❝ഫ്രീ കിക്കുകളുടെ രാജാവ് ❞ : ജൂനിഞ്ഞോ പെർണാംബുകാനോ| Juninho Pernambucano

നിർണായക മത്സരത്തിലെ അവസാന നിമിഷങ്ങളിൽ ഒരു ഫ്രീ കിക്ക് ലഭിക്കുകയും അത് എടുക്കാൻ ആരെയെങ്കിലും തിരഞ്ഞെടുക്കാമെങ്കിൽ നിങ്ങൾ ആരെയാണ് തിരഞ്ഞെടുക്കുന്നത്? ഡേവിഡ് ബെക്കാമിനെയോ, ആൻഡ്രിയ പിർലോയെയോ, ലയണൽ മെസ്സിയെയോ, ക്രിസ്റ്റ്യാനോ റൊണാൾഡോയോ, റൊണാൾഡീഞ്ഞോയെ? പക്ഷെ നിങ്ങൾക്ക് ബ്രസീലിയൻ ജൂനിഞ്ഞോ പെർണാംബുകാനോയെക്കുറിച്ച് കേട്ടിട്ടുണ്ടെങ്കിലും ആ പേര് മാത്രമാണ് തെരഞ്ഞെടുക്കുക.

തന്റെ തലമുറയിലെ ഏറ്റവും മികച്ച ഫ്രീ ടേക്കറായി ബ്രസീലിയൻ മിഡ്ഫീൽഡർ കണക്കാക്കപ്പെട്ടു. നക്കിൾ-ബോൾ എന്ന സാങ്കേതിക വികസിപ്പിക്കുകയും വിപ്ലവം സൃഷ്ടിക്കുകയും ചെയ്ത വ്യക്തിയായിട്ടാണ് പലരും ജൂനിഞ്ഞോയെ കണക്കാക്കുന്നത്. റൊണാൾഡോ തുടങ്ങി പല താരങ്ങളും ഈ ബ്രസീലിയൻ താരത്തിന്റെ ശൈലിയാണ് പിന്തുടരുന്നത്.

ജൂനിഞ്ഞോയുടെ ഫ്രീ കിക്കുകളുടെ ഒരു വീഡിയോ കാണുകയാണെങ്കിൽ നിങ്ങൾക്ക് എന്ത് കൊണ്ടാണ് ലോകത്തിലെ മികച്ച ഫ്രീ കിക്ക് ടേക്കറായി മാറിയതെന്നുള്ള ഉത്തരം ലഭിക്കും.ബ്രസീലിയൻ മിഡ്ഫീൽഡർക്ക് പന്ത് അതിശക്തമായ ശക്തിയോടും കൃത്യതയോടും കൂടി അടിക്കാൻ പ്രാപ്തിയുണ്ടായിരുന്നു ഒപ്പം നക്കിൾ ബോൾ സാങ്കേതികയും കൂടി ചേരുമ്പോൾ അത് ലക്‌ഷ്യം കാണുകയും ചെയ്തു.വായുവിൽ ‘ഇളകിമറിയുകയും’ നൃത്തം ചെയ്തുമാണ് ജൂനിഞ്ഞോയുടെ കിക്കുകൾ വലയിലെത്തുന്നത്. ആധുനിക ഫുട്ബോളിലെ ഏറ്റവും മികച്ച ഫ്രീ കിക്ക് ടേക്കർമാരായ ആന്ദ്രേ പിർലോ ബ്രസീലിയൻ താരത്തിന്റെ ആരാധകനായിരുന്നു. ‘ഞാൻ കരുതുന്നു, അതിനാൽ ഞാൻ കളിക്കുന്നു’ എന്ന തന്റെ പുസ്തകത്തിൽ ഫ്രീ കിക്കുകൾ എടുക്കുന്നതിനുള്ള കലയെക്കുറിച്ച് പിർലോ പ്രതിപാദിക്കുന്നുണ്ട്. അതിൽ ജൂണിഞ്ഞോയുടെ ഫ്രീകിക്കിന്റെ മേന്മയെ കുറിച്ച് ധാരാളം പ്രതിപാദിക്കുകയും ചെയ്തു.

