❝ഇരുപത്തിയൊന്നാം നൂറ്റാണ്ടിൽ ഏറ്റവും കൂടുതൽ പെനാൽറ്റികൾ പാഴാക്കിയ 5 കളിക്കാർ❞

ഫുട്ബോൾ മത്സരത്തിൽ സ്‌കോർഷീറ്റിലെത്താനുള്ള എളുപ്പവഴി പെനാൽറ്റിയാണെന്ന് തോന്നുന്നു. 12 വാര അകലെ നിന്ന് കീപ്പറെ മാത്രം കീഴ്പെടുത്തി പെനാൽറ്റിയിലൂടെ ഗോൾ നേടാൻ സാധിക്കും.എന്നിരുന്നാലും, പ്രതീക്ഷകളുടെ ഭാരവും ഗോൾകീപ്പർമാരുടെ മിടുക്കും കണക്കിലെടുക്കുമ്പോൾ പല പെനാൽറ്റികളും ദുരന്തമായി മാറും. ലോകത്തിലെ മികച്ച താരങ്ങൾ വരെ പെനാൽറ്റി സ്പോട്ടിൽ പിഴവുകൾ വരുത്തിയിട്ടുണ്ട് .ഈ നൂറ്റാണ്ടിൽ ഏറ്റവും കൂടുതൽ പെനാൽറ്റികൾ പാഴാക്കിയ മികച്ച അഞ്ച് കളിക്കാർ ആരാണെന്നു പരിശോധിക്കാം.

5 .അന്റോണിയോ ഡി നതാലെ – 14 പെനാൽറ്റികൾ :- ഇറ്റലിയിലെ ഏറ്റവും മികച്ച ഗോൾ സ്‌കോററുടെ കൂട്ടത്തിലാണ് ഉഡിനീസ് ഇതിഹാസം അന്റോണിയോ ഡി നതാലെയുടെ സ്ഥാനം.തന്റെ തലമുറയിലെ ഒട്ടുമിക്ക സ്‌ട്രൈക്കർമാരിൽ നിന്നും വ്യത്യസ്തമായി, കൗമാരപ്രായത്തിൽ ഡി നതാലെ പ്രധാനവാർത്തകളിൽ ഇടം നേടിയില്ല. 30 വയസ്സ് തികഞ്ഞതിന് ശേഷം മാത്രം പ്രസസ്തിലേക്കുയർന്ന താരമാണ്.ഡി നതാലെ ഇറ്റാലിയൻ ടോപ് ഫ്ലൈറ്റിൽ ഉഡിനീസിനായി 191 ഗോളുകൾ നേടി, ക്ലബ്ബിന്റെ റെക്കോർഡ് ഗോൾ സ്‌കോററായി. സീരി എയുടെ ചരിത്രത്തിൽ ഏറ്റവും കൂടുതൽ ഗോൾ നേടുന്ന ആറാമത്തെ താരം കൂടിയാണ് ഡി നതാലെ.മുൻ ഇറ്റലി ഇന്റർനാഷണൽ തന്റെ കരിയറിൽ 55 പെനാൽറ്റികൾ എടുത്തു, 41 ഗോളുകൾ നേടി, 14 എണ്ണം നഷ്ടമായി. 2016 അദ്ദേഹം ഫുട്ബോളിൽ നിന്ന് വിരമിച്ചു.

4 .സ്ലാറ്റൻ ഇബ്രാഹിമോവിച്ച് – 17 പെനാൽറ്റികൾ :- യൂറോപ്പിലെ പല മുൻനിര ക്ലബ്ബുകളിലും ഗോളടിച്ചു കൂട്ടിയ സ്വീഡിഷ് ഷാർപ്പ് ഷൂട്ടർ 40 കാരൻ ഇപ്പോഴും ഗോളുകൾ അടിച്ചു കൂട്ടുകയാണ്.ഈ സീസണിൽ ഇതുവരെ 23 തവണ മിലാന് വേണ്ടി കളിച്ച സ്വീഡൻ താരം 8 ഗോളുകൾ നേടിയിട്ടുണ്ട്.തന്റെ കരിയറിൽ, അദ്ദേഹം 101 പെനാൽറ്റികൾ എടുത്തിട്ടുണ്ട്, അതിൽ 84 എണ്ണം ഗോളാക്കിയപ്പോൾ 17 എണ്ണം നഷ്ടപ്പെടുത്തി.

