ഫ്രെഡ് : “മാഞ്ചസ്റ്റർ യുണൈറ്റഡിൽ റാൽഫ് റാങ്‌നിക്കിന്റെ തുരുപ്പ് ചീട്ട്”

ഒരു ക്ലബ്ബിൽ ഒരു പുതിയ മാനേജരുടെ വരവ് എല്ലായ്പ്പോഴും കളിക്കാർക്ക് സ്വയം തെളിയിക്കാനും അവർ എന്തുകൊണ്ടാണ് സ്റ്റാർട്ടിംഗ് ലൈനപ്പിൽ ആകാൻ അർഹരാണെന്ന് ന്യായീകരിക്കാനുമുള്ള വാതിൽ തുറക്കാറുണ്ട്.മാഞ്ചസ്റ്റർ യുണൈറ്റഡിലേക്കുള്ള റാൽഫ് റാങ്‌നിക്കിന്റെ വരവ്, ഏതൊക്കെ കളിക്കാരെ ഒഴിവാക്കും, ആർക്കൊക്കെ ടീമിൽ അവസരം കൊടുക്കും എന്നതിനെക്കുറിച്ചുള്ള ചർച്ചകൾക്ക് വഴിയൊരുക്കിയിട്ടുണ്ട്.

ക്രിസ്റ്റ്യാനോ റൊണാൾഡോ, ഹാരി മഗ്വെയർ, ബ്രൂണോ ഫെർണാണ്ടസ് എന്നിവരുടെ ടീമിലെ പദവികൾ പോലും ജർമൻ പരിശീലകന്റെ വരവോടു കൂടി ചോദ്യം ചെയ്യപ്പെട്ടു.അതേസമയം, ഫ്രെഡ് റാംഗ്നിക്കിന് അനുയോജ്യമായ കളിക്കാരനായി കണക്കാക്കപ്പെടുന്നു.ആശ്ചര്യകരമെന്നു പറയട്ടെ, മാഞ്ചസ്റ്റർ യുണൈറ്റഡിന്റെ അവസാന നാല് മത്സരങ്ങളുടെ അടിസ്ഥാനത്തിൽ, ബ്രസീലിയൻ മിഡ്ഫീൽഡർ ടീമിന്റെ ഏറ്റവും മികച്ച കളിക്കാരനായിരുന്നു എന്ന് പറയുന്നത് ശരിയാണ്.ഒലെ ഗുന്നർ സോൾസ്‌ജെയറിന്റെ കീഴിൽ അവസാന മത്സരങ്ങളിൽ ഫ്രെഡ് മികവിലേക്കുയർന്നിരുന്നു.മൈക്കൽ കാരിക്കിന്റെ ഇടക്കാല സ്പെല്ലിന്റെ ചുമതലയിൽ ഫ്രെഡ് വളരെ മികച്ചു നിന്നു.

കളിക്കളത്തിലെ 28 കാരന്റെ പൊരുത്തക്കേടും ഏകാഗ്രതയില്ലായ്മയും വലിയ വിമർശനത്തിന് ഇരയാക്കിയിരുന്നു.കഴിഞ്ഞ ഏതാനും ആഴ്ചകൾക്കുള്ളിൽ അദ്ദേഹം പൂർണ്ണമായും പുനർജനിച്ചു.വില്ലാറിയലിനെതിരായ മാഞ്ചസ്റ്റർ യുണൈറ്റഡിന്റെ 2-0 വിജയത്തിൽ ഫ്രെഡ് ഗംഭീര പ്രകടനം നടത്തിയിരുന്നു , അതിന്റെ ഫലമായി റെഡ് ഡെവിൾസിന്റെ ചാമ്പ്യൻസ് ലീഗിന്റെ അവസാന 16-ലേക്ക് യോഗ്യത ഉറപ്പിച്ചു. ചെൽസിക്കെതിരായ 1-1 സമനിലയിൽ മികവ് കാട്ടുകയും ചെയ്തു . ആഴ്സണലിനെതിരായ 3-2 വിജയത്തിൽ മാൻ ഓഫ് ദ മാച്ച് പ്രകടനം ബ്രസീലിയൻ കാഴ്ചവച്ചു. കഴിഞ്ഞയാഴ്ച ക്രിസ്റ്റൽ പാലസിനെതിരെ ബോക്‌സിന് പുറത്ത് നിന്ന് നെഡ്‌സിയ ഗോളിലൂടെ ഫ്രെഡ് റാംഗ്‌നിക്കിന്റെ ചുമതലയുള്ള ആദ്യ ഗെയിമിൽ യുണൈറ്റഡിന് വിജയം നേടിക്കൊടുത്തു.