1975 ജനുവരി 30 ന് ബ്രസീലിലെ റെസിഫെയിൽ ജനിച്ച അന്റോണിയോ അഗസ്റ്റോ റിബെയ്‌റോ റെയിസ് ജൂനിയർ, ജുനിൻഹോ പെർണാംബുകാനോ എന്നറിയപ്പെട്ടു. ജുനിൻ‌ഹോ തന്റെ ക്ലബ് കരിയറിൽ 77 ഫ്രീ കിക്ക് ഗോളുകൾ നേടിയിട്ടുണ്ട്. ഫ്രീകിക്ക് കൊണ്ട് മാത്രമല്ല സ്കില്ലും , വിഷനും ,ബോൾ കോൺട്രോളിങ്ങും ,പാസ്സിങ്ങും ,മികച്ച ക്രോസ്സുകളും ചേർന്ന മികച്ചൊരു ഒരു പ്ലേമേക്കറായിരുന്നു ബ്രസീലിയൻ. പിർലോയെപ്പോലെ തന്നെ ഡീപ് ലയിങ് പ്ലെ മേക്കർ ആയിരുന്നു ജൂണിഞ്ഞോ. കളികളിൽ ബ്രസീലിയൻ സാംബ ശൈലി കാത്തു സൂക്ഷ്‌ക്കുന്ന താരം പലപ്പോഴും ഗെയിമുകളിലെ മാന്ത്രിക നിമിഷങ്ങൾ കൊണ്ട് വരൻ കഴിവുളള താരം കൂടിയായിരുന്നു. ആ കാലഘട്ടത്തിലെ അണ്ടർ റേറ്റഡ് ആയുള്ള പ്ലേമേക്കർമാരിൽ ഒരാളായി അദ്ദേഹം കണക്കാക്കപ്പെടുന്നു.

ബ്രസീലിയൻ ഇതിഹാസം പ്രാദേശിക ക്ലബ് സ്പോർട്ട് റെസിഫിൽ കളിച്ചുതുടങ്ങി തുടങ്ങിയത്. രണ്ടു വർഷത്തെ റെസിഫിൽ കരിയറിൽ തന്റെ നക്കിൾ വികസിപ്പിക്കാൻ തുടങ്ങി. മാർസലിൻഹോ, ദിദി തുടങ്ങിയ കളിക്കാർ ഫ്രീ കിക്കുകൾ എടുക്കുന്നതു കണ്ട ശേഷമാണ് ഇത്തരമൊരു സാങ്കേതികവിദ്യ വികസിപ്പിക്കാനുള്ള പ്രചോദനം താരത്തിന് ലഭിക്കുന്നത്. സ്പോർട്ട് റെസിഫുമായുള്ള അദ്ദേഹത്തിന്റെ പ്രകടനങ്ങൾ 1995 ൽ വാസ്കോ ഡ ഗാമയിലേക്ക് ക്ഷണം ലഭിക്കുകയും ചെയ്തു.1995 മുതൽ 2001 വരെ ആറ് വർഷം നീണ്ടുനിന്ന വാസ്കോ കരിയറിൽ 188 മത്സരങ്ങളിൽ നിന്ന് 38 ഗോളുകൾ നേടി. 1997 ലും 2000 ലും രണ്ടുതവണ ബ്രസീലിയൻ സെറി എ കിരീടം നേടി. 1998 ൽ കോപ ലിബർട്ടഡോറസ് നേടി.

