“ലയണൽ മെസ്സിയുടെ പാരിസിലെ ജീവിതം ഒരു ‘ജീവനുള്ള നരക’മായി മാറിയിരിക്കുകയാണ് “

ബാഴ്‌സലോണയിലെ തന്റെ 18 വർഷത്തെ സ്പെൽ അവസാനിപ്പിച്ചുകൊണ്ട് 2021 വേനൽക്കാലത്ത് ലയണൽ മെസ്സി സൗജന്യമായി PSG-യിലേക്ക് മാറിയത്. എന്നാൽ ഇത്രയും കാലത്തിനിടയിൽ തന്റെ പ്രതിഭയോട് നീതിപുലർത്തുന്ന പ്രകടനം മെസ്സിയുടെ ഭാഗത്ത് നിന്നും ഇതുവരെ ഉണ്ടായിട്ടില്ല. ചില ഒറ്റപ്പെട്ട പ്രകടനങ്ങൾ മാത്രമാണ് മെസ്സിയുടെ ഭാഗത്തു നിന്നും ഉണ്ടായത്..എൽ നാഷനലിലെ ഏറ്റവും പുതിയ റിപ്പോർട്ടുകൾ ഇപ്പോൾ അവകാശപ്പെടുന്നത് അർജന്റീനക്കാരൻ വരുന്ന സീസണിൽ ബാഴ്‌സലോണയിലേക്ക് മടങ്ങാൻ ആഗ്രഹിക്കുന്നു എന്നാണ്.

ബാഴ്‌സലോണ പ്രസിഡന്റ് ജോവാൻ ലാപോർട്ടുമായി ബന്ധപ്പെടാൻ മെസ്സി തന്റെ പിതാവ് ജോർജിനോട് ആവശ്യപ്പെട്ടതായി റിപ്പോർട്ടിൽ പറയുന്നു.ഏഴ് തവണ ബാലൺ ഡി ഓർ ജേതാവ് പിഎസ്‌ജിയിൽ എത്തിയതു മുതൽ താളം കണ്ടെത്താൻ പാടുപെടുകയായിരുന്നു. താരത്തിന്റെ ജീവിതം ഒരു ‘ജീവനുള്ള നരക’മായി മാറിയെന്ന് റിപ്പോർട്ട് പറയുന്നു.ലയണൽ മെസ്സിക്ക് പിഎസ്ജി യിലെ ജീവിതം മടുത്തിരിക്കുകയാണ്.പാരിസിൽ നിന്ന് മെസ്സിക്ക് പുറത്തുകടക്കുന്നത് വളരെ ബുദ്ധിമുട്ടാണ്, കാരണം പ്രസിഡന്റ് നാസർ അൽ-ഖെലൈഫി ഒരു വർഷത്തിന് ശേഷം തന്റെ വിലപ്പെട്ട സ്വത്ത് നഷ്ടപ്പെടുത്താൻ ആഗ്രഹിക്കുന്നില്ല.

ബാഴ്‌സലോണയിൽ തിരിച്ചെത്തിയ മുൻ സഹതാരം ഡാനി ആൽവ്‌സിൽ നിന്ന് പ്രചോദനം ഉൾക്കൊണ്ട് മെസ്സിക്ക് തിരിച്ചു വരാൻ കഴിയും എന്നാണ് ആരാധകർ കരുതുന്നത്.ക്യാമ്പ് നൗവിലേക്ക് മടങ്ങി വരുമ്പോൾ തന്റെ വേതനം കുറക്കാനും മെസ്സി തായ്യാറാവും.ഫെബ്രുവരി 15 ന് നടക്കുന്ന യുവേഫ ചാമ്പ്യൻസ് ലീഗ് റൗണ്ട് ഓഫ് 16 ഏറ്റുമുട്ടലിൽ PSG റയൽ മാഡ്രിഡുമായി ഏറ്റുമുട്ടും.ലയണൽ മെസ്സിയുടെയും കൈലിയൻ എംബാപ്പെയുടെയും ജോഡി പാരിസിനെ ശക്തമാക്കും എന്ന വിശ്വാസത്തിലാണ് പരിശീലകൻ പോച്ചെറ്റിനോ.

ഇന്നലെ ഫ്രഞ്ച് ലീഗിൽ നടന്ന മത്സരത്തിൽ പിഎസ്‌ജി 5-1ന് ലില്ലെയെ തകർത്തിരുന്നു. മത്സരത്തിൽ ലയണൽ മെസ്സി ഒരു ഗോൾ നേടുകയും ഒരു അസിസ്റ്റ് നേടുകയും ചെയ്തു. മത്സരത്തിൽ താരം ഫോമിലേക്ക് തിരിച്ചു വരുന്നതിന്റെ സൂചനകളും നൽകി.