ഫ്രഞ്ച് ലീഗ് കിരീടത്തോടെ ബ്രസീലിയൻ താരത്തിന്റെ റെക്കോർഡിനൊപ്പമെത്തി ലയണൽ മെസ്സി |Lionel Messi

അർജന്റീന സൂപ്പർതാരം ലയണൽ മെസ്സി ഫുട്ബോൾ ചരിത്രത്തിലെ മറ്റൊരു നാഴികക്കല്ല് സ്വന്തമാക്കിയിരിക്കുകയാണ്.ഫുട്ബോൾ ചരിത്രത്തിൽ ഏറ്റവും കൂടുതൽ കിരീടങ്ങൾ നേടിയ കളിക്കാരനെന്ന ബാഴ്സലോണ ഇതിഹാസം ഡാനി ആൽവസിന്റെ റെക്കോർഡിന് ഒപ്പമെത്തിയിരിക്കുകയാണ് ലയണൽ മെസ്സി.

ഇരുവരും തങ്ങളുടെ ക്ലബ് കരിയറിൽ 43 ട്രോഫികൾ നേടിയിട്ടുണ്ട്. ഇന്നലെ ഫ്രഞ്ച് ലീഗ് 1 കിരീടം ഉറപ്പിച്ചതോടെയാണ് മെസി 43 കിരീടങ്ങൾ എന്ന നേട്ടത്തിലെത്തിയത്. ഇത് 11-ാം തവണയാണ് പാരീസുകാർ ലീഗ് 1 കിരീടം നെടുന്നത്. സ്ട്രാസ്ബർഗിനെതിരെ 1 -1 സമനില വഴങ്ങിയ മത്സരത്തിൽ ക്രിസ്റ്റോഫ് ഗാൽറ്റിയറുടെ ടീമിനായി 59-ാം മിനിറ്റിൽ മെസ്സി ഗോൾ നേടി.അർജന്റീനയുടെ ട്രോഫി കാബിനറ്റിൽ ഫിഫ ലോകകപ്പും കോപ്പ അമേരിക്കയും ഓരോന്നുണ്ട് .

യുവേഫ ചാമ്പ്യൻസ് ലീഗ് മൂന്ന് തവണ, ഫിഫ ക്ലബ് ലോകകപ്പ് മൂന്ന് തവണ, ലാ ലിഗ പത്ത് തവണ, ലീഗ് 1 രണ്ട് തവണ, യുവേഫ സൂപ്പർ കപ്പ് മൂന്ന് തവണ, കോപ്പ ഡെൽ റെയ്സ് ഏഴ് തവണ, സുപ്പർകോപ ഡി എസ്പാന എട്ട് തവണ, ഫ്രഞ്ച് ഒരു സൂപ്പർ കപ്പും ഒരു ഫൈനൽസിമയും ഉണ്ട്.ഈ സീസണിൽ പിഎസ്ജിയുടെ ലീഗ് 1 വിജയത്തിൽ മെസ്സി ഒരു നിർണായക താരമായിരുന്നു.31 മത്സരങ്ങളിൽ നിന്ന് 16 ഗോളുകൾ നേടുകയും അസിസ്റ്റുകൾ നൽകുകയും ചെയ്തിട്ടുണ്ട്.ഈ സീസണിൽ 39 മത്സരങ്ങളിൽ നിന്നായി 21 ഗോളുകളും 20 അസിസ്റ്റുകളും അർജന്റീനക്കാരൻ നേടിയിട്ടുണ്ട്.

സ്‌ട്രാസ്‌ബർഗിനെതിരായ തന്റെ ഓപ്പണറിലൂടെ ലയണൽ മെസ്സി മറ്റൊരു ഗോൾ സ്‌കോറിംഗ് റെക്കോർഡ് തകർക്കുകയും ചെയ്തു.യൂറോപ്പിലെ ഏറ്റവും മികച്ച അഞ്ച് ലീഗുകളിൽ 496-ാം ഗോൾ മെസ്സി പൂർത്തിയാക്കിയിരിക്കുകയാണ്. റൊണാൾഡോയുടെ 495 എന്ന മാർക്ക് മറികടന്നു. 626 മത്സരങ്ങളിൽ നിന്നാണ് റൊണാൾഡോ 495 ഗോളുകൾ നേടിയത്.ലാ ലിഗയിൽ ബാഴ്‌സലോണയ്‌ക്കായി 474 ഗോളുകൾ നേടിയ മെസ്സി ഇപ്പോൾ ലീഗ് 1 ൽ പാരീസുകാർക്കായി 22 ഗോളുകൾ നേടിയിട്ടുണ്ട്.ക്രിസ്റ്റ്യാനോ റൊണാൾഡോ റയൽ മാഡ്രിഡിനൊപ്പം ലാലിഗയിൽ 311 തവണയും മാഞ്ചസ്റ്റർ യുണൈറ്റഡിനൊപ്പം പ്രീമിയർ ലീഗിൽ 103 തവണയും യുവന്റസിനൊപ്പം സീരിയിൽ 81 തവണയും സ്കോർ ചെയ്തു.