2001 ൽ ഫ്രഞ്ച് ക്ലബായ ലിയോണിൽ ചേർന്ന താരം തന്റെ കരിയറിലെ ഏറ്റവും വിജയകരമായ കരിയറിന് തുടക്കമാവുകയും ചെയ്തു. അതുവരെ ഫ്രഞ്ച് ലീഗിൽ കിരീടമൊന്നും നേടാൻ സാധിക്കാത്ത ലിയോൺ ജൂനിഞ്ഞോ വന്നതിൽ പിന്നെ 2002 മുതൽ 2009 വരെ 8 വർഷത്തിനുള്ളിൽ 7 ലീഗ് കിരീടങ്ങൾ നേടി. ഫ്രാൻസിൽ ജുനിൻ‌ഹോയുടെ വരവ് ഒരു യുഗത്തിന് തുടക്കമിട്ടു. ലിയോണിനായി 248 മത്സരങ്ങളിൽ നിന്നും 100 ഗോളുകൾ നേടിയപ്പോൾ അതിൽ 44 എണ്ണം ഫ്രീ കിക്കിൽ നിന്നായിരുന്നു. 2009 സീസണിൽ ബാഴ്‌സലോണയ്‌ക്കെതിരായ പ്രകടനം ,2005/06 സീസണിൽ റയൽ മാഡ്രിഡിനെതിരായ ഒരു മാൻ ഓഫ് മാച്ച് പ്രകടനവും എല്ലാം എന്നും ഓർമയിൽ നിൽക്കുന്നതാണ്. പെട്ടെന്ന് തന്നെ ബ്രസീലിയൻ ലോകത്തിലെ ഏറ്റവും മികച്ച ഡെഡ് ബോൾ സ്പെഷ്യലിസ്റ്റായി. 2009 ൽ ഖത്തർ ക്ലബ് അൽ ഗരാഫയിലെത്തിയ താരം 2011 ൽ വാസ്കോയിലേക്ക് തിരിച്ചു വന്നു.

ബ്രസീലിൽ ഇതിഹാസങ്ങളുടെ അതിപ്രസരമുള്ള കാലത്തായിരുന്നു ജൂനിഞ്ഞോ ദേശീയ ടീമിൽ എത്തുന്നത്.റൊണാൾഡിനോ, കക തുടങ്ങിയ കളിക്കാരുടെ സാന്നിധ്യം കാരണം ജുനിൻ‌ഹോ പലപ്പോഴും ഇടം ലഭിച്ചിരുന്നില്ല.1999 ൽ അർജന്റീനയ്‌ക്കെതിരെ സെലേക്കാവോയ്‌ക്കെതിരെ ജുനിൻഹോ ദേശീയ ടീമിൽ അരങ്ങേറ്റം കുറിച്ചു. 2002, 2006 ലോകകപ്പ് ടീമിൽ അദ്ദേഹം അംഗമായിരുന്നു.2006 ലോകകപ്പിൽജപ്പാനെതിരെ ഒരു ഗോൾ പോലും നേടി എന്നാൽ ലോകകപ്പിന് ശേഷം അന്താരാഷ്ട്ര ഫുട്ബോളിൽ നിന്ന് വിരമിക്കൽ പ്രഖ്യാപിച്ചു. ചെറുപ്പക്കാരായ കളിക്കാർക്ക് ദേശീയ ടീമിന് അവസരം ലഭിക്കാൻ വേണ്ടി അന്താരാഷ്ട്ര വേദിയിൽ നിന്ന് വിരമിച്ചതായി അദ്ദേഹം പറഞ്ഞു.1999 മുതൽ 2006 വരെ സെലേക്കാവോയ്ക്ക് വേണ്ടി കളിച്ച ജുനിൻഹോ 40 മത്സരങ്ങളിൽ നിന്ന് 6 ഗോളുകൾ നേടി.2019 ൽ ജുനിൻഹോയെ ഒളിമ്പിക് ലിയോനൈസിൽ ഫുട്ബോൾ ഡയറക്ടറായി നിയമിച്ചു. അദ്ദേഹത്തിന്റെ ഉപദേഷ്ടാവായി ലിയോൺ ലൂക്കാസ് പക്വെറ്റ, ബ്രൂണോ ഗുയിമാറീസ് എന്നി ബ്രസീലിയൻ താരങ്ങൾ ലിയോണിലെത്തുകയും ചെയ്തു.