‘ഇന്ത്യൻ ടീം കേരളത്തിൽ കളിക്കാൻ ആഗ്രഹിക്കുന്നു, പക്ഷേ…’ – അർജന്റീന കേരളത്തിലേക്ക് വരുന്നതിനെക്കുറിച്ച് ഇഗോർ സ്റ്റിമാക് | Igor Stimac

2025 ഒക്ടോബറിൽ അർജന്റീന ദേശീയ ടീം രണ്ട് സൗഹൃദ മത്സരങ്ങൾ കേരളത്തിൽ കളിക്കും. അർജന്റീന ഫുട്ബോൾ അസോസിയേഷന്റെ ഭാരവാഹികൾ, പ്രത്യേകിച്ച് അർജന്റീന എഫ്എയിലെ ഇന്റർനാഷണൽ റിലേഷൻസ് മേധാവി പാബ്ലോ ഡയസ്, കേരള സ്പോർട്സ് സെക്രട്ടറി പ്രണബ്ജ്യോതി നാഥ്, കേരള ഫുട്ബോൾ അസോസിയേഷൻ പ്രസിഡന്റ് നവാസ് മീരാൻ എന്നിവർ ഉൾപ്പെട്ട ഓൺലൈൻ ചർച്ചയ്ക്ക് ശേഷമാണ് ഈ പ്രഖ്യാപനം.

സിറിയയ്‌ക്കെതിരായ 2023ലെ എഎഫ്‌സി ഏഷ്യൻ കപ്പ് മത്സരത്തിന് മുന്നോടിയായുള്ള ഇന്ത്യൻ ടീമിന്റെ പത്രസമ്മേളനത്തിനിടെ അർജന്റീന ദേശീയ ടീം കേരളത്തിൽ എത്തുന്നതിനെക്കുറിച്ചുള്ള ചോദ്യങ്ങൾ ഉയർന്നു വന്നു.“ഫിഫ ലോകകപ്പ് യോഗ്യതാ മത്സരങ്ങൾ നടത്തുന്നതിന് ഫുട്ബോൾ സ്റ്റേഡിയത്തിന് ആവശ്യമായ ലൈസൻസിംഗ് നേടുന്നതിന് നിക്ഷേപം നടത്താൻ കേരള സർക്കാരിന് കഴിയുമെങ്കിൽ ഞാൻ അത് വളരെയധികം അഭിനന്ദാർഹരമാണ്”ഇഗോർ സ്റ്റിമാക് പറഞ്ഞു.ദേശീയ ടീമിനൊപ്പം കേരളത്തിലെത്താനും അവിടെ മത്സരിക്കാനുമുള്ള ആഗ്രഹവും അദ്ദേഹം വ്യക്തമാക്കി.

“ദേശീയ ടീമിനൊപ്പം കേരളത്തിൽ വരാനും ഔദ്യോഗിക ഗെയിമുകൾ കളിക്കാനും ഞങ്ങൾക്ക് ഒരുപാട് അഭിനിവേശമുണ്ട്, എന്നാൽ ഫിഫയുടെ ലൈസൻസുള്ള ഗ്രൗണ്ട് ലഭിക്കാത്തിടത്തോളം അത് സാധ്യമല്ല,” സ്റ്റിമാക് കൂട്ടിച്ചേർത്തു.2024 ജൂണിൽ ആദ്യം ഷെഡ്യൂൾ ചെയ്‌തിരുന്ന മത്സരങ്ങൾ കേരളത്തിൽ മൺസൂൺ കാരണം 2025 ഒക്ടോബറിലേക്ക് മാറ്റിവച്ചു.

നെഹ്‌റു കപ്പിൽ 1984 ജനുവരി 13 ന് അർജന്റീന ദേശീയ ഫുട്‌ബോൾ ടീമിനെതിരെ ഇന്ത്യ ഒരു ഒറ്റ മത്സരത്തിൽ പങ്കെടുത്തിട്ടുണ്ട്. നിർഭാഗ്യവശാൽ, ഈ മത്സരത്തിൽ ഇന്ത്യൻ ടീം 1-0 ന് തോൽവി ഏറ്റുവാങ്ങി.