മാഞ്ചസ്റ്റർ യുണൈറ്റഡിന്റെ തുടർ വിജയങ്ങൾക്ക് അവസാനം കുറിച്ച് ക്രിസ്റ്റൽ പാലസ്: ഇറ്റാലിയൻ സൂപ്പർ കപ്പ് ഇന്റർ മിലാന്

ഇംഗ്ലീഷ് പ്രീമിയർ ലീഗിൽ മാഞ്ചസ്റ്റർ യുണൈറ്റഡിന്റെ കുതിപ്പിന് കടിഞ്ഞാണിട്ട് ക്രിസ്റ്റൽ പാലസ്.സെൽഹർസ്റ്റ് പാർക്കിൽ നടന്ന മത്സരത്തിൽ മൈക്കൽ ഒലീസിന്റെ ഇഞ്ചുറി ടൈം ഗോളിൽ പാലസ് യുണൈറ്റഡിനെ സമനിലയിൽ തളച്ചു. ഇരു ടീമുകളും ഓരോ ഗോളുകൾ വീതമാണ് നേടിയത്. സിറ്റിക്കെതിരായ ആ 2-1 വിജയത്തിൽ നിന്ന് ടെൻ ഹാഗ് മൂന്ന് മാറ്റങ്ങൾ വരുത്തി, അവയിൽ ഡച്ച് സ്ട്രൈക്കർ വൗട്ട് വെഗോർസ്റ്റ് പരിക്കേറ്റ ആന്റണി മാർഷലിന് പകരം മാഞ്ചസ്റ്റർ യുണൈറ്റഡ് അരങ്ങേറ്റം കുറിച്ചു.

മത്സരത്തിന്റെ 43ആം മിനുട്ടിൽ ക്യാപ്റ്റൻ ബ്രൂണോ ഫെർണാണ്ടസ് ആണ് മാഞ്ചസ്റ്റർ യുണൈറ്റഡിന് ലീഡ് നൽകിയത്. എറിക്സൺ നൽകിയ പാസ് സ്വീകരിച്ചായിരുന്നു ബ്രൂണോയുടെ ഫിനിഷ്. മാഞ്ചസ്റ്റർ യുണൈറ്റഡിന്റെ കഴിഞ്ഞ മത്സരത്തിലും ബ്രൂണോ ഗോൾ നേടിയിരുന്നു. യുണൈറ്റഡ് ഗോൾ കീപ്പർ ഡി ഹിയയുടെ മികച്ച സേവുകൽ രണ്ടമ്മ പകുതിയിൽ യുണൈറ്റഡിനെ ലീഡിൽ നിർത്തുന്നതിന് സഹായിച്ചു.മത്സരം അതിന്റെ സമാപനത്തോടടുക്കുമ്പോൾ പാലസ് എതിരാളികൾക്ക് മേൽ വലിയ സമ്മർദ്ദം ചെലുത്താൻ തുടങ്ങി.

81ആം മിനുട്ടിൽ കസെമിറോക്ക് മഞ്ഞ കാർഡ് കിട്ടിയത് യുണൈറ്റഡിന് തിരിച്ചടിയായി. കസെമിറോയ്ക്ക് ആഴ്സണലിന് എതിരായ മത്സരം സസ്പെൻഷൻ കാരണം നഷ്ടമാകും .ക്രിസ്റ്റൽ പാലസ് 91ആം മിനുട്ടിൽ സമനില ഗോൾ നേടി. എലിസെയുടെ ഒരു ലോകോത്തര ഫ്രീകിക്ക് ആണ് യുണൈറ്റഡിനെ ഞെട്ടിച്ച് കൊണ്ട് വലയിൽ കയറിയത്.ഈ സമനിലയോടെ മാഞ്ചസ്റ്റർ യുണൈറ്റഡ് 39 പോയിന്റുമായി ലീഗിൽ മൂന്നാം സ്ഥാനത്ത് നിൽക്കുകയാണ്. പാലസ് 23 പോയിന്റുമായി 12ആം സ്ഥാനത്തും നിൽക്കുന്നു.

ഇന്നലെ നടന്ന ഇറ്റാലിയൻ സൂപ്പർ കപ്പ് എസി മിലാനെ 3-0 ന് തോൽപ്പിച്ച് ഇന്റർനാഷണൽ ഇറ്റാലിയൻ സൂപ്പർ കപ്പ് സ്വന്തമാക്കി, ആദ്യ പകുതിയിൽ ഫെഡറിക്കോ ഡിമാർക്കോ, എഡിൻ ഡിസെക്കോ എന്നിവരുടെ ഗോളുകളും ലൗട്ടാരോ മാർട്ടിനെസിന്റെ മൂന്നാമതൊരു ഗോളും നേടി ട്രോഫി ഉറപ്പിച്ചു.കോപ്പ ഇറ്റാലിയ ജേതാക്കളും സീരി എ ചാമ്പ്യന്മാരും തമ്മിലുള്ള മത്സരം സൗദി അറേബ്യയിലെ റിയാദിലെ കിംഗ് ഫഹദ് ഇന്റർനാഷണൽ സ്റ്റേഡിയത്തിൽ ആണ് നടന്നത്.