❝മാഞ്ചസ്റ്റർ യുണൈറ്റഡിന് ഒരു ‘ഓപ്പൺ ഹാർട്ട് ഓപ്പറേഷൻ’ ആവശ്യമാണ്❞ ; റാൽഫ് റാംഗ്നിക്ക് |Manchester United
ഇംഗ്ലീഷ് വമ്പന്മാരായ മാഞ്ചസ്റ്റർ യുണൈറ്റഡ് വലിയ പ്രതിസന്ധിയിലൂടെയാണ് കടന്നു പോയി കൊണ്ടിരിക്കുന്നത്.നിലവിൽ പ്രീമിയർ ലീഗ് പോയിന്റ് ടേബിളിൽ ആറാം സ്ഥാനത്തുള്ള യുണൈറ്റഡ് അടുത്ത സീസണിൽ ചാമ്പ്യൻസ് ലീഗിന് യോഗ്യത നേടാനുള്ള മത്സരത്തിലാണ്.
അടുത്ത സീസണിൽ ക്ലബ്ബിനെ പുനരുജ്ജീവിപ്പിക്കാനുള്ള് ശ്രമത്തിന്റെ ഭാഗമായി റാംഗ്നിക്കിന്റെ പിൻഗാമിയായി യുണൈറ്റഡ് അജാക്സ് ആംസ്റ്റർഡാം കോച്ച് എറിക് ടെൻ ഹാഗിനെ പുതിയ മാനേജരായി നിയമിച്ചു. 52 കാരൻ മൂന്ന് വർഷത്തെ കരാർ യൂണൈറ്റഡുമായി ഒപ്പുവച്ചു.എന്നാൽ മാഞ്ചസ്റ്റർ യുണൈറ്റഡിനെ പുനരുജ്ജീവിപ്പിക്കാൻ “ചെറിയ സൗന്ദര്യവർദ്ധക” പരിഹാരങ്ങളേക്കാൾ ഒരു “ഓപ്പൺ ഹാർട്ട് ഓപ്പറേഷൻ” ആവശ്യമാണ് എന്നാണ് ഇടക്കാല മാനേജർ റാൽഫ് റാംഗ്നിക്ക് അഭിപ്രായപ്പെട്ടത്. യുണൈറ്റഡ് പ്രീമിയർ ലീഗിൽ 33 കളികളിൽ നിന്ന് 54 പോയിന്റുമായി ആറാം സ്ഥാനത്താണ്.
“പ്രശ്‌നങ്ങൾ എവിടെയാണെന്ന് കാണാനും വിശകലനം ചെയ്യാനും നിങ്ങൾക്ക് കണ്ണട പോലും ആവശ്യമില്ല,” റാംഗ്നിക്ക് വെള്ളിയാഴ്ച ബ്രിട്ടീഷ് മാധ്യമത്തോട് പറഞ്ഞു.”ഇനി നമ്മൾ അവ എങ്ങനെ പരിഹരിക്കും എന്നതിനെക്കുറിച്ചാണ് ചിന്തിക്കേണ്ടത് . ചില ചെറിയ ഭേദഗതികൾ അല്ലെങ്കിൽ സൗന്ദര്യവർദ്ധക കാര്യങ്ങൾ ചെയ്താൽ പോരാ. വൈദ്യശാസ്ത്രത്തിൽ പറയുന്നപോലെ യുണൈറ്റഡിന് ഒരു ‘ഓപ്പൺ ഹാർട്ട് ഓപ്പറേഷൻ’ ആവശ്യമാണ് ” റാംഗ്നിക്ക് പറഞ്ഞു.
“ഇത് സംഭവിക്കുകയും ഇത് സംഭവിക്കേണ്ടതുണ്ടെന്ന് എല്ലാവരും മനസ്സിലാക്കുകയും ആളുകൾ ഒരുമിച്ച് പ്രവർത്തിക്കാൻ ആഗ്രഹിക്കുന്നുവെങ്കിൽ അത് പ്രവർത്തികമാവും.ഇവ മാറ്റാൻ രണ്ടോ മൂന്നോ വർഷം വേണ്ടിവരില്ല എന്ന് ഞാൻ വിശ്വസിക്കുന്നു. ഇത് ഒരു വർഷത്തിനുള്ളിൽ സംഭവിക്കാം”റാംഗ്നിക്ക് കൂട്ടിച്ചേർത്തു.
പുതിയ മാനേജർ ടെൻ ഹാഗിനെ “വളരെ നല്ല സ്വഭാവം” എന്ന് വിശേഷിപ്പിച്ച റാങ്‌നിക്, ഡച്ചുകാരന് ടീമിനെ പുനർനിർമ്മിക്കാൻ ശ്രമിക്കുമ്പോൾ അദ്ദേഹത്തെ പിന്തുണയ്ക്കാൻ ശക്തമായ നേതൃത്വം ആവശ്യമാണെന്നും പറഞ്ഞു.“സാധ്യമായ ഏറ്റവും മികച്ച കളിക്കാരെ ഉൾപ്പെടുത്താൻ ക്ലബിന് സാധിക്കുന്നു എന്നതാണ് ഏറ്റവും പ്രധാനപ്പെട്ട ഭാഗം,ഞങ്ങൾക്ക് മനോഭാവവും ഊർജ്ജവുമുണ്ട്,” രംഗ്നിക്ക് കൂട്ടിച്ചേർത്തു.