“അഫ്‌കോണിൽ ഏഴ് മത്സരങ്ങൾ കളിച്ചിട്ടും ലിവർപൂൾ ജോഡികളായ സലായും മാനെയും മികച്ച നിലയിലുള്ളത് എന്തുകൊണ്ടാണെന്ന് വെളിപ്പെടുത്തി ക്ലോപ്പ്”
കാമറൂണിൽ നടന്ന ടൂർണമെന്റിൽ റെഡ്സ് ജോഡികളായ സലായും മാനെയും ഫൈനലിൽ കളിച്ചിരുന്നു. അതിനു ശേഷം അവർ പെട്ടെന്ന് തന്നെ തങ്ങളുടെ ക്ലബായ ലിവർപൂളിനോപ്പം ചേരുകയും ചെയ്തിരുന്നു.യുർഗൻ ക്ലോപ്പ് ലിവർപൂളിന്റെ മുഹമ്മദ് സലായെയും സാഡിയോ മാനെയെയും അവരുടെ അഫ്‌കോൺ ചാമ്പ്യൻഷിപ്പിലെ മികച്ച പ്രകടനത്തിന് ശേഷം പ്രശംസിക്കുകയും അവർ മദ്യം കഴിക്കാത്തതിനാൽ മികച്ച അവസ്ഥയിൽ തുടരുകയും ചെയ്തു എന്ന് അഭിപ്രായപ്പെടുകയും ചെയ്തു.
ആഫ്‌കോൺ ചാമ്പ്യൻഷിപ്പിന് ശേഷം പ്രീമിയർ ലീഗിൽ ഞായറാഴ്ച ബേൺലിയിലെ വിജയത്തിനായി റെഡ്സിന്റെ ആരംഭ ലൈനപ്പിൽ ഇരു താരങ്ങളും ഉണ്ടായിരുന്നു. ആഫ്രിക്കൻ ചാമ്പ്യൻഷിപ്പിൽ ഇരുവരും ഏഴ് കടുത്ത മത്സരങ്ങൾ കളിച്ചു, മാനെയുടെ സെനഗൽ ഫൈനലിൽ സലായുടെ ഈജിപ്തിനെ പെനാൽറ്റിയിൽ തോൽപിച്ചു കിരീടം സ്വന്തമാക്കുകയും ചെയ്തു.ബുധനാഴ്‌ച ഇന്ററിൽ നടക്കുന്ന ചാമ്പ്യൻസ് ലീഗ് ലാസ്റ്റ് 16-ലെ ആദ്യ പാദ മത്സരത്തിൽ ഇരുവരും ലിവർപൂളിനായി കളിക്കാൻ സാധ്യതയുണ്ട്, മദ്യം കഴിക്കാത്തതാണ് ഇരുവരെയും വളരെ പുതുമയോടെയും വേഗത്തിൽ മടങ്ങിവരാൻ പ്രാപ്‌തമാക്കിയ പ്രധാന ഘടകങ്ങളിലൊന്നെന്ന് ക്ലോപ്പ് പറയുന്നു.
“അവർ മദ്യപിക്കാറില്ല, അതിനാൽ കളിയുടെ പിറ്റേന്ന് തന്നെ അവർ ഫിറ്റായിരിക്കും . രണ്ടും പ്രകൃതിയുടെ ശക്തികളാണ് അവർ എന്നേക്കും അങ്ങനെ തന്നെ തുടരുമെന്ന് പ്രതീക്ഷിക്കുന്നു” ക്ളോപ്പ് പറഞ്ഞു.സലായും മാനെയും – ഒപ്പം സഹതാരം നബി കെയ്റ്റയും – മുസ്ലീങ്ങളാണ്, അത്കൊണ്ട് തെന്നെ അവർ തങ്ങളുടെ വിശ്വാസത്തിന്റെ ഭാഗമായി എല്ലായ്‌പ്പോഴും മദ്യപാനം ഒഴിവാക്കും.
2020-ൽ ലിവർപൂൾ പ്രീമിയർ ലീഗ് ചാമ്പ്യൻമാരായപ്പോൾ, ആൻഫീൽഡിലെ ട്രോഫി അവതരണ വേളയിൽ ഉപയോഗിച്ച ഷാംപെയ്ൻ അവരുടെ വിശ്വാസത്തോടുള്ള ബഹുമാനം നിമിത്തം ആൽക്കഹോളിക് അല്ലായിരുന്നു.“മോയും സാഡിയോയും കാരണം ട്രോഫി ലിഫ്റ്റിനൊപ്പം ഷാംപെയ്ൻ ആൽക്കഹോൾ അല്ലായിരുന്നു” ക്യാപ്റ്റൻ ജോർദാൻ ഹെൻഡേഴ്സൺ പറഞ്ഞു.