3 .ഫ്രാൻസെസ്കോ ടോട്ടി – 18 പെനാൽറ്റികൾ :- AS റോമ ഇതിഹാസം ഫ്രാൻസെസ്‌കോ ടോട്ടി 21-ാം നൂറ്റാണ്ടിലെ വ്യത്യസ്തനായ കളിക്കാരനാണ്. കരിയറിലുടനീളം ഒരു ക്ലബിന് വേണ്ടി കളിച്ച താരമാണ്.യൽ മാഡ്രിഡ്ഉൾപ്പെടെ യൂറോപ്പിലെ ഏറ്റവും പ്രശസ്തമായ ക്ലബ്ബുകളിൽ നിന്ന് ഒന്നിലധികം ഓഫറുകൾ ലഭിച്ചിട്ടും അദ്ദേഹം റോമ വിടാൻ തയ്യാറായില്ല.20 വർഷത്തിലേറെയായി, എഎസ് റോമയുടെ ടീം ഷീറ്റിലെ ആദ്യ പേരുകളിൽ ഒരാളായിരുന്നു അദ്ദേഹം. സ്വാഭാവികമായും ഒരു രണ്ടാം സ്‌ട്രൈക്കറായ ടോട്ടി റോമയ്ക്കായി 618 സീരി എ മത്സരങ്ങൾ കളിച്ച അദ്ദേഹം 250 ഗോളുകൾ നേടി.ഇരുപത്തിയൊന്നാം നൂറ്റാണ്ടിൽ അദ്ദേഹം 95 പെനാൽറ്റികൾ എടുത്തു, അതിൽ 77 എണ്ണം ഗോളാക്കി മാറ്റി.

2 .ക്രിസ്റ്റ്യാനോ റൊണാൾഡോ – 29 പെനാൽറ്റികൾ :- മാഞ്ചസ്റ്റർ യുണൈറ്റഡ് ഫോർവേഡ് ക്രിസ്റ്റ്യാനോ റൊണാൾഡോ 2003-ൽ സ്പോർട്ടിംഗ് ലിസ്ബണിനായി തന്റെ ആദ്യ ടീമിൽ അരങ്ങേറ്റം കുറിച്ചത് മുതൽ ഒരു പ്രതിഭാസമാണ്. പോകുന്നിടത്തെല്ലാം ഗോളുകൾ നേടുകയും പുതിയ നാഴികക്കല്ലുകളിൽ എത്തുകയും ചെയ്തു.ലാലിഗ വമ്പൻമാരായ റയൽ മാഡ്രിഡിനൊപ്പമുള്ള സമയത്താണ് ക്രിസ്റ്റ്യാനോ റൊണാൾഡോയുടെ ഏറ്റവും മികച്ച ഗോൾ സ്‌കോറിംഗ് സ്പെൽ. 2009 നും 2018 നും ഇടയിൽ, പോർച്ചുഗൽ നായകൻ ക്ലബ്ബിനായി 451 ഗോളുകൾ നേടി, മറ്റ് ബഹുമതികൾക്കൊപ്പം രണ്ട് ലാ ലിഗ കിരീടങ്ങളും നാല് ചാമ്പ്യൻസ് ലീഗുകളും നേടാൻ അവരെ സഹായിച്ചു.റയൽ മാഡ്രിഡിന്റെ വിഖ്യാതമായ വെള്ള ജേഴ്‌സി അണിഞ്ഞപ്പോൾ അദ്ദേഹം നാല് ബാലൺസ് ഡി ഓർ നേടി.ഈ തലമുറയിലെ മുൻനിര ഗോൾ സ്‌കോറർ തന്റെ ക്ലബ്ബുകൾക്കും രാജ്യത്തിനുമായി 172 പെനാൽറ്റികൾ എടുത്തിട്ടുണ്ട്, മൊത്തം 143 തവണ വല കുലുക്കിയിട്ടുണ്ട്.

1 .ലയണൽ മെസ്സി – 29 പെനാൽറ്റികൾ ;-പാരീസ് സെന്റ് ജെർമെയ്ൻ ഫോർവേഡ് ലയണൽ മെസ്സി ലോകം കണ്ട ഏറ്റവും മികച്ച കളിക്കാരനാണ്. അസാധാരണമായ ഒരു ഗോൾ സ്‌കോറർ, മികച്ച പ്ലെ മേക്കർ , ഫുട്‌ബോൾ പിച്ചിൽ എല്ലായ്‌പ്പോഴും മാതൃക കാണിക്കാൻ അദ്ദേഹത്തിന് കഴിഞ്ഞു.2021-ലെ വേനൽക്കാലത്ത് പിഎസ്ജിയിലേക്കുള്ള തന്റെ വളരെ വിവാദപരമായ നീക്കത്തിന് മുമ്പ്, മെസ്സി ബാഴ്സലോണയ്ക്ക് വേണ്ടി മാത്രമാണ് കളിച്ചിരുന്നത്. അർജന്റീനക്കാരൻ നീണ്ട 19 വർഷത്തോളം ക്ലബ്ബിൽ ഉണ്ടായിരുന്നു.മെസ്സി തന്റെ കരിയറിൽ 772 മത്സരങ്ങൾ ബാഴ്‌സലോണയ്ക്ക് വേണ്ടി കളിച്ചു, 672 ഗോളുകളും 301 അസിസ്റ്റുകളും നേടി ക്യാമ്പ് നൗവിൽ ആറ് ബാലൺസ് ഡി ഓർ നേടി.പിഎസ്ജിയിൽ അദ്ദേഹം തന്റെ ഏഴാമത്തെ ബാലൺ ഡി ഓർ നേടി.ഇതുവരെ 132 പെനാൽറ്റികൾ എടുത്ത മെസ്സി 103 തവണ സ്കോർ ചെയ്തിട്ടുണ്ട് .

Rate this post