എന്തുകൊണ്ട് സാധിക്കില്ല ?ക്രിസ്റ്റ്യാനോ റൊണാൾഡോയ്ക്കായി സൗദി അറേബ്യ ഫുട്ബോൾ മേധാവി രംഗത്ത് |Cristiano Ronaldo

സമ്മർ ട്രാൻസ്ഫർ വിൻഡോ അവസാനിച്ചിട്ട് രണ്ടാഴ്ചയിൽ കൂടുതലായെങ്കിലും മാഞ്ചസ്റ്റർ യുണൈറ്റഡിൽ ക്രിസ്റ്റ്യാനോ റൊണാൾഡോയുടെ ഭാവിയെക്കുറിച്ചുള്ള ഊഹാപോഹങ്ങൾ അവസാനിക്കുന്നില്ല.ജനുവരി വിൻഡോയിൽ ഇതിഹാസ സ്‌ട്രൈക്കർ ഓൾഡ് ട്രാഫോഡിൽ നിന്ന് പുറത്തുപോകാൻ വീണ്ടും ശ്രമം നടത്തുമെന്ന റിപോർട്ടുകൾ പുറത്ത് വന്നിരുന്നു.

സൗദി അറേബ്യൻ ഫുട്ബോൾ ഫെഡറേഷൻ പ്രസിഡന്റ് യാസർ അൽ മിസെഹൽ പോർച്ചുഗീസ് സൂപ്പർ താരത്തിന് വ്യക്തമായ ട്രാൻസ്ഫർ സന്ദേശം അയച്ചിട്ടുണ്ട്.പുതിയ മാനേജർ എറിക് ടെൻ ഹാഗിന്റെ കീഴിലുള്ള മാഞ്ചസ്റ്റർ യുണൈറ്റഡിന്റെ പ്രീ-സീസണിന്റെ ഒരു പ്രധാന ഭാഗം റൊണാൾഡോയ്ക്ക് നഷ്ടമായതോടെ സൂപ്പർ താരം ക്ലബ് വിടുമെന്നാണ് എല്ലാവരും കരുതിയിരുന്നത്.37 കാരനായ സ്‌ട്രൈക്കറെ സൈൻ ചെയ്യാൻ താല്പര്യവുമായി ചെൽസി വീണ്ടും രംഗത്ത് വന്നിരിക്കുകയാണ്. റൊണാൾഡോയെ സ്റ്റാംഫോർഡ് ബ്രിഡ്ജിലേക്ക് കൊണ്ടുവരാൻ ടോഡ് ബോഹ്‌ലിക്ക് താൽപ്പര്യമുണ്ടായിരുന്നുവെങ്കിലും അന്നത്തെ മാനേജർ തോമസ് ടുച്ചലിൽ നിന്ന് ചെറുത്തുനിൽപ്പ് നേരിടേണ്ടി വന്നു. 37 കാരൻ തന്റെ ഡ്രസ്സിംഗ് റൂമിനെ നശിപ്പിക്കുമെന്ന് ട്യുഷേൽ വിശ്വസിച്ചിരുന്നു. ഈ കാരണം കൊണ്ടാണ് ഈ ട്രാൻസ്ഫർ നടക്കാതെ പോയത്.

2022 ലോകകപ്പിന് ശേഷം ചെൽസിയോ മറ്റേതെങ്കിലും ചാമ്പ്യൻസ് ലീഗ് കളിക്കുന്ന ക്ലബ്ബിലേക്കോ പോവാനുള്ള ശ്രമത്തിലാണ് റൊണാൾഡോ.അതിനിടയിൽ പോർച്ചുഗീസ് സൂപ്പർസ്റ്റാറിനെ സൗദി അറേബ്യയിലേക്ക് കൊണ്ട് വരാനുള്ള ശ്രമവും നടക്കുന്നുണ്ട്. ക്രിസ്റ്റ്യാനോ റൊണാൾഡോയെ പോലൊരു താരം സൗദി ലീഗിൽ കളിക്കുന്നത് കാണാൻ ഞങ്ങൾ ആഗ്രഹിക്കുന്നുവെന്ന് സൗദി അറേബ്യൻ ഫുട്‌ബോൾ അസോസിയേഷൻ പ്രസിഡന്റ് യാസർ അൽ മിസെഹൽ അത്‌ലറ്റിക്കിനോട് പറഞ്ഞു. “ഇത് ഒരു വലിയ പോസിറ്റീവ് ഫീഡ്‌ബാക്ക് കൊണ്ടുവരും, എല്ലാവർക്കും ഇത് വലിയ വാർത്തയായിരിക്കും. ക്രിസ്റ്റ്യാനോ റൊണാൾഡോയുടെ നേട്ടങ്ങളും റെക്കോർഡുകളും എല്ലാവർക്കും അറിയാമെന്ന് എനിക്ക് ഉറപ്പുണ്ട്, മാത്രമല്ല കളിക്കാരൻ എന്ന നിലയിൽ ഒരു മികച്ച റോൾ മോഡൽ കൂടിയാണ് ,” അദ്ദേഹം കൂട്ടിച്ചേർത്തു.

“തീർച്ചയായും ഇത് വളരെ ചെലവേറിയ ഇടപാടായിരിക്കുമെന്ന് എനിക്ക് ഉറപ്പുണ്ട്, എന്നാൽ കഴിഞ്ഞ രണ്ട് വർഷങ്ങളിൽ ഞങ്ങളുടെ ക്ലബ്ബുകൾക്ക് ഉയർന്ന വരുമാനം ലഭിക്കുന്നത് നമുക്ക് കാണാൻ കഴിയും.പ്രീമിയർ ലീഗിൽ കളിച്ചിരുന്ന ചില വമ്പൻ താരങ്ങൾ സൗദി ലീഗിലേക്ക് വരുന്നത് നമ്മൾ നേരത്തെ കണ്ടതാണ്. ഒരു കളിക്കാരനെന്ന നിലയിൽ ക്രിസ്റ്റ്യാനോ റൊണാൾഡോയെ ഞാൻ ഇഷ്ടപ്പെടുന്നു, സൗദി അറേബ്യയിൽ അദ്ദേഹം കളിക്കുന്നത് കാണാൻ ഞാൻ ആഗ്രഹിക്കുന്നു,” അൽ-മിസെഹൽ പറഞ്ഞു.

മത്സരത്തിന്റെ ഉയർന്ന തലത്തിൽ തനിക്ക് ഇപ്പോഴും സ്വാധീനം ചെലുത്താൻ കഴിയുമെന്ന് റൊണാൾഡോ വിശ്വസിക്കുന്നുണ്ടോ അതോ തന്റെ കരിയറിലെ ഈ ഘട്ടത്തിൽ യൂറോപ്പ് വിടാൻ തയ്യാറാണോ എന്ന് വ്യക്തമല്ല. അതിനുള്ള സാധ്യത കുറവാണെങ്കിലും, ഈ ക്ലബ് ഇതിഹാസം ഓൾഡ് ട്രാഫോർഡിൽ തന്റെ കരിയർ അവസാനിപ്പിക്കുന്നത് കാണാൻ മാഞ്ചസ്റ്റർ യുണൈറ്റഡ് ആരാധകർ ആഗ്രഹിക്കുന്നുണ്ട്.