ദേശീയ ടീമിൽ കളിക്കുക എന്ന സ്വപ്നം യാഥാർഥ്യമായാതായി അർജന്റീന യുവ താരം തിയാഗോ അൽമാഡ |Argentina |Thiago Almada

ലോക ഫുട്ബോളിലേക്ക് ഏറ്റവും മികച്ച പ്രതിഭകളെ സംഭാവന ചെയ്യുന്നതിൽ അര്ജന്റീനക്കൊപ്പമെത്താൻ ഒരു രാജ്യത്തിനും സാധിക്കാറില്ല. ഡീഗോ മറഡോണ മുതൽ ലയണൽ മെസ്സി വരെ ലോക ഫുട്ബോൾ അടക്കി ഭരിച്ച ഇതിഹാസ താരങ്ങളെല്ലാം പിറവിയെടുത്തത് ഈ ലാറ്റിനമേരിക്കൻ മണ്ണിൽ നിന്നാണ്. ആ പ്രതിഭകളുടെ ഇടയിലേക്ക് എത്തുന്ന പുതിയ താരമാണ് 21 കാരനായ അറ്റാക്കിങ് മിഡ്ഫീൽഡർ തിയാഗോ അൽമാഡ.

അമേരിക്കൻ മേജർ ലീഗ് സോക്കറിൽ അറ്റ്ലാന്റ യുണൈറ്റഡ് താരമായ അൽമാഡ നിൽവിൽ മികച്ച ഫോമിലാണ് കളിക്കുന്നത്. ഗോളടിക്കാനും ഗോളടിപ്പിക്കാനും മിടുക്കനാണ് ഈ യുവ താരം. ഇന്നലെ അര്ജന്റീന പരിശീലകൻ ലയണൽ സ്‌കലോനി സെപ്റ്റംബറിലെ അന്താരാഷ്ട്ര കാലയളവിലേക്കുള്ള തന്റെ ഏറ്റവും പുതിയ ടീമിൽ തിയാഗോ അൽമാഡയെ കൂടി ഉൾപ്പെടുത്തിയിരിക്കുകയാണ്. അർജന്റീനിയൻ ക്ലബായ വെലെസ് സാർസ്ഫീൽഡിൽ നിന്ന് 16 മില്യൺ ഡോളറിന് സൈൻ ചെയ്തതിന് ശേഷം MLS ലെ തന്റെ ആദ്യ സീസണിൽ അലമാഡ ആറ് ഗോളുകൾ നേടുകയും 11 അസിസ്റ്റുകൾ സംഭാവന ചെയ്യുകയും ചെയ്തു.

നിലവിലെ സീസണിൽ അറ്റ്‌ലാന്റ യുണൈറ്റഡിന്റെ ഹൃദയവും ആത്മാവുമായി തിയാഗോ അൽമാഡ മാറി.”തീർച്ചയായും, ദേശീയ ടീമിലായിരിക്കുക എന്നത് എല്ലാ കുട്ടികളുടെയും സ്വപ്നമാണ്. ഞാൻ പ്രൊഫഷണലായതുമുതൽ അല്ലെങ്കിൽ അതിനുമുമ്പ് ഞാൻ ചെയ്യുന്നതിന്റെ പ്രതിഫലമാണിത്അതെ, ദേശീയ ടീമിൽ കളിക്കുക എന്നത് ഏതൊരുവന്റെയും സ്വപ്നമാണ്” ദേശീയ ടീമിൽ ഇടം നേടിയതിനു ശേഷം തിയാഗോ അൽമാഡ പറഞ്ഞു.അൽമാഡയുടെ ഉൾപ്പെടുത്തൽ യുവതാരത്തിന് ഖത്തറിലെ ലോകകപ്പിൽ എത്താൻ കഴിയുമെന്ന പ്രതീക്ഷ നൽകുന്നു.

അർജന്റീന തങ്ങളുടെ ലോകകപ്പ് കാമ്പെയ്‌ൻ ആരംഭിക്കുന്നതിന് ഒരാഴ്ച മുമ്പ് യുണൈറ്റഡ് അറബ് എമിറേറ്റ്‌സിനെതിരെ ഒരു അവസാന സന്നാഹ മത്സരം കളിക്കും. സൗദി അറേബ്യ, മെക്‌സിക്കോ, പോളണ്ട് എന്നിവർക്കൊപ്പം ഗ്രൂപ്പ് സിയിലാണ് സ്‌കലോനിയുടെ ടീം.2019 ൽ അർജന്റീന അണ്ടർ 20 ടീമിലും 2021 ലെ അണ്ടർ 23 ടീമിലും അൽമാഡ കളിച്ചിട്ടുണ്ട്, എന്നാൽ ആദ്യ ടീമിനൊപ്പം ഇതുവരെ അരങ്ങേറ്റം കുറിച്ചിട്ടില്ല.അറ്റ്‌ലാന്റ യുണൈറ്റഡ് മിഡ്‌ഫീൽഡർ അർജന്റീനയുടെ ദേശീയ ടീമിന്റെ മുഖ്യ പരിശീലകനായ ലയണൽ സ്‌കലോനിയുമായി ഒരു കൂടിക്കാഴ്ച നടത്തിയതായി ടിഎൻടി സ്പോർട്സ് പറഞ്ഞു.

“ഞാൻ അർജന്റീന യൂത്ത് ദേശീയ ടീമിനായി അവസാനമായി കളിച്ചപ്പോൾ ലയണൽ സ്കലോനി എന്നെ അഭിനന്ദിച്ചു. അദ്ദേഹം എന്നെ ശ്രദ്ധിക്കുമെന്ന് പറഞ്ഞു. ദേശീയ ടീമിൽ കളിക്കുക എന്നത് എന്റെ എക്കാലത്തെയും സ്വപ്നമാണ്. ഞാൻ എല്ലാ കളികളും കാണാറുണ്ട്, ഖത്തറിൽ അർജന്റീന ടീമിനൊപ്പം ഞാൻ ആഗ്രഹിക്കുന്നു,” തിയാഗോ അൽമാഡ പറഞ്ഞു.അർജന്റീനിയൻ ഫസ്റ്റ് ഡിവിഷനിലെ വെലെസ് സാർസ്ഫീൽഡിൽ മികച്ച പ്രകടനം കാഴ്ചവെച്ചതിന് ശേഷമാണ് 21 കാരൻ ഫെബ്രുവരിയിൽ മേജർ ലീഗ് സോക്കറിൽ അറ്റ്ലാന്റ യുണൈറ്റഡിൽ ചേരുന്നത്.അർജന്റീനിയൻ ക്ലബ്ബിൽ എല്ലാ മത്സരങ്ങളിലുമായി 100 മത്സരങ്ങളിൽ നിന്ന് 24 ഗോളുകളും 11 അസിസ്റ്റുകളും അദ്ദേഹം രേഖപ്പെടുത്തിയാണ് 2025 വരെ നീളുന്ന ഒരു കരാറിൽ താരം അമേരിക്കയിലെത്തിയത്.