ആറിൽ ആറു ജയവുമായി റയൽ മാഡ്രിഡ് : ഗ്രൂപ്പ് ജേതാക്കളായി ആഴ്‌സണൽ : ഇന്റർ മിലാനെ മറികടന്ന് ഗ്രൂപ്പ് ചാമ്പ്യൻമാരായി റയൽ സോസിഡാഡ്
ചാമ്പ്യൻസ് ലീഗ് ഗ്രൂപ്പ് സിയിലെ അവസാന മത്സരത്തിൽ യൂണിയൻ ബെർലിനെതിരെ രണ്ടിനെതിരെ മൂന്നു ഗോളിന്റെ വിജയവുമായി റയൽ മാഡ്രിഡ്.89-ാം മിനിറ്റിൽ ഡാനി സെബല്ലോസ് ആണ് റയലിന്റെ വിജയ ഗോൾ നേടിയത്.ആറ് മത്സരങ്ങളിൽ നിന്ന് ആറ് വിജയങ്ങൾ നേടി റയൽ മാഡ്രിഡ് അവരുടെ ഗ്രൂപ്പ് ഘട്ടം അവസാനിപ്പിച്ചു.
45 ആം മിനുട്ടിൽ റയലിന് അനുകൂലമായി പെനാൽറ്റി ലഭിച്ചെങ്കിലും കിക്കടുത്ത ലൂക്കാ മോഡ്രിച്ചിന് പിഴച്ചു. വെറ്ററൻ താരത്തിന്റെ പെനാൽറ്റി ഗോൾകീപ്പർ ഫ്രെഡറിക് റോണോ രക്ഷപ്പെടുത്തി. ആദ്യ പകുതിയിലെ സ്റ്റോപ്പേജ് ടൈമിൽ കെവിൻ വോളണ്ട് നേടിയ ഗോളിൽ യൂണിയൻ ബെർലിൻ ലീഡ് നേടി.യൂറോപ്പ ലീഗിലേക്ക് യോഗ്യത നേടുന്നതിന് യൂണിയൻ വിജയിക്കേണ്ടതുണ്ടായിരുന്നു.
55-ാം മത്സരത്തിൽ റോണോ ഒരിക്കൽ കൂടി അവരുടെ രക്ഷയ്‌ക്കെത്തി, പോയിന്റ്-ബ്ലാങ്ക് റേഞ്ചിൽ നിന്ന് റോഡ്രിഗോയുടെ ഹെഡ്ഡർ കൈപ്പിടിയിലൊതുക്കി. എന്നാൽ 61 ആം മിനുട്ടിൽ ഡെയ്‌നെ ജോസെലു നേടിയ ഹെഡ്ഡർ ഗോളിൽ റയൽ സമനില പിടിച്ചു.73-ൽ മറ്റൊരു ഹെഡറിലൂടെ മാഡ്രിഡ് ഫോർവേഡ് വീണ്ടും ഗോൾ നേടി.എന്നാൽ 85-ൽ അലക്‌സ് ക്രാലിന്റെ ഗോളിലൂടെ ജർമൻ ക്ലബ് സമനില പിടിച്ചു.സെബാലോസ് 89-ാം മിനുട്ടിൽ റയലിന്റെ വിജയ ഗോൾ നേടി.
ബ്രാഗയ്‌ക്കെതിരെ സ്വന്തം തട്ടകത്തിൽ 2-0ന് ജയിച്ച നാപ്പോളിയും റയലിനൊപ്പം ഗ്രൂപ്പ് ഘട്ടത്തിലേക്ക് യോഗ്യത നേടി.ആദ്യ പകുതിയിലാണ് നാപോളി രണ്ടു ഗോളുകളും നേടിയത്.ഗ്രൂപ്പ് സിയിൽ 10 പോയിന്റുമായി റയൽ മാഡ്രിഡിന് എട്ട് പോയിന്റിന് പിന്നിൽ ഇറ്റാലിയൻ ടീം രണ്ടാം സ്ഥാനത്തെത്തി.ബ്രാഗ മൂന്നാം സ്ഥാനത്തെത്തി യൂറോപ്പ ലീഗ് പ്ലെ ഓപ്ഫ് ഉറപ്പിച്ചു.യൂണിയൻ ബെർലിൻ രണ്ട് പോയിന്റുമായി അവസാന സ്ഥാനത്തെത്തി.
