ലയണൽ മെസ്സി, ലൂയിസ് സുവാരസ്, സെർജിയോ ബുസ്‌ക്വെറ്റ്‌സ് എന്നിവർ ഇൻ്റർ മിയാമിക്കായി കളിക്കില്ല | Inter Miami
നാളെ വാൻകൂവറിനെതിരായ നടക്കുന്ന ഇൻ്റർ മിയാമിയുടെ മത്സരത്തിൽ ലയണൽ മെസ്സി കളിക്കില്ല, ടീമിൻ്റെ തിരക്കേറിയ വരാനിരിക്കുന്ന ഷെഡ്യൂൾ അടിസ്ഥാനമാക്കിയാണ് വിശ്രമം നൽകുന്നതെന്ന് പരിശീലകൻ ജെറാർഡോ മാർട്ടിനോ പറഞ്ഞു.
50,000-ത്തിലധികം കാണികൾ പ്രതീക്ഷിക്കുന്ന മത്സരത്തിൽ മെസ്സിയും ടീമംഗങ്ങളായ ലൂയിസ് സുവാരസും സെർജിയോ ബുസ്‌ക്വെറ്റ്‌സും മിയാമിക്ക് വേണ്ടി കളിക്കില്ല. അടുത്തയാഴ്ച മിയാമിക്ക് രണ്ട് ഹോം മത്സരങ്ങളുണ്ട്.“ഈ മത്സരം കളിക്കാതിരിക്കുന്നതാണ് അവർക്ക് ഏറ്റവും നല്ലതെന്ന് ഞങ്ങൾ കരുതി.അവർ പരിശീലനം നടത്തുന്നുണ്ട്, പക്ഷേ അവർ ഗെയിമിന് ലഭ്യമാകില്ല” മാർട്ടിനോ പറഞ്ഞു.
“ഈ കളിക്കാർ കളിക്കുന്നത് കാണാൻ ആഗ്രഹിക്കുന്ന ആളുകളുടെ നിരാശ ഞങ്ങൾ മനസ്സിലാക്കുന്നു. പരിശീലകരെന്ന നിലയിൽ നമുക്ക് ചിലപ്പോൾ വളരെ ബുദ്ധിമുട്ടുള്ള തീരുമാനങ്ങൾ എടുക്കേണ്ടി വരും. എന്നാൽ കളിക്കാരുടെ ആരോഗ്യമാണ് നമ്മൾ എപ്പോഴും ശ്രദ്ധിക്കേണ്ടത” അദ്ദേഹം കൂട്ടിച്ചേർത്തു.ഒർലാൻഡോ, ന്യൂയോർക്ക്, വാഷിംഗ്ടൺ എന്നിവിടങ്ങളിലെ മറ്റ് MLS ഗെയിമുകൾ മെസ്സിക്ക് നഷ്ടമായി.
36 കാരനായ അർജൻ്റീന താരം ഈ സീസണിൽ 10 MLS ഗെയിമുകളിൽ നിന്ന് 10 ഗോളുകൾ നേടിയിട്ടുണ്ട്, കൂടാതെ 12 അസിസ്റ്റുകളുമായി ലീഗിൽ മുന്നിലാണ്.വെസ്റ്റേൺ കോൺഫറൻസിൽ ഏഴാം സ്ഥാനത്തുള്ള വാൻകൂവറിനെതിരായ മത്സരത്തിന് ശേഷം, ബുധനാഴ്ച അറ്റ്ലാൻ്റയിലും അടുത്ത ശനിയാഴ്ച സെൻ്റ് ലൂയിസിലും മിയാമി ആതിഥേയത്വം വഹിക്കുന്നു.