മെസ്സിയുടെ മനോഹരഗോൾ ശ്രമത്തിന് അബദ്ധവശാൽ വിലങ്ങുതടിയായി എംബപ്പേ,പിന്നാലെ മാരക അസിസ്റ്റുമായി മെസ്സി

ഇപ്പോൾ ലീഗ് വണ്ണിൽ നടന്നുകൊണ്ടിരിക്കുന്ന മത്സരത്തിൽ കരുത്തരായ പിഎസ്ജി മുന്നിട്ട് നിൽക്കുകയാണ്.ബ്രെസ്റ്റിനെതിരെയുള്ള മത്സരത്തിന്റെ ആദ്യ പകുതി ഇപ്പോൾ പിന്നിട്ടു കഴിഞ്ഞു. ഏകപക്ഷീയമായ ഒരു ഗോളിനാണ് പിഎസ്ജി മുന്നിട്ട് മുന്നിട്ടുനിൽക്കുന്നത്. ലയണൽ മെസ്സിയുടെ മാരക അസിസ്റ്റിൽ നിന്നും നെയ്മറാണ് ഗോൾ നേടിയത്

സൂപ്പർ താരങ്ങളായ മെസ്സി,നെയ്മർ,എംബപ്പേ എന്നിവരാണ് ടീമിന്റെ അറ്റാക്കിങ് നിരയിൽ അണിനിരന്നത്.മത്സരത്തിന്റെ പത്തൊമ്പതാം മിനിറ്റിൽ രസകരമായ ഒരു സംഭവം നടന്നിട്ടുണ്ട്. അതായത് ബ്രെസ്റ്റിന്റെ ബോക്സിൽ നടന്ന കൂട്ടപൊരിച്ചിലിനൊടുവിൽ ലയണൽ മെസ്സിലേക്ക് പന്ത് എത്തുകയായിരുന്നു. ചെസ്റ്റിലൂടെ പന്ത് നിയന്ത്രണത്തിലാക്കിയ മെസ്സി ഒരു ഫസ്റ്റ് ടൈം ഷോട്ട് തൊടുക്കുകയായിരുന്നു. എന്നാൽ ഇത് ഗോളായി മാറിയില്ല.

ഈ ഷോട്ടിനെ ഗോളിൽ നിന്നും തടഞ്ഞത് പിഎസ്ജി സൂപ്പർ താരമായ എംബപ്പേയായിരുന്നു. അബദ്ധവശാൽ എംബപ്പേയുടെ കാലിൽ തട്ടിക്കൊണ്ട് പന്ത് പുറത്തേക്ക് പോവുകയായിരുന്നു.എംബപ്പേയുടെ കാലിൽ തട്ടില്ലായിരുന്നുവെങ്കിൽ അത് ഉറപ്പായ ഒരു ഗോളായിരുന്നു. അതുകൊണ്ടുതന്നെ ട്വിറ്ററിൽ ഈ സംഭവം ഇപ്പോൾ വലിയ രൂപത്തിൽ ചർച്ചയായിട്ടുണ്ട്.

എന്നാൽ അധികം വൈകാതെ മെസ്സിയുടെ മനോഹരമായ അസിസ്റ്റ് പിറന്നു. മൈതാന മധ്യത്തിന്റെ കുറച്ച് മുന്നിൽനിന്നും പ്രതിരോധ നിരക്കാരുടെ തലക്കു മുകളിലൂടെ ലയണൽ മെസ്സി പന്ത് നെയ്മറിലേക്ക് കൃത്യമായി എത്തിക്കുകയായിരുന്നു നെയ്മറാവട്ടെ ഉടൻതന്നെ അത് ഫിനിഷ് ചെയ്യുകയും ചെയ്തു. മെസ്സിയുടെ വിഷൻ എത്രത്തോളം ഉണ്ട് എന്ന് വിളിച്ചോതുന്ന ഒരു അസിസ്റ്റായിരുന്നു ഇത്.

ഈ സീസണിലെ ഏഴാമത്തെ അസിസ്റ്റാണ് ഇപ്പോൾ മെസ്സി നേടിയിട്ടുള്ളത്. അതേസമയം നെയ്മറാവട്ടെ ഈ സീസണിലെ പത്താമത്തെ ഗോളും പൂർത്തിയാക്കി കഴിഞ്ഞു. ഇനി രണ്ടാം പകുതിയിൽ എന്ത് സംഭവിക്കും എന്നുള്ളതാണ് ആരാധകർ നോക്കുന്നത്.