ഒന്പതാം മിനുട്ടിൽ ഒമ്പതാം മിനിറ്റിൽ മാറ്റിയോ പൊളിറ്റാനോ ബോക്‌സിലേക്ക് നൽകിയ ക്രോസ്സ് ബ്രാഗ താരം സെർദാർ സാറ്റ്‌സി സെൽഫ് ഗോളാക്കി മാറ്റി.33-ാം മിനിറ്റിൽ വിക്ടർ ഒസിംഹെൻവി നാപോളിയുടെ രണ്ടാം ഗോൾ നേടി.ഈ സീസണിൽ ഒസിംഹെന്റെ ആദ്യ ചാമ്പ്യൻസ് ലീഗ് ഗോളായിരുന്നു ഇത്. കഴിഞ്ഞ ദിവസം നൈജീരിയൻ ഇന്റർനാഷണൽ ആഫ്രിക്കൻ ഫുട്ബോളർ ഓഫ് ദി ഇയർ അവാർഡ് നേടിയിരുന്നു.
ഡച്ച് ലീഗ് നേതാക്കളായ പി‌എസ്‌വി ഐൻ‌ഹോവനെ 1-1ന് സമനിലയിൽ തളച്ച ആഴ്‌സണൽ ഒന്നാം സ്ഥാനക്കാരായി ഗ്രൂപ്പ് ഘട്ടം അവസാനിപ്പിച്ചു. ഇരു ടീമുകളും അവസാന 16-ൽ ബെർത്ത് ഉറപ്പിച്ചു.ഇടവേളയ്ക്ക് മൂന്ന് മിനിറ്റ് മുമ്പ് എഡ്ഡി എൻകെറ്റിയ ആഴ്‌സണലിനെ മുന്നിലെത്തിച്ചു, എന്നാൽ രണ്ടാം പകുതിയിൽ അഞ്ച് മിനിറ്റിനുള്ളിൽ യോർബെ വെർട്ടെസനിലൂടെ ഡച്ച് ക്ലബ് സമനില നേടി.ആറ് മത്സരങ്ങളിൽ നിന്ന് ഒമ്പതിന് 13 പോയിട്ടാണ് ആഴ്‌സണൽ നേടിയത്. 6 മത്സരങ്ങളിൽ നിന്നും ഐന്തോവൻ 9 പോയിന്റ് നേടിയപ്പോൾ 8 പോയിന്റുമായി ആർസി ലെൻസ് യൂറോപ്പ് ലീഗിലേക്ക് യോഗ്യത നേടി. അവസാന മത്സരത്തിൽ ലെന്സിനോട് പരാജയപ്പെട്ട സെവില്ല അവസാന സ്ഥാനക്കാരായി.
ഗ്രൂപ്പ് ഡിയിൽ ഇന്റർ മിലാനെ ഗോൾരഹിത സമനിലയിൽ തളച്ച് റയൽ സോസിഡാഡ് ഒന്നാം സ്ഥാനം കരസ്ഥമാക്കിയിരിക്കുകയാണ്. 6 മത്സരങ്ങളിൽ നിന്നും 3 വിജയവും 3 സമനിലയുമാണ് ല ലീഗ ക്ലബ് നേടിയത്.വർ 12 പോയിന്റുമായി ഫിനിഷ് ചെയ്തു.12 പോയിന്റ് ഉണ്ടെങ്കിലും ഗോൾ വ്യത്യാസത്തിൽ ഇന്റർ മിലാൻ രണ്ടാം സ്ഥാനത്തായി. സാൽസ്ബർഗിനെ ഒന്നിനെതിരെ മൂന്നു ഗോളുകൾക്ക് പരിചയപെടുത്തിയ ബെൻഫിക്ക 4 പോയിന്റുമായി യൂറോപ്പ് ലീഗിലേക്ക് കടന്നു.ഏഞ്ചൽ ഡി മരിയ (32′) റാഫ സിൽവ (45’+1′) ആർതർ കബ്രാൾ (90’+2′) എന്നിവരാണ് ബെൻഫിക്കയുടെ ഗോളുകൾ നേടിയത്.