‘കരീം ബെൻസെമ പ്രീമിയർ ലീഗിലേക്ക് ?’ : അൽ-ഇത്തിഹാദിൽ നിന്നും ഫ്രഞ്ച് സൂപ്പർ താരത്തെ സ്വന്തമാക്കാൻ ആഴ്‌സണൽ | Karim Benzema

നിരവധി യൂറോപ്യൻ താരങ്ങൾ ഉടൻ സൗദി അറേബ്യ വിടുമെന്ന് അഭ്യൂഹങ്ങൾ പരക്കുന്നതിനാൽ, ജനുവരി ട്രാൻസ്ഫർ വിൻഡോയിൽ ഞെട്ടിക്കുന്ന ചില നീക്കങ്ങൾ ഉണ്ടാകുമെന്ന് പ്രതീക്ഷിക്കുന്നു.ആ കളിക്കാരുടെ തിരിച്ചുവരവ് പ്രതീക്ഷിച്ചിരിക്കുന്ന ക്ലബ്ബുകളിൽ ഒന്നാണ് ആഴ്‌സണൽ. ജനുവരിയിൽ തങ്ങളുടെ സ്‌ക്വാഡ് ശക്തിപ്പെടുത്താനുള്ള ഒരുക്കത്തലാണ് ആഴ്സണൽ.

ഫോർവേഡുകളിൽ നിന്നുള്ള മോശം പ്രകടനം 2023 ലെ അവസാനത്തിൽ ആഴ്സണലിന്‌ വലിയ തിരിച്ചടി നൽകിയിരുന്നു. അത്കൊണ്ട് തന്നെ വിന്റർ ട്രാൻസ്ഫർ വിൻഡോയിൽ ഒരു ഗോൾ വേട്ടക്കാരനെ ഇറക്കാൻ ഗണ്ണേഴ്‌സ് താൽപ്പര്യപ്പെടുന്നു. ബ്രെന്റ്‌ഫോർഡിന്റെ ഇവാൻ ടോണിയാണ് പ്രധാന ലക്ഷ്യമെങ്കിലും മുൻ ബാലൺ ഡി ഓർ ജേതാവായ കരീം ബെൻസെമയെയും ആഴ്‌സണൽ ലക്ഷ്യമിടുന്നുണ്ട്.ആഴ്‌സണൽ കുറച്ചുകാലമായി ടോണിയെ സ്വന്തമാക്കാൻ ശ്രമം നടത്തുന്നുണ്ട്.

കഴിഞ്ഞ രണ്ട് സീസണുകളിലായി ഇംഗ്ലീഷ് പ്രീമിയർ ലീഗിൽ മികച്ച പ്രകടനം നടത്തുന്ന ടോണിക്ക് ചൂതാട്ട കുറ്റങ്ങൾ കാരണം എഫ്‌എ സസ്‌പെൻഡ് ചെയ്തതിനാൽ നടന്നുകൊണ്ടിരിക്കുന്ന സീസണിന്റെ ആദ്യ പകുതി നഷ്ടമായി.ടോണിയുടെ സൈനിംഗ് ഉറപ്പാക്കാൻ ആഴ്‌സണൽ തീവ്രശ്രമത്തിലാണെന്ന് റിപ്പോർട്ടു ചെയ്യപ്പെടുമ്പോൾ കളിക്കാരന്റെ ഭാരിച്ച ട്രാൻസ്ഫർ ഫീസും ക്ലബ്ബിന്റെ നിലവിലെ സാമ്പത്തിക സ്ഥിതിയും കണക്കിലെടുത്ത് കരാർ പൂർത്തിയാകാൻ സാധ്യതയില്ല. ട്രാൻസ്ഫർ സമയപരിധിക്കുള്ളിൽ ആഴ്‌സണൽ ടോണിയെ സ്‌നാപ്പ് ചെയ്യുന്നതിൽ പരാജയപ്പെടുകയാണെങ്കിൽ, ബെൻസെമ ഒരു മികച്ച പകരക്കാരനാകുമെന്നതിൽ സംശയമില്ല.

