ക്രിസ്റ്റ്യാനോ റൊണാൾഡോയും കസെമിറോയും മാഞ്ചസ്റ്റർ യുണൈറ്റഡിൽ വീണ്ടും ഒത്തുചേരുമ്പോൾ |Manchester United
റയൽ മാഡ്രിഡിൽ നിന്നും ബ്രസീലിയൻ മിഡ്ഫീൽഡർ കസെമിറോയുടെ സൈനിങ്‌ മാഞ്ചസ്റ്റർ യുണൈറ്റഡ് പൂർത്തിയാക്കിയിരിക്കുകയാണ്. ഇംഗ്ലീഷ് ക്ലബ്ബിന്റെ നിലവിലെ സാഹചര്യത്തിൽ വളരെയേറെ പ്രതീക്ഷയോടെയാണ് 30 കാരന്റെ സൈനിങ്ങിനെ നോക്കികാണുന്നത്. ഇന്ന് മെഡിക്കൽ പൂർത്തിയാക്കുന്ന താരം യൂണൈറ്റഡുമായി നാല് വർഷത്തെ കരാറിലാണ് ഒപ്പിടുന്നത്.
റയൽ മാഡ്രിഡും റെഡ് ഡെവിൾസും ഏകദേശം 60 ദശലക്ഷം യൂറോയും വേരിയബിളുകളിലായി 10 ദശലക്ഷം യൂറോയും വിലമതിക്കുന്ന ഒരു കരാറിന് സമ്മതിച്ചിരിക്കുകയാണ്.കൂടാതെ അദ്ദേഹത്തിന്റെ കരാർ 2027 വരെ നീട്ടാനുള്ള സാധ്യതയോടെ 2026 വരെ പ്രവർത്തിക്കും.മുൻ റയൽ മാഡ്രിഡ് ഇതിഹാസം ക്രിസ്റ്റ്യാനോ റൊണാൾഡോയെ യുണൈറ്റഡിൽ നിലനിർത്താനുള്ള പദ്ധതിയുടെ ഭാഗമായാണോ ബ്രസീലിയൻ മിഡ്ഫീൽഡറെ സ്വന്തമാക്കുന്നത് എന്ന് പലരും ചിന്തിച്ചു തുടങ്ങിയിരിക്കുന്നു.കഴിഞ്ഞ വർഷം യുവന്റസിൽ നിന്നും ഓൾഡ് ട്രാഫോഡിലേക്ക് മടങ്ങിയ റൊണാൾഡോ ചാമ്പ്യൻസ് ലീഗ് കളിക്കുക എന്ന ലക്ഷ്യവുമായി ക്ലബ് വിടാൻ ശ്രമിക്കുകയാണ്.
പോർച്ചുഗീസ് താരത്തിന്റെ ഏജന്റ് ജോർജ്ജ് മെൻഡസ് ക്ലബ്ബിനായി പരക്കം പായുകയാണെന്ന് പറയപ്പെടുന്നു. എന്നാൽ 37 കാരനെ സ്വന്തമാക്കാൻ മുൻനിര ക്ലബുകളൊന്നും താല്പര്യപെടുന്നില്ല ,എന്നാൽ സ്പോർട്ടിംഗ് ലിസ്ബൺ അവരുടെ താരത്തെ തിരികെ കൊണ്ടുവരാൻ ആഗ്രഹിക്കുന്നുണ്ട്.മാഞ്ചസ്റ്റർ യുണൈറ്റഡിലെ തന്റെ പദ്ധതികളിൽ റൊണാൾഡോയുടെ സ്ഥാനത്തെക്കുറിച്ച് പരിശീലകൻ എറിക് ടെൻ ഹാഗ് പല തവണ ആവർത്തിച്ച് വ്യക്തമാക്കിയിട്ടുണ്ട്.ഇപ്പോൾ തന്റെ പഴയ റയൽ മാഡ്രിഡ് സഹതാരം കാസെമിറോയെ സൈൻ ചെയ്ത് ഓൾഡ് ട്രാഫോർഡിൽ തുടരാൻ ക്ലബ് തങ്ങളുടെ സ്റ്റാർ സ്‌ട്രൈക്കറെ ബോധ്യപ്പെടുത്താൻ ശ്രമിക്കുന്നതിന്റെ ഭാഗമായാണ് എന്നാണ് ഫുട്ബോൾ പ്രേമികൾ കരുതുന്നത്.സാന്റിയാഗോ ബെർണബ്യൂവിൽ വളരെ അടുത്ത ബന്ധം പങ്കിട്ട ഇരുവരും, നാല് ചാമ്പ്യൻസ് ലീഗ് കിരീട വിജയങ്ങളുടെ ഭാഗമായിരുന്നു (2014, 2016, 2017, 2018).
