വനിതാ ഏഷ്യാ കപ്പിലെ ഇറാന്റെ താരം പുരുഷനാണെന്ന സംശയം പ്രകടിപ്പിച്ച് ജോർദാൻ രാജകുമാരൻ

സെപ്റ്റംബറിൽ ഇറാൻ ഫുട്ബോൾ ഫുട്ബോൾ ചരിത്രത്തിൽ പുതിയൊരു നാഴികക്കല്ല് അടയാളപ്പെടുത്തി. സെപ്റ്റംബറിൽ ജോർദാനെതിരെ 4-2 ഷൂട്ടൗട്ട് വിജയത്തിന് ശേഷം ഇറാൻ അവരുടെ ആദ്യ വനിതാ ഏഷ്യാ കപ്പിന് യോഗ്യത നേടി.നൂറുകണക്കിന് ഇറാനിയൻ ഫുട്ബോൾ പ്രേമികൾ ഈ വിജയം ആഘോഷിക്കുമ്പോൾ ഇറാൻ താരത്തിന്റെ ലിംഗഭേദത്തെക്കുറിച്ച് ജോർദാൻ സംശയം പ്രകടിപ്പിച്ചു.ജോർദാൻ രാജകുമാരൻ അലി ബിൻ അൽ ഹുസൈൻ ഞായറാഴ്ച ഏഷ്യൻ ഫുട്ബോൾ ഫെഡറേഷന് (എഎഫ്‌സി) ഒരു കത്ത് അയക്കുകയും ഗോൾ സോഹ്രെഹ് കൗദേയിയുടെ ‘ലിംഗ പരിശോധന’ നടത്തണമെന്ന് ആവശ്യപ്പെടുകയും ചെയ്തു.

കത്തിൽ, എഎഫ്‌സിയുടെ ആർട്ടിക്കിൾ 47 ഉദ്ധരിച്ച്, പങ്കെടുക്കുന്ന കളിക്കാർക്ക് ലിംഗ പരിശോധന നടത്തേണ്ടത് നിർബന്ധമല്ല. പക്ഷേ, പങ്കെടുക്കുന്ന കളിക്കാരുടെ യോഗ്യതയിൽ സംശയമുണ്ടെങ്കിൽ “അന്വേഷിച്ച് ശരിയായ നടപടികൾ കൈക്കൊള്ളാൻ” ഫെഡറേഷൻ ബാധ്യസ്ഥമാണ്. കൂടാതെ, “ഇറാൻ വനിതാ ഫുട്ബോൾ ടീമിന് ലിംഗഭേദവും ഉത്തേജക പ്രശ്‌നങ്ങളും ഉള്ള ചരിത്രമുണ്ടെന്ന്” അദ്ദേഹം നിർദ്ദേശിച്ചു, കൂടാതെ ഒരു സ്വതന്ത്ര അന്വേഷണം നടത്തണമെന്ന് അദ്ദേഹം ആവശ്യപ്പെട്ടു.

“ജോർദാനിയൻ ഫുട്ബോൾ അസോസിയേഷൻ സമർപ്പിച്ച തെളിവുകൾ കണക്കിലെടുത്ത്, ഈ മത്സരത്തിന്റെ പ്രാധാന്യം കണക്കിലെടുത്ത്, പ്രസ്തുത കളിക്കാരന്റെയും ടീമിലെ മറ്റുള്ളവരുടെയും യോഗ്യതയെക്കുറിച്ച് അന്വേഷിക്കാൻ സ്വതന്ത്ര മെഡിക്കൽ വിദഗ്ധരുടെ ഒരു പാനൽ സുതാര്യവും വ്യക്തവുമായ അന്വേഷണം ആരംഭിക്കാൻ ഞങ്ങൾ എഎഫ്‌സിയോട് അഭ്യർത്ഥിക്കുന്നു”.

32 കാരിയായ കൗദേയ് വർഷങ്ങളായി പലതവണ ഈ വിഷയത്തിൽ സ്വയം പ്രതിരോധിച്ചിട്ടുണ്ട്. ജോർദാനിയൻ രാജകുമാരന്റെ ചോദ്യത്തിന് മറുപടിയായി, ഇറാന്റെ ടീം സെലക്ടർ മറിയം ഇറാൻ‌ദൂസ്റ്റ് പറഞ്ഞത് , അപ്രതീക്ഷിത തോൽവിക്ക് ശേഷം കുറ്റപ്പെടുത്താനുള്ള ശ്രമമല്ലാതെ മറ്റൊന്നുമല്ല കത്ത് എന്ന് അവകാശപ്പെട്ടു.

തജിക്കിസ്ഥാനിൽ നടന്ന മത്സരത്തിൽ പെനാൽറ്റി ഷൂട്ടൗട്ടിൽ 4-2 എന്ന സ്‌കോറിനാണ് ഇസ്‌ലാമിക് റിപ്പബ്ലിക് ഓഫ് ഇറാൻ തങ്ങളുടെ ദീർഘകാല എതിരാളിയായ ജോർദാനെ പരാജയപ്പെടുത്തിയത്.കൗദേയിയുടെ അസാമാന്യ പ്രകടനവും ഇറാന്റെ വിജയവും രാജ്യത്തിന്റെ വനിതാ ടീമിന് ചരിത്രത്തിലെ ആദ്യ 2022 വനിതാ ഏഷ്യൻ കപ്പിന് അർഹമായി. 2022 ലെ എഎഫ്‌സി വനിതാ ഏഷ്യൻ കപ്പ് ഇന്ത്യയിൽ വെച്ചാണ് നടക്കുന്നത്.