❝കിരീട നേട്ടത്തോടെ ക്രിസ്റ്റ്യാനോ റൊണാൾഡോയുടെ റെക്കോർഡറിനൊപ്പമെത്തി ലയണൽ മെസ്സി❞ |Lionel Messi
ഫൈനൽസിമയിൽ അർജന്റീനയെ വിജയത്തിലേക്ക് നയിച്ചതിന് ശേഷം ഇന്നലെ രാത്രി ലയണൽ മെസ്സി ക്രിസ്റ്റ്യാനോ റൊണാൾഡോയുടെ പ്രധാന അന്താരാഷ്ട്ര കിരീടങ്ങളുടെ പട്ടികയ്‌ക്കൊപ്പമെത്തി. തെക്കേ അമേരിക്കയിലെയും യൂറോപ്പിലെയും ചാമ്പ്യന്മാരെ പരസ്പരം ഏറ്റുമുട്ടുന്ന ഷോപീസ് ഏറ്റുമുട്ടൽ വെംബ്ലിയിൽ നടന്നപ്പോൾ എതിരില്ലാത്ത മൂന്നു ഗോളുകൾക്കാണ് മെസ്സിയുടെ അര്ജന്റീന ഇറ്റലിയെ കീഴടക്കിയത്.
ലയണൽ സ്‌കലോനിയുടെ ടീമിനായി ലൗട്ടാരോ മാർട്ടിനെസ്, എയ്ഞ്ചൽ ഡി മരിയ, പൗലോ ഡിബാല എന്നിവർ ഗോൾ നേടിയപ്പോൾ ലയണൽ മെസ്സി രണ്ട അസിസ്റ്റുമായി കളം നിറഞ്ഞു കളിക്കുകയും പ്ലയെർ ഓഫ് ദി മാച്ച് ആവുകയും ചെയ്തു.യൂറോപ്യൻ ചാമ്പ്യൻഷിപ്പിലെയും കോപ്പ അമേരിക്കയിലെയും ജേതാക്കൾ ഏറ്റുമുട്ടുന്നത് മൂന്നാം തവണയാണ്; 1993-ൽ ഡെൻമാർക്കിനെ പെനാൽറ്റി ഷൂട്ടൗട്ടിൽ കീഴടക്കിയ അർജന്റീനയുടെ രണ്ടാമത്തെ കിരീട നേട്ടമാണിത്.
ഈ വർഷം അവസാനം ഖത്തറിൽ നടക്കുന്ന 2022 ലോകകപ്പിൽ അർജന്റീനയെ നയിക്കാൻ ഒരുങ്ങുന്ന മെസ്സി കഴിഞ്ഞ ജൂലൈയിൽ കോപ്പ അമേരിക്കയുടെ പ്രതാപത്തോടെ അർജന്റീനയെ അവരുടെ 28 വർഷത്തെ ട്രോഫി വരൾച്ച അവസാനിപ്പിക്കാൻ സഹായിച്ചതിന് ശേഷം റൊണാൾഡോയുടെ പ്രധാന അന്താരാഷ്ട്ര കിരീടങ്ങൾക്കൊപ്പമെത്തിയിരിക്കുകയാണ് .
ക്രിസ്റ്റ്യാനോ റൊണാൾഡോ തന്റെ രാജ്യത്തിനായി യൂറോയും നേഷൻസ് ലീഗും നേടിയിട്ടുണ്ട്. എന്നാൽ ഇരു താരങ്ങൾക്ക് ഒരിക്കൽ പോലും ലോക കിരീടത്തിൽ മുത്തമിടാൻ സാധിച്ചിട്ടില്ല. ഖത്തറിൽ ലോകകപ്പ് നേടാനുള്ള അവസാന അവസരമായിരിക്കും രണ്ടു പേർക്കും. 37 ഉം 35 ഉം വയസ്സുള്ള റൊണാൾഡോക്കും മെസ്സിക്കും 2026 ലെ വേൾഡ് കപ്പിൽ കളിക്കാനാവുമോ എന്നത് സംശയമാണ്.
ഇന്നലെ നടന്ന മത്സരത്തിന് ശേഷം സൗത്ത് അമേരിക്കൻ ടീമുകൾ വളരെ നിലവാരമുള്ള മത്സരങ്ങൾ കളിക്കുന്നില്ലെന്നും അതിനാൽ ലോകകപ്പിൽ അവർക്കു സാധ്യത കുറവാണെന്നുള്ള ഫ്രഞ്ച് താരം എംബാപ്പയുടെ പ്രസ്താവനയെ പരാമർശിച്ച് മെസ്സി അഭിപ്രായ പ്രകടനം നടത്തിയിരുന്നു.ആരാണ് മുന്നിൽ വരുന്നതെന്ന കാര്യം ശ്രദ്ധിക്കുന്നില്ലെന്നു പറഞ്ഞ മെസി എല്ലാ മത്സരത്തിലും ഒരേ തലത്തിലുള്ള പ്രകടനം നടത്താനാണ് അർജന്റീന ശ്രമിക്കുന്നതെന്നും വ്യക്തമാക്കി.
ഞങ്ങൾ ആരാണെന്ന് അറിയുന്നതിനാൽ തന്നെ എതിരാളികൾ ആരാണെന്ന് ശ്രദ്ധിക്കുന്നില്ല. ഞങ്ങൾ എല്ലാ മത്സരവും ഒരേ രീതിയിലാണ് കളിക്കുന്നത് എന്നും മെസ്സി പറഞ്ഞു. ഇന്നലത്തെ വിജയത്തോടെ ലോകകപ്പിൽ എതിരാളികൾ വലിയൊരു സൂചനയാണ് മെസ്സിയും അർജന്റീനയും നൽകിയത്.