രംഗ്നിക്ക് ഇപ്പോഴും തന്റെ കളിക്കാരെ വിലയിരുത്തുന്നു, പക്ഷേ ഫ്രെഡ് ഒരു മതിപ്പ് ഉണ്ടാക്കിയതായി വ്യക്തമാണ്. കഴിഞ്ഞ മാസം റെഡ് ഡെവിൾസിന്റെ ഏറ്റവും മെച്ചപ്പെട്ട കളിക്കാരനായി ഫ്രെഡ് മാറി.ഫ്രെഡിന്റെ ഫോം സൂചിപ്പിക്കുന്നത് അയാൾക്ക് റാൽഫ് റാങ്‌നിക്കിന്റെ ടീമിലെ പ്രധാന താരമാവാൻ കഴിയും എന്നുറപ്പാണ്.മിഡ്ഫീൽഡർ ഒരു കഠിനാധ്വാനിയാണ്, അവന്റെ ഊർജ്ജം മാനേജരുടെ അനുയോജ്യമായ ശൈലിയുമായി യോജിക്കുന്നതാണ്. റാങ്‌നിക്കിന്റെ പ്രധാന തന്ത്രമായ പ്രെസ്സിങ് ഗെയിം കളിക്കുന്നതിൽ ബ്രസീൽ ഇന്റർനാഷണൽ മികച്ചു നിൽക്കാറുണ്ട്.ലൈനുകൾ തകർത്ത് ആക്രമണം തുടങ്ങാൻ കഴിവുള്ള മാഞ്ചസ്റ്റർ യുണൈറ്റഡിലെ ഒരേയൊരു മിഡ്ഫീൽഡർ കൂടിയാണ് ഫ്രെഡ്.

നെമഞ്ജ മാറ്റിക് ഇപ്പോൾ തന്റെ കരിയറിന്റെ അവസാനത്തിലാണ് പോൾ പോഗ്ബ പരിക്കേറ്റ് പുറത്താണ്, സ്കോട്ട് മക്‌ടോമിനയ്ക്കും അദ്ദേഹത്തിന്റേതായ പോരായ്മകളുണ്ട്.ബുധനാഴ്ച യംഗ് ബോയ്‌സിനെതിരെ മിഡ്ഫീൽഡിൽ ഡോണി വാൻ ഡി ബീക്ക്ന് അവസരം പരിശീലകൻ കൊടുത്തിരുന്നു.ഇത് ഫ്രെഡിനെ മിഡ്‌ഫീൽഡറായി റങ്ക്‌നിക്കിന് കീഴിൽ ഏറ്റവും കൂടുതൽ സ്വാധീനിച്ചു, മാത്രമല്ല മാനേജർ ഫ്രഡിനെ സ്റ്റാർട്ടിംഗ് ലൈനപ്പിൽ നിന്ന് ഒഴിവാക്കുന്നത് കാണാൻ പ്രയാസമാണ്.കാര്യങ്ങൾ ഇങ്ങനെ തന്നെ തുടരുകയാണെങ്കിൽ, രംഗ്‌നിക്കിന്റെ ടീം ഷീറ്റിലെ ആദ്യ പേരുകളിൽ ഒരാളായിരിക്കും ഫ്രെഡ് എന്നതിൽ സംശയമില്ല.