ബൂട്ടുകൾ തീ തുപ്പുന്നു, തടയാൻ കഴിയാത്ത വിധം കുതിച്ച് നെയ്മർ, ആവേശത്തിമിർപ്പിൽ ബ്രസീലും ആരാധകരും|Neymar

ഈ സീസൺ ആരംഭിക്കുന്നതിനു മുന്നേ നെയ്മറുമായി ബന്ധപ്പെട്ട ഒരുപാട് അരക്ഷിതാവസ്ഥകൾ അരങ്ങേറിയിരുന്നു. നെയ്മർ ജൂനിയർ പിഎസ്ജിക്ക് വേണ്ട എന്നായിരുന്നു പലരും കണ്ടെത്തിയിരുന്നത്. പക്ഷേ നെയ്മറെ ഒഴിവാക്കാൻ സാധിക്കാതെ വന്നതോടെ ക്ലബ്ബ് താരത്തെ തുടരാൻ അനുവദിച്ചതായും റിപ്പോർട്ടുകൾ പുറത്തേക്ക് വന്നു.

പക്ഷേ നെയ്മർ ശാന്തനായിരുന്നു.തനിക്ക് ക്ലബ്ബിൽ തന്നെ തുടരണമെന്നായിരുന്നു അദ്ദേഹത്തിന്റെ നിലപാട്.ഈ സീസണിന് വേണ്ടി ഒരുപാട് കഠിനാധ്വാനം നെയ്മർ ചെയ്തു. ഈ സീസണിൽ എല്ലാവിധ ഗോളുകളും നേടുമെന്ന് നെയ്മർ ആരാധകർക്ക് ഉറപ്പ് നൽകി.ആ ഉറപ്പുകൾ പാലിക്കുന്ന നെയ്മറെയാണ് ഇപ്പോൾ ലോക ഫുട്ബോളിന് കാണാൻ കഴിയുക.

എതിരാളികൾക്ക് തടയാൻ കഴിയാത്ത വിധം നെയ്മർ കുതിക്കുകയാണ്. കുറച്ച് മുമ്പ് നടന്ന മത്സരത്തിൽ പിഎസ്ജി ബ്രെസ്റ്റിനെ പരാജയപ്പെടുത്തിയപ്പോൾ വിജയഗോൾ പിറന്നത് നെയ്മറുടെ ബൂട്ടുകളിൽ നിന്നാണ്. നെയ്മറുടെ ബോട്ടുകൾ ഇപ്പോൾ തീ തുപ്പി കൊണ്ടിരിക്കുകയാണ്. ഈ സീസണിൽ ഇപ്പോൾ തന്നെ 17 ഗോൾ കോൺട്രിബൂഷൻസാണ് നെയ്മർ വഹിച്ചു കഴിഞ്ഞത് എന്നറിയുമ്പോൾ പലരും തലയിൽ കൈ വെക്കും.