മെസ്സി വേൾഡ് കപ്പ് അർഹിക്കുന്നുണ്ട്, എന്നാൽ അത് അദ്ദേഹം നേടാൻ ഞാൻ ആഗ്രഹിക്കുന്നില്ല: റൊണാൾഡോ

ഈ വരുന്ന ഖത്തർ വേൾഡ് കപ്പിൽ ഏറ്റവും കൂടുതൽ ഫേവറേറ്റുകളായി പലരും വിലയിരുത്തപ്പെടുന്ന ടീമാണ് അർജന്റീന.അതിനെ കാരണം അർജന്റീന ഇപ്പോൾ മിന്നുന്ന ഫോമിൽ കളിക്കുന്നു എന്നുള്ളതാണ്. മാത്രമല്ല അവരുടെ നായകനായ ലയണൽ മെസ്സിയും അത്യുജ്ജ്വല ഫോമിലാണ് കളിക്കുന്നത്.

ഈ സീസണിൽ 23 ഗോളുകളിൽ കോൺട്രിബ്യൂട്ട് ചെയ്യാൻ മെസ്സിക്ക് കഴിഞ്ഞിട്ടുണ്ട്. 13 ഗോളുകളും 10 അസിസ്റ്റുകളും ആണ് മെസ്സി ഈ സീസണിൽ നേടിയിട്ടുള്ളത്. ഇതിൽ നാല് ഗോളുകൾ അർജന്റീനയുടെ ജേഴ്സിയിൽ നേടിയതായിരുന്നു. ലയണൽ മെസ്സിയുടെ ഈ പ്രകടന മികവ് തന്നെയാണ് ഖത്തറിൽ അർജന്റീനക്ക് ഏറ്റവും നിർണായകമാവുക.

ബ്രസീലിയൻ ഇതിഹാസമായ റൊണാൾഡോ നസാരിയോ ഇപ്പോൾ മെസ്സിയുടെ വേൾഡ് കപ്പ് സാധ്യതകളെ വിലയിരുത്തിയിട്ടുണ്ട്. ലയണൽ മെസ്സി വേൾഡ് കപ്പ് അർഹിക്കുന്നുണ്ടെന്നും എന്നാൽ കിരീടം അദ്ദേഹം നേടുന്നത് തനിക്ക് ചിന്തിക്കാൻ പോലും കഴിയുന്നില്ല എന്നുമാണ് റൊണാൾഡോ പറഞ്ഞിട്ടുള്ളത്.ദി ഗാർഡിയനോട് സംസാരിക്കുകയായിരുന്നു അദ്ദേഹം.

‘ ബ്രസീലും അർജന്റീനയും തമ്മിലുള്ള റൈവൽറി വളരെയധികം വലുതാണ്.ഞങ്ങൾ തമ്മിൽ വലിയ പോരാട്ടങ്ങൾ നടന്നിട്ടുണ്ട്, പക്ഷേ അതെല്ലാം ബഹുമാനത്തോടെ കൂടിയായിരുന്നു.അതാണ് ഫുട്ബോളിലെ ഏറ്റവും മനോഹരമായ കാര്യം.തീർച്ചയായും ലയണൽ മെസ്സി വേൾഡ് കപ്പ് കിരീടം അർഹിക്കുന്നുണ്ട്.എന്നാൽ അർജന്റീനയും അദ്ദേഹവും കിരീടം ഉയർത്തുന്നത് എനിക്ക് ചിന്തിക്കാൻ പോലും പറ്റുന്നില്ല. അതുകൊണ്ടുതന്നെ ഞാൻ അവർക്ക് പിന്തുണ നൽകില്ല.ഞാൻ അദ്ദേഹത്തെ ഇഷ്ടപ്പെടുന്നു, പക്ഷേ ഈ റൈവൽറി കാരണം അർജന്റീന കിരീടം നേടുന്നത് ഞാൻ കാണാൻ ആഗ്രഹിക്കുന്നില്ല ‘ റൊണാൾഡോ നസാരിയോ പറഞ്ഞു.

ഈ വേൾഡ് കപ്പിൽ അർജന്റീനയുടെ ബദ്ധവൈരികളായ ബ്രസീലും കിരീട സാധ്യത കൽപ്പിക്കപ്പെടുന്ന ടീമുകളിൽ ഒന്നാണ്.അതുകൊണ്ടുതന്നെ ഈ ഖത്തർ വേൾഡ് കപ്പിൽ ഒരു കടുത്ത പോരാട്ടമാണ് എല്ലാവരും പ്രതീക്ഷിക്കുന്നത്.