എൻസോ ഫെർണാണ്ടസിനെ സൈൻ ചെയ്യാനുള്ള ചെൽസിയുടെ ശ്രമങ്ങളെക്കുറിച്ച് ബെൻഫിക്ക മാനേജർ |Enzo Fernández

ജൂലൈയിൽ അർജന്റീനിയൻ ഭീമൻമാരായ റിവർ പ്ലേറ്റിന് 14 മില്യൺ യൂറോ നൽകി എൻസോ ഫെർണാണ്ടസിനെ ബെൻഫിക്ക സ്വന്തമാക്കിയിട്ട് ആറ് മാസമേ ആയിട്ടുള്ളൂ.അർജന്റീന കിരീടം നേടിയ 2022 ലോകകപ്പിലെ മികച്ച പ്രകടനത്തിന് ശേഷമാണ് 21 കാരനായ യൂറോപ്പിൽ ശ്രദ്ധ ആകർഷിക്കുന്നത്.

ചാമ്പ്യൻസ് ലീഗിൽ യുവന്റസും പിഎസ്ജിയും അടങ്ങിയ ഗ്രൂപ്പിൽ ബെൻഫിക്കയെ ഗ്രൂപ്പ് ചാമ്പ്യന്മാരാക്കുന്നതിൽ എൻസോ നിർണായക പ്രകടനം നടത്തുകയും ചെയ്തു.അതിനു ശേഷമാണ് താരം ലോകകപ്പിന് എത്തുന്നത്. എന്നാൽ ആദ്യ മത്സരത്തിൽ ഫസ്റ്റ് ടീമിൽ ഇടം നേടാൻ സാധിക്കാതിരുന്നെങ്കിലും ടൂർണമെന്റിലെ യുവതാരത്തിനുള്ള ഫിഫയുടെ അവാർഡ് നേടികൊണ്ടണ് ഖത്തറിൽ നിന്നും വണ്ടി കയറിയത്. താരത്തിനായി നിരവധി ക്ലബ്ബുകളാണ് മത്സരത്തിനുള്ളത്. പ്രീമിയർ ലീഗ് വമ്പന്മാരായ ചെൽസിയാണ് ഏറ്റവും മുന്നിലുളത്.

“എൻസോ വളരെ നല്ല കളിക്കാരനാണ് ,അദ്ദേഹത്തെ ഒരുപാട് ഇഷ്ടപ്പെടുന്നു. ബെൻഫിക്കയിൽ തുടരണമെന്ന് ഞങ്ങൾ ആഗ്രഹിക്കുന്നു. തീർച്ചയായും, അദ്ദേഹത്തിന് സാഹചര്യം അത്ര എളുപ്പമല്ല, കാരണം അദ്ദേഹം ലോകകപ്പിൽ കളിച്ചു ചാമ്പ്യനുമായി .അദ്ദേഹത്തിന് ഓഫറുകൾ ലഭിച്ചു ധാരാളം പണം ഓഫർ ലഭിക്കുന്നുണ്ട്.ഒരു യുവ കളിക്കാരനായിരിക്കുമ്പോൾ, അതിനെക്കുറിച്ച് ചിന്തിക്കുമ്പോൾ, അത് നിങ്ങളെ അൽപ്പം ആശയക്കുഴപ്പത്തിലാക്കുന്നു. എല്ലാവർക്കും മനസ്സിലാകുന്ന കാര്യമാണിതെന്ന് ഞാൻ കരുതുന്നു, ”ബെൻഫിക്കയുടെ മുഖ്യ പരിശീലകൻ റോജർ ഷ്മിഡ് പറഞ്ഞു.

“ഞങ്ങൾ എൻസോയെ വിൽക്കാൻ ആഗ്രഹിക്കുന്നില്ല, ഞാനോ പ്രസിഡന്റോ അല്ല. ഈ ക്ലബ്ബിൽ അവനെ വിൽക്കാൻ ആരും ആഗ്രഹിക്കുന്നില്ല. ഒരു ടെർമിനേഷൻ ക്ലോസ് ഉണ്ടെന്ന് ഞങ്ങൾക്കറിയാം, അവൻ പോകാൻ ആഗ്രഹിക്കുന്നുവെങ്കിൽ, ഞങ്ങൾക്ക് കളിക്കാരനെ നഷ്‌ടപ്പെട്ടേക്കാം. കളിക്കാരനെ ആഗ്രഹിക്കുന്ന ഒരു ക്ലബ്ബുണ്ട്. ഞങ്ങൾ കളിക്കാരനെ വിൽക്കാൻ ആഗ്രഹിക്കുന്നില്ലെന്ന് അവർക്കറിയാം. അവർ കളിക്കാരനെ തങ്ങളുടെ വശത്താക്കാൻ ശ്രമിച്ചു, അവർ ക്ലോസ് അടച്ചാൽ മാത്രമേ ഈ കളിക്കാരനെ ലഭിക്കൂ എന്ന് അവർക്കറിയാം. അതിനാൽ, ക്ലബ് എന്താണ് ചെയ്യുന്നത് എന്നത് വളരെ വ്യക്തമായ സാഹചര്യമാണ്. ഇത് ബെൻഫിക്കയ്‌ക്കെതിരായ അനാദരവാണ്, അവർ ചെയ്യുന്നത് എനിക്ക് അംഗീകരിക്കാൻ കഴിയില്ല” അദ്ദേഹം കൂട്ടിച്ചേർത്തു.

ക്ലബ് ഓർഡറുകൾക്കെതിരെ പുതുവത്സര രാവ് ആഘോഷിക്കാൻ അർജന്റീനയിലേക്ക് പോയതിന് ഫെർണാണ്ടസിനെ ബെൻഫിക്ക കോച്ച് വിമർശിച്ചു. ‘ അർജന്റീനയിലേക്ക് പോവാൻ എൻസോ ഫെർണാണ്ടസിന് ക്ലബ്ബ് അനുമതി നൽകിയിരുന്നില്ല. അദ്ദേഹം രണ്ട് ട്രെയിനിങ് സെഷനുകളാണ് അനുമതി ഇല്ലാതെ നഷ്ടപ്പെടുത്തിയത്.ഇത് ഒരിക്കലും അംഗീകരിക്കാൻ കഴിയുന്ന കാര്യമല്ല. അതുകൊണ്ടുതന്നെ ഇതിന്റെ അനന്തരഫലങ്ങൾ അദ്ദേഹം നേരിടേണ്ടി വരും. അത് എന്തൊക്കെയാണ് എന്നുള്ളത് പിന്നീട് വ്യക്തമാകും.ഈ താരത്തെ വിൽക്കാൻ ഞങ്ങൾ ഇപ്പോൾ ഉദ്ദേശിക്കുന്നില്ല. ക്ലബ്ബിലെ ആരും തന്നെ ഉദ്ദേശിക്കുന്നില്ല ‘ ബെൻഫിക്ക പരിശീലകൻ പറഞ്ഞു.