വിബിൻ മോഹനനും ,അയ്മനുമടക്കം അഞ്ചു മലയാളികളുമായി ഇന്ത്യൻ U23 ടീം |Indian Football

മലേഷ്യൻ പര്യടനത്തിനുള്ള ഇന്ത്യൻ അണ്ടർ 23 ടീമിനെ പ്രഖ്യാപിച്ചിരിക്കുകയാണ്. മാർച്ച് 22, 25 തീയതികളിൽ മലേഷ്യ U23 യ്‌ക്കെതിരെ രണ്ട് സൗഹൃദ മത്സരങ്ങൾ കളിക്കാൻ ഇന്ത്യൻ U23 ടീം മലേഷ്യയിലെ ക്വാലാലംപൂരിലേക്ക് പോകും.മുൻ ഇന്ത്യൻ ഇൻ്റർനാഷണലും നിലവിലെ നോർത്ത് ഈസ്റ്റ് യുണൈറ്റഡ് എഫ്‌സി അസിസ്റ്റൻ്റ് കോച്ചുമായ നൗഷാദ് മൂസയെ ഇന്ത്യ U23 പുരുഷ ടീമിൻ്റെ മുഖ്യ പരിശീലകനായി നിയമിച്ചു.

നോയൽ വിൽസൺ സഹപരിശീലകനും ദീപങ്കർ ചൗധരി ഗോൾകീപ്പർ കോച്ചുമാണ്. അഞ്ചു മലയാളി താരങ്ങളാണ് ഇന്ത്യൻ ടീമിൽ ഇടം പിടിച്ചത്.ക്യാമ്പ് മാർച്ച് 15 ന് ന്യൂഡൽഹിയിൽ ആരംഭിക്കും, തുടർന്ന് 23 കളിക്കാരുടെ അന്തിമ സ്ക്വാഡ് മാർച്ച് 20 ന് ക്വാലാലംപൂരിലേക്ക് പോകും. കേരള ബ്ലാസ്റ്റേഴ്‌സ് താരങ്ങളായ വിബിൻ മോഹനനും , മുഹമ്മദ് അയ്മനും ടീമിൽ ഇടം പിടിച്ചു. ജാംഷെഡ്പൂർ താരം മുഹമ്മദ് സാനാൻ, ഹൈദരാബാദ് താരം റബീഹ് ,ഈസ്റ്റ് ബംഗാൾ താരം വിഷ്ണു എന്നിവരാണ് ടീമിൽ ഇടം പിടിച്ച മറ്റു മലയാളികൾ. ബ്ലാസ്റ്റേഴ്‌സ് ഡിഫൻഡർ ഹോർമിപാം റൂയിവയും ടീമിൽ ഇടം പിടിച്ചിട്ടുണ്ട്.

ഇന്ത്യ U23 ടീം ക്യാമ്പിലേക്കുള്ള 26 സാധ്യതകളുടെ പട്ടിക:

ഗോൾകീപ്പർമാർ: അർഷ് അൻവർ ഷെയ്ഖ്, പ്രഭ്സുഖൻ സിംഗ് ഗിൽ, വിശാൽ യാദവ്
ഡിഫൻഡർമാർ: ബികാഷ് യുംനം, ചിങ്ങംബം ശിവാൽഡോ സിംഗ്, ഹോർമിപം റൂയിവ, നരേന്ദർ, റോബിൻ യാദവ്, സന്ദീപ് മാണ്ഡി

മിഡ്ഫീൽഡർമാർ: അഭിഷേക് സൂര്യവംശി, ബ്രിസൺ ഫെർണാണ്ടസ്, മാർക്ക് സോതൻപുയ, മുഹമ്മദ് ഐമെൻ, ഫിജാം സനാതോയ് മീതേയ്, തോയ്ബ സിംഗ് മൊയ്രാങ്തെം, വിബിൻ മോഹനൻ
ഫോർവേഡുകൾ: അബ്ദുൾ റബീഹ്, ഗുർകിരത് സിംഗ്, ഇർഫാൻ യാദ്വാദ്, ഇസക് വൻലാൽറുഅത്ഫെല, ഖുമന്തേം നിന്തോയിംഗൻബ മീതേയ്, മുഹമ്മദ് സനൻ, പാർഥിബ് സുന്ദർ ഗൊഗോയ്, സമീർ മുർമു, ശിവശക്തി നാരായണൻ, വിഷ്ണു പുതിയ വളപ്പിൽ