കഴിഞ്ഞ സമ്മറിൽ റയൽ മാഡ്രിഡുമായുള്ള കരാർ കാലഹരണപ്പെട്ടതിനെത്തുടർന്ന് സൗദി അറേബ്യയിലേക്ക് തങ്ങളുടെ അടിത്തറ മാറ്റിയ പ്രമുഖരിൽ ഒരാളായിരുന്നു ബെൻസെമ. അൽ-ഇത്തിഹാദിൽ ചേർന്നതിനുശേഷം, ഫ്രഞ്ച് ഇന്റർനാഷണൽ ആഭ്യന്തര ലീഗിൽ 15 മത്സരങ്ങൾ കളിച്ചു, 9 ഗോളുകളും 5 അസിസ്റ്റുകളും നേടി.സൗദി അറേബ്യയിൽ നിന്നുള്ള റിപ്പോർട്ടുകൾ പ്രകാരം, 18 കളികളിൽ 28 പോയിന്റുമായി സൗദി പ്രോ ലീഗ് പട്ടികയിൽ ഏഴാം സ്ഥാനത്തുള്ള അൽ-ഇത്തിഹാദുമായി ബെൻസെമ നിലവിൽ അത്ര തൃപ്തനല്ല. അവസാന മത്സരത്തിൽ ക്രിസ്റ്റ്യാനോ റൊണാൾഡോയുടെ അൽ-നാസറിന്റെ കൈയിൽ നിന്ന് 5-2 ന് നാണംകെട്ട തോൽവി ഏറ്റുവാങ്ങിയതിന് ശേഷം, ബെൻസെമയ്ക്ക് ആരാധകരിൽ നിന്ന് കടുത്ത തിരിച്ചടി ലഭിച്ചു.

കഴിഞ്ഞ ആഴ്ച തുടർച്ചയായി രണ്ട് പരിശീലന സെഷനുകളിൽ ബെൻസെമ എത്തിയില്ലെന്ന് സൗദി മാധ്യമമായ അൽ-റിയാദിയ അടുത്തിടെ റിപ്പോർട്ട് ചെയ്തു. ക്ലബ്ബിനെ അറിയിക്കാതെയാണ് ഫ്രഞ്ച് താരം ജിദ്ദ വിട്ടതെന്നും ഔട്ട്‌ലെറ്റ് അവകാശപ്പെട്ടു. ഫെബ്രുവരി 7 ന് ഷെഡ്യൂൾ ചെയ്യുന്ന അൽ-തായ്‌ക്കെതിരായ തന്റെ ടീമിന്റെ വരാനിരിക്കുന്ന ലീഗ് മത്സരത്തിന് മുമ്പ് ബെൻസെമ നഗരത്തിലേക്ക് മടങ്ങുമോ എന്നത് സംശയത്തിലാണ്.ഈ ജനുവരിയിൽ ബെൻസീമയുടെ സൈനിംഗ് ഉറപ്പാക്കാൻ ആഴ്സണൽ പ്രക്ഷുബ്ധമായ സാഹചര്യം മുതലെടുത്തേക്കാം.

പ്രീമിയർ ലീഗ് ടീമായ മാഞ്ചസ്റ്റർ യൂണൈറ്റഡിനും ഫ്രഞ്ച് താരത്തിൽ താല്പര്യമുണ്ട്.മൈക്കൽ അർട്ടെറ്റയെപ്പോലെ, യുണൈറ്റഡ് ബോസ് എറിക് ടെൻ ഹാഗും തന്റെ മുന്നേറ്റ നിര ശക്തിപ്പെടുത്താൻ ആഗ്രഹിക്കുന്നു.മുൻ ഫ്രഞ്ച് ഫുട്ബോൾ കളിക്കാരനും ക്ലബ് ഇതിഹാസവുമായ ലൂയിസ് സാഹ ബെൻസെമയുടെ പേര് ടെൻ ഹാഗിന് നിദ്ദേശിക്കുകയും ചെയ്തു.2009ൽ റൊണാൾഡോ ക്ലബ്ബ് വിട്ട് റയൽ മാഡ്രിഡിൽ ചേരുമ്പോൾ മാഞ്ചസ്റ്റർ യുണൈറ്റഡിലേക്കുള്ള നീക്കവുമായി 36-കാരൻ ഏറെ ബന്ധപ്പെട്ടിരുന്നു.