ഓൾഡ് ട്രാഫോഡിൽ ഇരുവരുടെയും ബന്ധം പുനരുജ്ജീവിപ്പിക്കാൻ കഴിയുമെന്ന് മാഞ്ചസ്റ്റർ യുണൈറ്റഡ് പിന്തുണക്കാർ പ്രതീക്ഷിക്കുന്നു. ബ്രസീലിയൻ മിഡ്ഫീൽഡർ പലപ്പോഴും റൊണാൾഡോയെ പുകഴ്ത്ത്തുന്നതും നമുക്ക കാണാൻ സാധിക്കും.”ക്രിസ്റ്റ്യാനോ എന്നെ എല്ലാ ദിവസവും അത്ഭുതപ്പെടുത്തുന്നു, കാരണം അവൻ എപ്പോഴും കൂടുതൽ പ്രവർത്തിക്കാൻ ആഗ്രഹിക്കുന്നു. അവൻ എപ്പോഴും കൂടുതൽ വിജയിക്കാൻ ആഗ്രഹിക്കുന്നു, ലോകത്തിലെ എല്ലാ ഫുട്ബോൾ കളിക്കാരനും ഒരു പ്രചോദനമാണ്.റൊണാൾഡോ കളിക്കളത്തിലും പുറത്തും ഒരു അസാധാരണ കളിക്കാരനാണ്. ഒരിക്കലും തന്റെ ലക്ഷ്യങ്ങളിൽ സന്തുഷ്ടനല്ല, എപ്പോഴും കൂടുതൽ ആഗ്രഹിക്കുന്നു, അതുകൊണ്ടാണ് ലോകത്തിലെ ഏറ്റവും മികച്ചത്. എനിക്ക് വലിയ സന്തോഷമുണ്ട്. അദ്ദേഹത്തോടൊപ്പം പ്രവർത്തിക്കാൻ കഴിഞ്ഞതിൽ, ഞാൻ അദ്ദേഹത്തിൽ നിന്ന് ഒരുപാട് കാര്യങ്ങൾ പഠിക്കുന്നു”2016 ലെ എൽ ക്ലാസിക്കോ പോരാട്ടത്തിന് മുന്നോടിയായി റൊണാൾഡോ തന്നെയും ലോകമെമ്പാടുമുള്ള കളിക്കാരെയും എങ്ങനെ പ്രചോദിപ്പിച്ചുവെന്ന് കാസെമിറോ സംസാരിച്ചു.
2018 ൽ, ചാമ്പ്യൻസ് ലീഗിൽ യുവന്റസിനെതിരെ റൊണാൾഡോ റയൽ മാഡ്രിഡിനായി ഉജ്ജ്വലമായ ഗോൾ നേടിയതിന് ശേഷവും കാസെമിറോ സൂപ്പർ താരത്തെ വാനോളം പുകഴ്ത്തിയിരുന്നു.തുടർച്ചയായ മൂന്നാം യൂറോപ്യൻ ചാമ്പ്യൻഷിപ്പ് നേടിയതിന് ശേഷം റൊണാൾഡോ സ്പെയിൻ വിട്ട് ഇറ്റാലിയൻ സീരി എ വമ്പൻമാരായ യുവന്റസിലേക്ക് ചേക്കേറി, അതിനാൽ ബെർണബ്യൂവിൽ പോർച്ചുഗൽ ഇതിഹാസത്തിന്റെ കൂട്ടുകെട്ട് ആസ്വദിക്കാൻ കാസെമിറോയ്ക്ക് അധികം സമയം ലഭിച്ചില്ല. എന്നാൽ മാഞ്ചസ്റ്റർ യുണൈറ്റഡിൽ ഇരു താരങ്ങളും ഒത്തുചേരുമ്പോൾ അത്ഭുതങ്ങൾ ഉണ്ടാവും എന്ന പ്രതീക്ഷയിലാണ് ആരാധകർ.