിഡ്) എക്‌സിക്വിയൽ പാലാസിയോസ് (ബേയർ ലെവർകുസെൻ) ജിയോവാനി ലോ സെൽസോ (ടോട്ടനം ഹോട്‌സ്‌പർ)അലക്സിസ് മാക് അലിസ്റ്റർ (ലിവർപൂൾ)

ഫോർവേഡുകൾ:പൗലോ ഡിബാല (എഎസ് റോമ) ഏഞ്ചൽ ഡി മരിയ (ബെൻഫിക്ക)ലയണൽ മെസ്സി (ഇന്റർ മിയാമി) ജൂലിയൻ അൽവാരസ് (മാഞ്ചസ്റ്റർ സിറ്റി) ലൗട്ടാരോ മാർട്ടിനെസ് (ഇന്റർ) നിക്കോളാസ് ഗോൺസാലസ് (ഫിയോറന്റീന) ലൂക്കാസ് ഒകാമ്പോസ് (സെവില്ല)