മാഞ്ചസ്റ്റർ സിറ്റി ടോട്ടൻഹാമിനെ തോൽപ്പിച്ചില്ലെങ്കിൽ ‘ആഴ്സണൽ ചാമ്പ്യന്മാരാവുമെന്ന് പെപ് ഗാർഡിയോള | Manchester City

ഇംഗ്ലീഷ് പ്രീമിയർ ലീഗിൽ ഇന്ന് നടക്കുന്ന നിർണായക മത്സരത്തിൽ മാഞ്ചസ്റ്റർ സിറ്റി ടോട്ടൻഹാമിനെ നേരിടും.മത്സരത്തിന് തൻ്റെ ടീമിനെ ഒരുക്കുന്നതിനിടെ “ചരിത്രം നമ്മുടെ മുന്നിലുണ്ട്” എന്ന് പെപ് ഗ്വാർഡിയോള പറഞ്ഞു. ഇന്നത്തെ മത്സരത്തോടെ പ്രീമിയർ ലീഗ് കിരീടം ആര് നേടും എന്ന കാര്യത്തിൽ വ്യക്തത വരും.ടോട്ടൻഹാം ഹോട്സ്പർ സ്റ്റേഡിയത്തിൽ തൻ്റെ ടീം ജയിക്കണമെന്നും അല്ലാത്തപക്ഷം ആഴ്സണൽ ചാമ്പ്യന്മാരാകുമെന്നും ഗാർഡിയോള പറഞ്ഞു.

അഭൂതപൂർവമായ നാലാമത്തെ തുടർച്ചയായ ടോപ്പ്-ഫ്ലൈറ്റ് ഇംഗ്ലീഷ് ലീഗ് കിരീടം പിന്തുടരുന്ന സിറ്റി, ലീഡർമാരായ ആഴ്സണലിനേക്കാൾ ഒരു പോയിൻ്റ് പിന്നിലാണെങ്കിലും നിർണായകമായി ഒരു കളി കൈയിലുണ്ട്.സ്പർസിനെ പരാജയപ്പെടുത്തിയാൽ സിറ്റിക്ക് ഒന്നാം സ്ഥാനം തിരിച്ചു പിടിക്കാം.സീസണിലെ അവസാന ദിനമായ ഞായറാഴ്ച വെസ്റ്റ്ഹാമിൻ്റെ ഹോം ഗ്രൗണ്ടിൽ സിറ്റി കളിക്കും. അവസാന മത്സരത്തിൽ ആഴ്സണൽ എവർട്ടണെ നേരിടും. സിറ്റി പ്രീമിയർ ലീഗിന്റെ ഫിനിഷിംഗ് ലൈനിലേക്ക് കുതിക്കുക്കുകയാണ്.കഴിഞ്ഞ ഏഴ് പ്രീമിയർ ലീഗ് മത്സരങ്ങളിൽ നിന്ന് 28 ഗോളുകൾ അടിച്ചു, വെറും അഞ്ച് തവണ മാത്രം വഴങ്ങി.

2019 ൽ തുറന്ന ടോട്ടൻഹാമിൻ്റെ പുതിയ സ്റ്റേഡിയത്തിൽ ഒരു ലീഗ് മത്സരവും സിറ്റി വിജയിച്ചിട്ടില്ല, ജനുവരിയിൽ നടന്ന എഫ്എ കപ്പിൽ അവിടെ വിജയിച്ചെങ്കിലും ഒരു ഗോൾ പോലും നേടിയിട്ടില്ല.ഗ്രൗണ്ടിൽ തൻ്റെ ടീമിൻ്റെ മോശം റെക്കോർഡ് ഉണ്ടായിരുന്നിട്ടും അവർ അവിടെ “പല തവണ” നന്നായി കളിച്ചിട്ടുണ്ടെന്ന് ഗ്വാർഡിയോള പറഞ്ഞു.“പ്രീമിയർ ലീഗിൽ ഇത് ഒരിക്കലും സംഭവിച്ചിട്ടില്ല. ഇത്തവണ നമ്മൾ അത് ചെയ്യണം. ചരിത്രം നമ്മുടെ മുന്നിലുണ്ട്, നമ്മൾ അത് ചെയ്തിട്ടില്ലെന്ന് സമ്മതിക്കണം. ഇത് ചെയ്യാനുള്ള സമയമാണിത്, അല്ലാത്തപക്ഷം ആഴ്സണൽ ചാമ്പ്യന്മാരാകും”ഗാർഡിയോള പറഞ്ഞു.

സിറ്റിക്കെതിരെ പ്രീമിയർ ലീഗിൽ തങ്ങളുടെ അവസാന നാല് ഹോം മത്സരങ്ങളും ഒരു ഗോൾ പോലും വഴങ്ങാതെയാണ് ടോട്ടൻഹാം വിജയിച്ചത്. അടുത്ത സീസണിൽ യൂറോപ്പിലേക്ക് യോഗ്യത ഉറപ്പാക്കാൻ സ്പർസിന് പോയിൻ്റുകൾ ആവശ്യമാണ്. പണം കൊണ്ടല്ല സിറ്റി കിരീടം നേടിയതെന്നും ഗാർഡിയോള പറഞ്ഞു.അങ്ങനെയാണെങ്കിൽ മാഞ്ചസ്റ്റർ യുനൈറ്റഡും ചെൽസിയും കിരീടത്തിനായി മത്സരിക്കുമായിരുന്നു എന്നും പെപ് പറഞ്ഞു.

” പണമായിരുന്നു കിരീടത്തിനു കാരണമെങ്കിൽ മാഞ്ചസ്റ്റർ യുണൈറ്റഡ് ചെൽസി എന്നിവർ എല്ലാ കിരീടങ്ങളും നേടിയേനെ.കഴിഞ്ഞ അഞ്ച് വർഷത്തിനുള്ളിൽ നമ്മളെപ്പോലെ തന്നെ അവർ പണം ചിലവഴിച്ചു. അവർ അവിടെ ഉണ്ടായിരിക്കണം. അവർ അവിടെ ഇല്ല.ഇക്കാരണത്താൽ ജിറോണ അടുത്ത സീസണിൽ ചാമ്പ്യൻസ് ലീഗിൽ ഉണ്ടാകരുത് ലെസ്റ്റർ പ്രീമിയർ ലീഗ് നേടില്ലായിരുന്നു” പെപ് കൂട്ടിച്ചേർത്തു.