മറഡോണയെക്കാൾ മുകളിലാണ് മെസ്സി: കാരണം വിശദീകരിച്ച് സബലേറ്റ

അർജന്റീനയുടെ രണ്ട് ഇതിഹാസങ്ങളാണ് ഡിയഗോ മറഡോണയും ലയണൽ മെസ്സിയും. അർജന്റീനയുടെ പേരും യശസ്സും വാനോളം ഉയർത്താൻ ഈ രണ്ട് ഇതിഹാസങ്ങൾക്കും കഴിഞ്ഞിട്ടുണ്ട്. ഇവരിൽ ആരാണ് മികച്ചത് എന്നുള്ളത് വലിയ ഒരു ചോദ്യചിഹ്നം തന്നെയാണ്.

മറഡോണയാണോ അതോ മെസ്സിയാണോ മികച്ചത് എന്ന ചോദ്യത്തിൽ മുൻ അർജന്റൈൻ താരമായിരുന്ന സബലേറ്റ മെസ്സിക്കോപ്പമാണ് നിന്നിട്ടുള്ളത്. മറഡോണയെക്കാൾ ഒരല്പം മുകളിലാണ് മെസ്സി എന്നാണ് തന്റെ അഭിപ്രായമായി കൊണ്ട് സബലേറ്റ പറഞ്ഞിട്ടുള്ളത്.ഇതിനുള്ള കാരണവും അദ്ദേഹം വിശദീകരിക്കുന്നുണ്ട്.

‘ 1980 കാലഘട്ടത്തിലും 1990 കാലഘട്ടത്തിലുമൊക്കെ ഇപ്പോഴത്തെ ഫുട്ബോളിൽ നിന്നും കാര്യങ്ങൾ വ്യത്യസ്തമായിരുന്നു. എന്നെ സംബന്ധിച്ചിടത്തോളം മെസ്സി മറഡോണയെക്കാൾ ഒരല്പം മുകളിലാണ്. പക്ഷേ നിങ്ങൾ എന്റെ പിതാവിനോട് ചോദിക്കുകയാണെങ്കിൽ അദ്ദേഹം പറയും മറഡോണയാണ് മികച്ചത്, അതെനിക്കറിയാം. മെസ്സിക്കൊപ്പം ഞാൻ കളിച്ചത് കൊണ്ടോ അല്ലെങ്കിൽ ഞാൻ അദ്ദേഹത്തിന്റെ സുഹൃത്ത് ആയതുകൊണ്ട് അല്ല ഇത് പറയുന്നത്.മറിച്ച് പത്ത് പതിനഞ്ച് വർഷമായി അദ്ദേഹം ചെയ്യുന്ന കാര്യങ്ങൾ കൊണ്ടാണ് ‘ സബലേറ്റ തുടരുന്നു.

‘ മാത്രമല്ല ഈ 35ആം വയസ്സിലും മെസ്സി മനോഹരമായ നിമിഷങ്ങൾ നമുക്ക് സമ്മാനിക്കുന്നു. അത് ഫന്റാസ്റ്റിക് ആയിട്ടുള്ള ഒരു കാര്യമാണ്.അതുകൊണ്ടാണ് ഞാൻ മെസ്സിയാണ് മികച്ചത് എന്ന് പറയാൻ കാരണം. മറഡോണ ഒരു ജീനിയസ് ആയിരുന്നു എന്നെനിക്കറിയാം. വർഷങ്ങളോളം മറഡോണയുടെ വീഡിയോകൾ കാണുന്നവരാണ് നമ്മൾ.പക്ഷേ മെസ്സി കഴിഞ്ഞ 15 വർഷമായി ചെയ്യുന്നത്, അത് അത്ഭുതകരം തന്നെയാണ് ‘ സബലേറ്റ പറഞ്ഞു.

ഏതായാലും ലയണൽ മെസ്സി തന്നെ കരിയറിന്റെ അവസാന കാലഘട്ടത്തിലൂടെയാണ് ഇപ്പോൾ സഞ്ചരിച്ചുകൊണ്ടിരിക്കുന്നത്. അർജന്റീനയുടെ പരിശീലകൻ പറഞ്ഞതുപോലെ അദ്ദേഹത്തെ പരമാവധി ആസ്വദിക്കുക എന്നുള്ളത് മാത്രമാണ് ഇപ്പോൾ നമുക്ക് ചെയ്യാനുള്ളത്.