വേൾഡ് കപ്പിൽ ക്രിസ്റ്റ്യാനോക്ക് പകരക്കാരനായി ഇറങ്ങിയ താരത്തെ സ്വന്തമാക്കി പിഎസ്ജി |PSG |Goncalo Ramos

പാരീസ് സെന്റ് ജെർമെയ്ൻ പോർച്ചുഗൽ സ്‌ട്രൈക്കർ ഗോങ്കലോ റാമോസിനെ ബെൻഫിക്കയിൽ നിന്ന് സീസൺ ലോൺ ലോണിൽ സൈൻ ചെയ്തിരിക്കുകയാണ്.21 കാരനായ സ്‌ട്രൈക്കർ 2023/23 സീസണിൽ ബെൻഫിക്കയ്‌ക്കായി 30 തവണ കളിക്കുകയും ലീഗിൽ 19 ഗോളുകൾ നേടുകയും ചെയ്തു. സീസണിൽ മൊത്തം 47 മത്സരങ്ങൾ കളിച്ച താരം 27 ഗോളുകളും 12 അസിസ്റ്റും സ്വന്തമാ പേരിൽ ചേർത്തു .2022-ൽ ഖത്തറിൽ നടന്ന ലോകകപ്പിൽ പോർച്ചുഗലിനായി മികച്ച പ്രകടനമാണ് താരം നടത്തിയത്.

“പാരീസ് സെന്റ് ജെർമെയ്‌നിൽ ചേരാൻ കഴിഞ്ഞതിൽ വലിയ അഭിമാനവും അതിയായ സന്തോഷവുമുണ്ട്. ഏറ്റവും മികച്ച സ്ക്വാഡുകളുള്ള ലോകത്തിലെ ഏറ്റവും വലിയ ക്ലബ്ബുകളിലൊന്നാണ് PSG”ഗോങ്കലോ റാമോസ് പറഞ്ഞു.12-ാം വയസ്സിൽ ക്ലബ്ബിന്റെ അക്കാദമിയിൽ ചേർന്നതിന് ശേഷം 2020-ൽ ബെൻഫിക്കയ്ക്കായി റാമോസ് അരങ്ങേറ്റം കുറിച്ചു, പോർച്ചുഗീസ് ചാമ്പ്യനുവേണ്ടി 106 മത്സരങ്ങളിൽ നിന്ന് 16 അസിസ്റ്റുകളോടെ 41 ഗോളുകൾ നേടി.

ഖത്തർ വേൾഡ് കപ്പിൽ സൂപ്പർ താരം ക്രിസ്റ്റ്യാനോ റൊണാൾഡോക്ക് പകരക്കാരനായി ഇറങ്ങിയ 22 കാരൻ ഹാട്രിക്ക് നേടിയിരുന്നു.സ്വിറ്റ്‌സർലൻഡിനെ 6-1 നു പോർട്ടുഗൽ വിജയിച്ച മത്സരത്തിലാണ് 22 കാരൻ ഹാട്രിക്ക് നേടിയത്.റാമോസിന്റെ മികച്ച ഗോൾ സ്‌കോറിംഗ് കഴിവും ബോക്സിനുള്ളിലെ ബുദ്ധിപരമായ ചലനവുമാണ് പിഎസ്ജിയെ ആകർഷിച്ചത്. ഇംഗ്ലീഷ് വമ്പന്മാരായ മാഞ്ചസ്റ്റർ യുണൈറ്റഡും റാമോസിൽ താല്പര്യവുമായി എത്തിയിരുന്നു.

ജൂലൈയിൽ മാനേജർ ക്രിസ്‌റ്റോഫ് ഗാൽറ്റിയറിനെ പുറത്താക്കി പകരം ബാഴ്‌സലോണയുടെയും സ്‌പെയിനിന്റെയും മുൻ കോച്ച് ലൂയിസ് എൻറിക്വെയെ നിയമിച്ച പിഎസ്‌ജിയിൽ മാർക്കോ അസെൻസിയോ, മിലൻ സ്‌ക്രീനിയർ, ലീ കാങ്-ഇൻ, ഹ്യൂഗോ എകിറ്റികെ, ലൂക്കാസ് ഹെർണാണ്ടസ്, മാനുവൽ ഉഗാർട്ടെ എന്നിവരെ സ്വന്തമാക്കിയിരുന്നു.ലീഗ് 1 ചാമ്പ്യൻ ബാഴ്‌സലോണയിൽ നിന്ന് ഫ്രാൻസ് ഫോർവേഡ് ഔസ്മാൻ ഡെംബെലെയെയും സൈൻ ചെയ്യാൻ ഒരുങ്ങുകയാണ്.