റൊണാൾഡോയുടെ പാരമ്പര്യത്തെയാണ് മെസ്സി മുറിവേൽപ്പിച്ചു കൊണ്ടിരിക്കുന്നത് : അലക്സി ലാലാസ്

കഴിഞ്ഞ സീസണിൽ മെസ്സിക്ക് ആരാധകരുടെ പ്രതീക്ഷക്കൊത്തുയരാൻ സാധിച്ചിരുന്നില്ല. വളരെ ബുദ്ധിമുട്ടേറിയ ഒരു സീസണായിരുന്നു മെസ്സിയെ സംബന്ധിച്ചിടത്തോളം കഴിഞ്ഞ സീസൺ. എന്നാൽ അതിനുള്ള പ്രായശ്ചിത്തം ഇപ്പോൾ പലിശ സഹിതം മെസ്സി നൽകുന്നുണ്ട്. ഗോളുകളും അസിസ്റ്റുകളുമായി മെസ്സി ഈ സീസണിൽ നിറഞ്ഞു കളിക്കുകയാണ്.

അതേസമയം ലയണൽ മെസ്സിയുടെ ചിരവൈരിയായ ക്രിസ്റ്റ്യാനോ റൊണാൾഡോ ഇപ്പോൾ മോശം അവസ്ഥയിലാണ്.ഈ സീസണിൽ കളിക്കാൻ അദ്ദേഹത്തിന്റെ വളരെ കുറഞ്ഞ അവസരങ്ങൾ മാത്രമാണ് ലഭിച്ചിട്ടുള്ളത്. യുണൈറ്റഡിനു വേണ്ടി ഒരു ഗോളും പോർച്ചുഗല്ലിന് വേണ്ടി ഒരു അസിസ്റ്റുമാണ് ഈ സീസണിൽ റൊണാൾഡോക്ക് നേടാൻ കഴിഞ്ഞിട്ടുള്ളത്.

ഇപ്പോൾ ഫോക്സ് സ്പോർട്സിന്റെ ഫുട്ബോൾ നിരീക്ഷകനായ അലക്സി ലാലാസ് ഒരു നിരീക്ഷണം പങ്കുവെച്ചിട്ടുണ്ട്.അതായത് ലയണൽ മെസ്സിയുടെ ഈ മികച്ച പ്രകടനത്തിലൂടെ അദ്ദേഹം റൊണാൾഡോയുടെ ലെഗസിയെയാണ് മുറിവേൽപ്പിച്ചു കൊണ്ടിരിക്കുന്നത് എന്നാണ് ഇദ്ദേഹം പറഞ്ഞിട്ടുള്ളത്. പുതിയ ഒരു പോഡ്കാസ്റ്റിൽ സംസാരിക്കുകയായിരുന്നു ഇദ്ദേഹം.

‘ നിലവിൽ മെസ്സി മികച്ച പ്രകടനം നടത്തുന്നതിലൂടെ റൊണാൾഡോയുടെ ലെഗസിക്കാണ് ഇപ്പോൾ മുറിവേറ്റു കൊണ്ടിരിക്കുന്നത്. എല്ലാവർക്കും അവരവരുടെ കരിയറിൽ ഒരു താഴ്ച്ച ഉണ്ടാവും. കളിക്കാനോ ഗോളുകൾ നേടാനോ കഴിയാത്ത ഒരു അവസ്ഥ അഭിമുഖീകരിക്കേണ്ടി വരും.പലരും ഉയരത്തിൽ നിന്നും താഴെ പതിക്കാറുണ്ട്.പക്ഷേ മെസ്സിക്ക് ഇതുവരെ അങ്ങനെ ഉണ്ടായിട്ടില്ല. അദ്ദേഹത്തിന് ഉണ്ടാകുമോ എന്നുള്ളത് കാത്തിരുന്ന് കാണേണ്ട കാര്യമാണ് ” അലക്സി പറഞ്ഞു.

കഴിഞ്ഞ സീസണിൽ മെസ്സി മോശമായി എന്ന് പറയുമ്പോഴും മെസ്സിയുടെ ലെവൽ വെച്ചു മാത്രമാണ് മെസ്സി മോശമായിട്ടുള്ളത്.മറ്റുള്ള താരങ്ങളെ വെച്ച് താരതമ്യം ചെയ്യുമ്പോൾ മെസ്സി കഴിഞ്ഞ സീസണിൽ മികച്ച പ്രകടനം തന്നെയാണ് നടത്തിയിട്ടുള്ളത്.