വീണുകിടന്ന താരത്തിന് മുകളിലൂടെ അസാമാന്യ ഡ്രിബ്ലിങ്, മെസ്സിയെ കാണാനെത്തിയ വിൽ സ്മിത്തിന്റെ സന്തോഷം കണ്ടോ.. | Lionel Messi

ലോക ഫുട്ബോളിലെ സൂപ്പർതാരമായ ലിയോ മെസ്സി ഇന്റർമിയാമിക്ക് വേണ്ടിയുള്ള ഈ സീസണിലെ ആദ്യത്തെ മേജർ സോക്കർ ലീഗ് മത്സരത്തിൽ മിന്നുന്ന പ്രകടനം കാഴ്ചവെച്ചു തന്നെ ടീമിനെ മുന്നോട്ടു നയിച്ചു വിലപ്പെട്ട മൂന്നു പോയിന്റുകൾ സ്വന്തമാക്കി കൊടുത്തിരിക്കുകയാണ്. ഇന്ന് നടന്ന റിയൽ സോൾട്ട് ലേക്കിനെതിരെയുള്ള ഇന്റർ മിയാമിയുടെ എം എൽ എസ് ലീഗിലെ ആദ്യ മത്സരത്തിലാണ് ലിയോ മെസ്സിയുടെ തകർപ്പൻ പ്രകടനം എത്തിയത്.

ഇന്റർ മിയാമിയുടെ ഹോം സ്റ്റേഡിയത്തിൽ നടന്ന മത്സരത്തിൽ ഗോളുകൾ നേടാൻ ലിയോ മെസ്സിക്ക് കഴിഞ്ഞില്ലെങ്കിലും ഇന്റർമിയാമി താരമായ ടൈലർ ആദ്യപകുതിയിൽ നേടുന്ന ഗോളിന് വഴിയൊരുക്കുവാൻ ലിയോ മെസ്സിയുടെ കാലുകളാണ് സഹായിച്ചത്. കൂടാതെ രണ്ടാം പകുതിയുടെ അവസാന നിമിഷം സുവാരസിന്റെ അസിസ്റ്റിൽ നിന്നും ഗോമസ് ഗോൾ നേടിയപ്പോഴും സുവാരസിന് പന്ത് എത്തിക്കുന്നതിൽ സഹായിച്ചത് സൂപ്പർ താരമായ ലിയോ മെസ്സിയായിരുന്നു.

കൂടാതെ മത്സരത്തിലൂടെ നീളം എതിർ ടീമിന്റെ താരങ്ങളെ വകഞ്ഞുമാറ്റി ലിയോ മെസ്സി കാഴ്ചവച്ച മുന്നേറ്റങ്ങളും ആരാധകരുടെ കൈയ്യടികൾ ഏറ്റുവാങ്ങി. മത്സരത്തിനിടെ പരിക്കുപറ്റി നിലത്ത് വീണുകിടക്കുന്ന എതിർ ടീം താരത്തിന് മുകളിലൂടെ മനോഹരമായ പന്തെടുത്തു മുന്നേറിയ ലിയോ മെസ്സിയുടെ വീഡിയോ നിലവിൽ സോഷ്യൽ മീഡിയയിൽ വൈറലാണ്. എതിർ ടീം താരം മുന്നിൽ വീണുകിടക്കവെ താരത്തിന് മുകളിലൂടെ പന്ത് എടുത്തു എതിർബോക്സിലേക്ക് മുന്നേറിയ ലിയോ മെസ്സി തൊടുത്തുവിട്ട ഷോട്ട് ഡിഫെൻസിൽ തട്ടിത്തെറിച്ചു.

എതിർ ടീം താരം പരിക്കുപറ്റി വീണു കിടക്കുമ്പോഴും അതിന് മുൻപിലൂടെ കളി തുടർന്ന മെസ്സിയുടെ പ്രവർത്തിക്കെതിരെ വിമർശനങ്ങൾ വരുന്നുണ്ട്. അതേസമയം മേജർ സോക്കർ ലീഗിലെ ഇന്റർമിയാമിയുടെ ആദ്യ മത്സരം അരങ്ങേറിയപ്പോൾ മെസ്സിയെയും ടീമിനെയും കാണാൻ എത്തിയ നിരവധി സെലിബ്രിറ്റികളിൽ പ്രശസ്തനായ ഹോളിവുഡ് നടൻ വിൽ സ്മിത്ത് വന്നിരുന്നു. ലിയോ മെസ്സിയെയും ഭാര്യയെയും കണ്ട വിൽസ്മിത്ത് ലിയോ മെസ്സിയെ കണ്ടതിൽ അതിരുവിട്ട സന്തോഷമാണ് പ്രകടിപ്പിച്ചത്. മേജർ സോക്കർ ലീഗിലെ അടുത്ത മത്സരത്തിൽ തിങ്കളാഴ്ച ലോസ് ആഞ്ചലസിനെയാണ് മിയാമി നേരിടുന്നത്.